完整藏文原文 · 德格版页 当前仅加载第 49 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དག་ནི་མར་བཤད་དེ། །མ་རིག་པ་ཡང་ཕར་ཤེས་སོ། །རྣམ་ཤེས་ཡུལ་རྣམས་རིག་པས་ན། །སངས་རྒྱས་སུ་ནི་དེ་ངས་བསྟན། །བག་ལ་ཉལ་ནི་དགྲ་བཅོམ་སྟེ། །ཕུང་པོ་ལྔ་འདུས་དགེ་འདུན་ནོ། །མཚམས་མེད་པར་ནི་མཚམས་བཅད་པས། །དེ་ནི་མཚམས་མེད་ལས་ཡིན་
D107.049.0176a01.01ནོ། །བདག་མེད་གཉིས་དང་ཉོན་མོངས་རྣམས། །དེ་བཞིན་སྒྲིབ་པ་གཉིས་པོ་དང་། །ཤི་འཕོ་བསམ་གྱིས་མི་ཁྱབ་པ། །ཐོབ་པས་དེ་བཞིན་གཤེགས་པ་ཡིན། །གྲུབ་པའི་མཐའ་དང་ཚུལ་རྣམས་དང་། །སོ་སོ་རང་རིག་བསྟན་པ་ཡང་། །བྱེ་བྲག་ཤེས་པ་སུས་མཐོང་བ། །དེ་དག་རྟོག་པའི་དབང་
D107.049.0176a02.01མི་འགྲོ། །ཇི་ལྟར་བྱིས་པས་བརྟགས་པ་ལྟར། །དངོས་པོ་ལ་ནི་བདེན་མེད་ན། །དངོས་པོ་མེད་པར་མཐར་མིན་པར། །རྟོག་གེ་ཅན་དག་ཅིས་མི་འདོད། །སྐྱེ་དང་འཇིག་པར་འབྲེལ་པ་ཡི། །འདུས་བྱས་རབ་ཏུ་མཐོང་བ་ནི། །ལྟ་བ་གཉིས་པོ་རྒྱས་པར་བྱེད། །རྐྱེན་རྣམས་ཤེས་པ་མ་ཡིན་ནོ། །མྱ་
D107.049.0176a03.01ངན་འདས་པ་ཡིད་སྤངས་པ། །གཅིག་པུ་དེ་ནི་བདེན་པ་ཡིན། །འཇིག་རྟེན་བརྟགས་པ་སྒྱུ་མ་དང་། །ཆུ་སྐྱེས་ཕུང་ལྟར་བལྟ་བར་བྱ། །འདོད་ཆགས་དང་ནི་ཞེ་སྡང་དང་། །གཏི་མུག་ཡོད་དེ་གང་ཟག་མེད། །ཕུང་པོ་རྣམས་ནི་སྲིད་ལས་བྱུང་། །རྨི་ལམ་དག་དང་འདྲ་བ་ཡོད། །གང་གི་ནུབ་མོ་ཐུགས་སུ་ཆུད། །
D107.049.0176a04.01གང་ལ་ཡོངས་སུ་མྱ་ངན་འདས། །ངས་ནི་དེ་ཡི་བར་དུ་ཡང་། །ཅུང་ཟད་བསྟན་པའང་མ་ཡོད་དོ། །སོ་སོ་རང་ཆོས་ལུགས་རྣམས་ལ། །དགོངས་ནས་རབ་ཏུ་ངས་བཤད་དེ། །ང་དང་སངས་རྒྱས་དེ་དག་གིས། །ཅུང་ཟད་བྱེ་བྲག་བྱས་པ་མེད། །བདག་ནི་རྫས་དང་འདྲ་བར་ཡོད། །ཕུང་པོ་རྣམས་ནི་མཚན་ཉིད་
D107.049.0176a05.01སྤངས། །དངོས་པོར་ཕུང་པོ་ཡོད་པ་སྟེ། །དེ་དག་ལ་ནི་བདག་མེད་དོ། །ཉོན་མོངས་བག་ལ་ཉལ་བཅས་པས། །སོ་སོར་རྣམ་པར་སྒོམ་པ་དང་། །འགྲོ་བ་རང་གི་སེམས་མཐོང་ན། །སྡུག་བསྔལ་ཀུན་ལས་ཐར་བར་འགྱུར། །གང་གི་རྒྱུ་དང་རྐྱེན་རྣམས་དང་། །མཐའ་བཞི་ཡི་ནི་རིགས་པ་ཡིས། །
D107.049.0176a06.01འཇིག་རྟེན་རབ་དུ་འབྱུང་ཞེས་པ། །དེ་དག་ང་ཡི་ཚུལ་མི་མཁས། །འཇིག་རྟེན་ཡོད་དང་མེད་མི་སྐྱེ། །མེད་མིན་ཡོད་མིན་གང་ནའང་མེད། །རྒྱུ་དང་རྐྱེན་རྣམས་དག་གིས་ཀྱང་། །བྱིས་པ་རྣམས་ནི་ཇི་ལྟར་རྟོག །གང་གི་ཚེ་ན་འཇིག་རྟེན་རྣམས། །ཡོད་མིན་མེད་མིན་ཡོད་མེད་མིན། །མཐོང་ན་དེ་ཚེ་
D107.049.0176a07.01