完整藏文原文 · 德格版页 当前仅加载第 49 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་བརྒྱན་པའི་སེ་མོ་དོ། །རྒྱལ་བའི་སྲས་དང་རྒྱལ་བ་ཡི། །སྟོད་ཀྱི་ཡན་ལག་རྣམས་ལ་བཏགས། །བཅོམ་ལྡན་རྒྱལ་སྲས་མཁས་བཅས་པ། །མཆོད་པ་ཕུལ་བ་བཞེས་ནས་ནི། །སོ་སོ་རང་རིག་སྤྱོད་ཡུལ་གྱི། །ཆོས་ནི་རྣམ་པར་བསྟན་པ་
D107.049.0058a01.01མཛད། །གནོད་སྦྱིན་སྡེ་དང་འབོད་འགྲོགས་ཀྱིས། །སྨྲ་བ་རྣམས་ཀྱི་མཆོག་མཆོད་དེ། །བློ་གྲོས་ཆེན་པོ་རབ་མཆོད་ཅིང་། །གསོལ་བ་ཡང་དང་ཡང་འདེབས་པ། །ཁྱོད་ནི་སངས་རྒྱས་ཐམས་ཅད་ལ། །རང་རིག་སྤྱོད་ཡུལ་འདྲི་བ་ཡིན། །འདི་ནི་བདག་དང་གནོད་སྦྱིན་
D107.049.0058a02.01དང་། །རྒྱལ་བའི་སྲས་རྣམས་ཉན་པ་མཆིས། །ཁྱོད་ལ་རྒྱལ་སྲས་མཁས་པ་དང་། །གནོད་སྦྱིན་རྣམས་ཀྱང་གསོལ་བ་འདེབས། །སྨྲ་བའི་ནང་ན་སྨྲ་ཆེན་ཁྱོད། །རྣལ་འབྱོར་ཅན་གྱིའང་རྣལ་འབྱོར་ཞུགས། །ཁྱོད་ལ་གུས་པར་གསོལ་འདེབས་ཀྱིས། །འཇིགས་པ་
D107.049.0058a03.01མེད་པས་ཚུལ་དྲིས་ཤིག །རང་རྒྱལ་ཉན་ཐོས་རྣམས་དང་ནི། །མུ་སྟེགས་ཉེས་ལས་རྣམ་པར་གྲོལ། །སོ་སོ་རང་རིག་ཆོས་ཉིད་གཙང་། །སངས་རྒྱས་ས་ནི་ཐོབ་བྱེད་པའོ། །རྩེ་མོ་རིན་ཆེན་བརྒྱན་པ་དང་། །གཞན་ཡང་ལྷ་རྫས་རྣམས་ཀྱི་ནི། །རིན་ཆེན་བྱེ་བས་བརྒྱན་
D107.049.0058a04.01པ་དག །བཅོམ་ལྡན་འདས་ཀྱིས་དེར་སྤྲུལ་ཏེ། །མགོན་པོ་རི་བོ་རེ་རེ་ལ། །ཉིད་ཀྱི་སྐུ་ནི་རབ་ཏུ་བསྟན། །འབོད་འགྲོགས་གནོད་སྦྱིན་དེ་དག་ན། །རེ་རེ་ལ་ནི་རྣམ་པར་གནས། །ཐམས་ཅད་འཁོར་ནི་མ་བྲི་བར། །རེ་རེ་ན་ཡང་ཤིན་ཏུ་སྣང་། །དེ་ན་ཞིང་རྣམས་ཐམས་
D107.049.0058a05.01ཅད་དང་། །གང་ཡང་དེ་ན་འདྲེན་པ་དང་། །དེ་ན་སྲིན་པོའི་དབང་པོ་རྣམས། །གང་དག་ལང་ཀར་གནས་པའང་སྣང་། །དེ་དང་འགྲན་པའི་ལང་ཀ་དང་། །ཨ་ཤོ་ཀ་ཡི་ཚལ་གཞན་དང་། །ནགས་ཚལ་བཟང་པོ་དེ་དག་ཀྱང་། །རྒྱལ་བ་ཡིས་ནི་མངོན་པར་སྤྲུལ། །མགོན་
D107.049.0058a06.01པོ་རི་རྣམས་རེ་རེ་ལ། །བློ་གྲོས་ཆེན་པོས་བསྐུལ་བ་དང་། །སོ་སོ་རང་རིག་རྗོད་པ་ཡིས། །ཆོས་ནི་གནོད་སྦྱིན་རྣམས་ལ་བསྟན། །སྟོང་ཕྲག་བརྒྱ་པའི་མདོ་སྡེ་དག །རི་བོ་ལ་ནི་མ་ལུས་བཤད། །སྟོན་པ་དང་ནི་རྒྱལ་སྲས་རྣམས། །དེ་ཉིད་དུ་ཡང་མི་སྣང་གྱུར། །གནོད་སྦྱིན་
D107.049.0058a07.01