完整藏文原文 · 德格版页 当前仅加载第 49 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ནི་རྟ་དང་འདྲ་བར་ཡོད། །ཕུང་པོ་བ་ལང་ངོ་བོ་སྤངས། །འདུས་བྱས་འདུས་མ་བྱས་པ་ལ། །སྨྲར་མེད་བརྗོད་མེད་རང་བཞིན་ནོ། །ལུང་དང་རིགས་པས་ངན་པར་མཐོང་། །རྟོག་གེའི་ལྟ་བས་དྲི་མར་བྱས། །ཕྱེ་བ་མེད་པར་བདག་ཏུ་སྨྲ། །
D107.049.0190a01.01རྒྱུ་མེད་མ་ཡིན་གཞན་ན་མེད། །དེ་དག་གི་ནི་ཉེས་བསགས་པ། །ཕུང་པོ་བདག་ཏུ་མི་བསྒོམ་སྟེ། །གཅིག་པ་དང་ནི་དེ་ལས་གཞན། །རྟོག་གེ་ཅན་གྱིས་མི་ཤེས་སོ། །མེ་ལོང་ཆུ་དང་མིག་རྣམས་ལ། །ཇི་ལྟར་གཟུགས་བརྙན་སྣང་འགྱུར་བ། །གཅིག་དང་ཐ་དད་བྲལ་བ་
D107.049.0190a02.01བཞིན། །དེ་བཞིན་གང་ཟག་ཕུང་པོ་ལའོ། །བསྒོམ་དང་རྣམ་བསྒོམ་བསམ་གཏན་པ། །ལམ་དང་བདེན་དང་མཐོང་བ་སྟེ། །དེ་རྣམས་གསུམ་ནི་རྣམ་བསྒོམས་ན། །ལྟ་བ་ངན་ལས་གྲོལ་བར་འགྱུར། །ཇི་ལྟར་མཐོང་ན་ཞིག་པའི་གློག །ཁྱིམ་གྱི་བུ་གའི་འཁོར་ལོ་ལྟར། །
D107.049.0190a03.01དེ་བཞིན་ཆོས་ཀུན་འགྱུར་བ་ལ། །བྱིས་པ་བཞིན་དུ་མ་རྟོག་ཤིག །དངོས་པོ་མེད་པས་མྱ་ངན་འདས། །བྱིས་པའི་སེམས་ནི་རྨོངས་པར་བྱེད། །ཇི་ལྟར་འདུག་བཞིན་མཐོང་བ་དང་། །འཕགས་པས་མཐོང་བ་ཡོད་པའི་ཕྱིར། །སྐྱེ་བ་དང་ནི་འཇིག་བྲལ་ཞིང་། །དངོས་པོ་
D107.049.0190a04.01ཡོད་དང་མེད་སྤངས་པ། །མཚན་ཉིད་མཚན་གཞི་བྲལ་བ་ཡི། །འགྱུར་བ་རྣམ་པར་བསྒོམ་པར་བྱ། །མུ་སྟེགས་ཅན་གྱི་སྨྲ་དང་བྲལ། །མིང་དང་དབྱིབས་ནི་སྤངས་གྱུར་པ། །ནང་གི་ལྟ་བའི་གནས་རྣམས་ཀྱི། །འགྱུར་བ་རྣམ་པར་བསྒོམ་པར་གྱིས། །རེག་པ་དང་
D107.049.0190a05.01ནི་གཟིར་བ་ཡིས། །ལྷ་དང་སེམས་ཅན་དམྱལ་བའི་ལུས། །བར་མ་དོ་ཡི་སྲིད་མེད་དེ། །རྣམ་པར་ཤེས་པས་བསྐྱེད་པ་ཡིན། །མངལ་སྒོང་དྲོད་གཤེར་ལ་སོགས་པའི། །སྲིད་པ་བར་མར་འབྱུང་བ་དག །སེམས་ཅན་མང་པོ་སྣ་ཚོགས་བཞིན། །འགྲོ་དང་འགྲོ་བར་
D107.049.0190a06.01རྣམ་པར་བསྒོམས། །ལུང་དང་རིགས་པར་བྲལ་གྱུར་པ། །ཉོན་མོངས་ཕྱོགས་དང་ཟད་འཐོབ་བྱེད། །མུ་སྟེགས་ལྟ་བའི་སྨྲ་བ་ལ། །བློ་གྲོས་ཅན་གྱིས་མི་སྤྱད་དོ། །ཐོག་མར་ཉེ་བར་ལེན་པ་ལས། །བདག་ནི་ཕྱེ་བས་བྱེ་བྲག་དབྱེ། །མ་ཕྱེ་བྱེ་བྲག་འབྱེད་
D107.049.0190a07.01