完整藏文原文 · 德格版页 当前仅加载第 49 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་འཚང་མི་རྒྱ། །འོག་མིན་དུ་ནི་གྲུབ་པའི་མཐའ། །ཇི་ལྟར་རིགས་པ་ང་ལ་འདྲི། །ཅི་ཕྱིར་མངོན་ཤེས་འཇིག་རྟེན་པ། །ཇི་ལྟར་དགེ་སློང་དངོས་སུ་འགྱུར། །སྤྲུལ་དང་རྣམ་སྨིན་གནས་པ་ཡི། །སངས་རྒྱས་ང་ལ་ཅི་ལྟར་འདྲི། །ཡང་དག་ཡེ་ཤེས་སངས་རྒྱས་དང་། །དགེ་འདུན་རྣམས་
D107.049.0067b01.01ཀྱང་ཇི་ལྟར་འགྱུར། །པི་བང་མེ་ཏོག་རྔ་འདྲ་དང་། །སྣང་བ་སྤངས་པའི་ཞིང་རྣམས་དང་། །སེམས་དང་ས་རྣམས་བདུན་པོ་དག །ང་ལ་རྒྱལ་བའི་བུ་ཡང་འདྲི། །འདི་དང་གཞན་ཡང་རབ་མང་བའི། །འདྲི་བ་ང་ལ་བུས་དྲིས་པ། །རེ་རེར་མཚན་དང་རབ་ལྡན་ཞིང་། །ལྟ་བའི་ཉེས་པ་རྣམ་
D107.049.0067b02.01སྤངས་ཏེ། །བཤད་པའི་ཕྱོགས་ཀྱི་གྲུབ་པའི་མཐའ། །ངས་བཤད་ང་ལས་མཉན་པར་གྱིས། །ཚིག་རྣམས་དགོད་པར་ངས་བྱ་ཡིས། །ཚིག་ནི་བརྒྱ་ཡི་རྩ་བརྒྱད་པོ། །ཇི་ལྟར་སངས་རྒྱས་བཤད་པ་རྣམས། །ང་ལ་བུ་ཡིས་མཉན་པར་གྱིས། །དེ་ནས་བྱང་ཆུབ་སེམས་དཔའ་སེམས་དཔའ་
D107.049.0067b03.01ཆེན་པོ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཚིག་བརྒྱ་རྩ་བརྒྱད་པོ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། སྐྱེ་བའི་ཚིག་དང་། མི་སྐྱེ་བའི་ཚིག་དང་། རྟག་པའི་ཚིག་དང་། མི་རྟག་པའི་ཚིག་དང་། མཚན་ཉིད་ཀྱི་ཚིག་དང་། མཚན་
D107.049.0067b04.01ཉིད་མེད་པའི་ཚིག་དང་། གནས་གཞན་དུ་འགྱུར་བའི་ཚིག་དང་། གནས་གཞན་དུ་འགྱུར་བ་མ་ཡིན་པའི་ཚིག་དང་། སྐད་ཅིག་པའི་ཚིག་དང་། སྐད་ཅིག་པ་མེད་པའི་ཚིག་དང་། རང་བཞིན་ཡོད་པའི་ཚིག་དང་། རང་བཞིན་མེད་པའི་ཚིག་དང་། སྟོང་པ་ཉིད་ཀྱི་ཚིག་དང་། སྟོང་པ་ཉིད་མ་ཡིན་པའི་
D107.049.0067b05.01ཚིག་དང་། ཆད་པའི་ཚིག་དང་། ཆད་པ་མ་ཡིན་པའི་ཚིག་དང་། སེམས་ཀྱི་ཚིག་དང་། སེམས་མེད་པའི་ཚིག་དང་། དབུ་མའི་ཚིག་དང་། དབུ་མ་མ་ཡིན་པའི་ཚིག་དང་། ཐེར་ཟུག་པའི་ཚིག་དང་། ཐེར་ཟུག་མ་ཡིན་པའི་ཚིག་དང་། རྐྱེན་གྱི་ཚིག་དང་། རྐྱེན་མ་ཡིན་པའི་
D107.049.0067b06.01ཚིག་དང་། རྒྱུའི་ཚིག་དང་། རྒྱུ་མེད་པའི་ཚིག་དང་། ཉོན་མོངས་པའི་ཚིག་དང་། ཉོན་མོངས་པ་མེད་པའི་ཚིག་དང་། སྲེད་པའི་ཚིག་དང་། སྲེད་པ་མེད་པའི་ཚིག་དང་། ཐབས་ཀྱི་ཚིག་དང་། ཐབས་མ་ཡིན་པའི་ཚིག་དང་། མཁས་པའི་ཚིག་དང་། མཁས་པ་མ་ཡིན་པའི་ཚིག་
D107.049.0067b07.01