完整藏文原文 · 德格版页 当前仅加载第 49 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
མིག་ལ་སོགས་ལས་བྱུང་། །ཐོག་མ་མེད་ནས་རྣམ་པར་འབྲེལ། །དོན་སྣང་བག་ཆགས་རྣམས་ལས་བྱུང་། །ཇི་ལྟར་སྣང་བ་སེམས་སྣང་སྟེ། །མུ་སྟེགས་ལྟ་བ་བཟློག་པ་ཡི། །དེ་ཡི་རྒྱུས་བྱུང་གཞན་ཉིད་ཀྱང་། །དེ་ལ་དམིགས་ནས་འཇུག་པར་འགྱུར། །དེ་ལས་ལྟ་བ་ཤེས་པ་དག །
D107.049.0191b01.01འཁོར་བར་རབ་ཏུ་འཇུག་པར་འགྱུར། །དངོས་པོ་རྨི་ལམ་སྒྱུ་མ་འདྲ། །དྲི་ཟའི་གྲོང་ཁྱེར་རྣམས་བཞིན་ཏེ། །སྨིག་རྒྱུ་བ་དང་ཆུ་ཟླ་ལྟར། །རང་གི་རྣམ་རྟོག་རྣམ་པར་སྒོམས། །འཇུག་པའི་རྣམ་པས་དེ་བཞིན་ཉིད། །ཡང་དག་ཡེ་ཤེས་དེ་ཡི་གནས། །སྒྱུ་མ་དཔའ་བར་འགྲོ་ལ་སོགས། །
D107.049.0191b02.01ཏིང་ངེ་འཛིན་ནི་གཞན་རྣམས་དང་། །མངོན་པར་ཤེས་དང་དབང་རྣམས་དང་། །ཡེ་ཤེས་སྒྱུ་མ་ལྟ་བུ་དང་། །དེ་བཞིན་གཤེགས་པས་དབང་བསྐུར་བ། །ས་ལ་ཞུགས་ནས་ཐོབ་པར་འགྱུར། །གང་ཚེ་འགྲོ་བ་རྣམ་རྟོག་མཐོང་། །དེ་ཚེ་སེམས་ནི་ལྡོག་པར་འགྱུར། །ས་ནི་རབ་ཏུ་དགའ་བ་
D107.049.0191b03.01དང་། །སངས་རྒྱས་ས་དང་ས་རྣམས་འཐོབ། །གནས་ནི་རབ་ཏུ་གྱུར་པའི་ཕྱིར། །ཇི་ལྟར་སྣ་ཚོགས་ནོར་བུ་བཞིན། །སེམས་ཅན་རྣམས་ཀྱི་དོན་བྱེད་དེ། །ཆུ་ལ་གཟུགས་བརྙན་ཇི་བཞིན་ནོ། །ཡོད་དང་མེད་པའི་ཕྱོགས་རྣམས་དང་། །གཉིས་དང་གཉིས་མེད་པ་དང་བྲལ། །ཉན་ཐོས་རང་
D107.049.0191b04.01རྒྱལ་འདས་གྱུར་ན། །ས་བདུན་པོར་ནི་འགྱུར་བ་ཡིན། །སོ་སོ་རང་ཆོས་མཐོང་བས་ནི། །ཡང་དག་པ་ཡི་ས་སྦྱངས་ཏེ། །ཕྱི་རོལ་མུ་སྟེགས་རྣམས་སྤངས་པའི། །ཐེག་པ་ཆེན་པོ་བཤད་པར་བྱ། །རྣམ་པར་རྟོག་པར་རབ་གྱུར་ན། །ཤི་འཕོས་འཇིག་པ་རྣམས་སྤངས་པ། །རི་བོང་སྤུ་ཡི་ནོར་བུ་
D107.049.0191b05.01བཞིན། །གྲོལ་བ་རྣམས་ལ་ཚུལ་ཡང་བཤད། །ཇི་ལྟར་ཚིག་ལ་ཚིག་གནས་པ། །གལ་ཏེ་རིགས་ལ་རིགས་དེ་བཞིན། །དེ་ཕྱིར་རིགས་པའི་རིགས་པ་ཡིན། །དེ་ལས་གཞན་དུ་མ་རྟོག་ཅིག །མིག་དང་ལས་དང་སྲེད་པ་དང་། །མ་རིག་དེ་བཞིན་ཚུལ་བཞིན་མིན། །མིང་དང་གཟུགས་དང་ཡིད་རྣམས་
D107.049.0191b06.01དང་། །རྙོག་པའི་ཡིད་ཀྱང་དེ་བཞིན་ནོ། །འཕགས་པ་ལང་ཀར་གཤེགས་པ་ཞེས་བྱ་བ་ཐེག་པ་ཆེན་པོའི་མདོ་ཇི་སྙེད་པ་རྫོགས་སོ།། །།བཅོམ་ལྡན་འདས་ཀྱི་རིང་ལུགས་པ་འགོས་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཏེ་གཏན་ལ་ཕབ་པའོ།། །།
D107.049.0191b07.01