完整藏文原文 · 德格版页 当前仅加载第 49 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ནི་སྣ་ཚོགས་པ། །རྣམ་གྲངས་དག་གིས་ངས་བཤད་དོ། །མདོ་སྡེ་འདུལ་བ་ཆོས་མངོན་པས། །དོན་གྱིས་མ་ཡིན་ཚིག་རྣམས་ཀྱིས། །རྣམ་པར་དག་པ་གང་རྟོག་པ། །བདག་མེད་པ་ལ་དེ་མི་གནས། །ང་དང་སངས་རྒྱས་རྣམས་དང་ནི། །མུ་སྟེགས་ཅན་དག་གང་གིས་ཀྱང་། །རྐྱེན་གྱིས་ཡོད་པ་ནམ་
D107.049.0166b01.01བསྒྲུབས་ན། །ཇི་ལྟ་བུར་ནི་ཡོད་པར་འགྱུར། །རྐྱེན་རྣམས་ཀྱིས་ནི་ཡོད་པར་ཡང་། །སུ་ཡིས་བསྒྲུབས་ན་གང་མེད་བསྒྲུབས། །སྐྱེ་བར་སྨྲ་བ་ངན་ལྟ་བས། །ཡོད་དང་མེད་པར་རྣམ་པར་རྟོག །གང་གི་ཅི་ཡང་མི་སྐྱེ་ལ། །ཅི་ཡང་འགག་པར་མི་འགྱུར་བ། །འགྲོ་བ་དབེན་པར་མཐོང་བས་ན། །
D107.049.0166b02.01དེ་ལ་ཡོད་མེད་ཉེར་མི་འགྲོ། །སྣང་བ་རི་བོང་རྭ་བཞིན་ཏེ། །མི་རྣམས་ཀྱི་ནི་རྣམ་རྟོག་ཡོད། །སྨིག་རྒྱུ་ལ་ནི་{རི་དགས་,རི་དྭགས་}བཞིན། །གང་རྣམས་རྟོག་པ་དེ་དག་ནོར། །རྣམ་རྟོག་མངོན་པར་ཆགས་པ་ཡིས། །རྣམ་པར་རྟོག་པ་ཤིན་ཏུ་འབྱུང་། །སྐྱེ་བ་དང་ནི་འཇིག་ལས་གྲོལ། །སྣང་བ་མེད་ལ་རབ་ཏུ་
D107.049.0166b03.01སྤྱོད། །ཟབ་ཡངས་རྒྱ་ཆེ་ཡེ་ཤེས་དང་། །ཕུན་སུམ་ཚོགས་པའི་ཞིང་རྣམས་ནི། །རྒྱལ་བའི་སྲས་པོ་རྣམས་ལ་བཤད། །ཉན་ཐོས་རྣམས་ལ་མི་རྟོག་པ། །སྲིད་གསུམ་མི་རྟག་སྟོང་པ་སྟེ། །བདག་དང་བདག་གི་རྣམ་སྤངས་དང་། །རྒྱུ་མེད་པ་ཡི་རྣམ་རྟོག་ནི། །རྣམ་པར་རྟོག་ཅེས་བྱར་མི་རུང་། །ཇི་ལྟ་བུར་
D107.049.0166b04.01ནི་སྨིག་རྒྱུ་ལ། །ཆུ་མེད་པར་ནི་ཆུར་འཛིན་འགྱུར། །དེ་བཞིན་སྣང་ལ་བྱིས་པ་རྣམས། །འཕགས་པ་རྣམས་ནི་བྱེ་བྲག་ཏུ། །འཕགས་པའི་ལྟ་བ་དག་པ་སྟེ། །རྣམ་པར་ཐར་པ་གསུམ་ལས་བྱུང་། །རང་དང་སྤྱི་ཡི་མཚན་ཉིད་རྣམས། །ཉན་ཐོས་རྣམས་ལ་རབ་ཏུ་བཤད། །ཐམས་ཅད་ཆོས་ལ་
D107.049.0166b05.01མ་ཆགས་དང་། །གཅིག་པུ་དབེན་པར་སྤྱོད་པ་དང་། །མ་བརྟགས་པ་ཡི་འབྲས་བུ་ནི། །རང་རྒྱལ་སྲས་པོ་དག་ལ་བཤད། །ཕྱི་རོལ་བརྟགས་པའི་རང་བཞིན་ཏེ། །གཞན་དབང་རང་གི་གཞི་ལས་སྐྱེས། །བདག་ལས་སྐྱེས་པའི་འཁྲུལ་མ་མཐོང་། །དེ་ཕྱིར་སེམས་རྣམས་རབ་ཏུ་འཇུག །བཅུ་པོ་པ་ནི་
D107.049.0166b06.01དང་པོ་ཡིན། །དང་པོ་པ་ནི་བརྒྱད་པོ་ཡིན། །དགུ་པོ་ཡང་ནི་བདུན་པ་སྟེ། །བདུན་པོ་པ་ཡང་བརྒྱད་པོ་ཡིན། །གཉིས་པོ་པ་ནི་གསུམ་པ་ཡིན། །བཞི་པོ་ཡང་ནི་ལྔ་པོ་ཡིན། །གསུམ་པོ་ཡང་ནི་དྲུག་ཡིན་ཏེ། །སྣང་མེད་པ་ལ་རིམ་ཅི་ཡོད། །དངོས་པོ་རྣམས་ནི་སྣང་མེད་ཚེ། །རྣལ་འབྱོར་ཅན་ལ་
D107.049.0166b07.01