完整藏文原文 · 德格版页 当前仅加载第 49 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
རྨོངས་པའི་ཕྱིར། །བཅིངས་དང་ཐར་པ་ཤིན་ཏུ་འབྱུང་། །ཕྱི་དང་ནང་གི་རྣམ་གཉིས་ཏེ། །ཆོས་རྣམས་དང་ནི་རྐྱེན་རྣམས་སོ། །རྣལ་འབྱོར་དེ་ལ་རབ་བསྒོམ་ཞིང་། །སྣང་བ་མེད་ལ་གནས་པར་བྱ། །བག་ཆགས་དག་གིས་སེམས་དབྱེ་སྟེ། །སེམས་དང་བག་ཆགས་ཐ་མི་དད། །
D107.049.0168a01.01སེམས་ནི་ཐ་དད་མ་ཡིན་མཚན། །བག་ཆགས་རྣམས་ཀྱིས་ཡོངས་སུ་དཀྲིས། །ཡིད་ཀྱི་ཤེས་ལས་བྱུང་བ་ཡི། །བག་ཆགས་དྲི་མ་བཞིན་དུ་ལྟོས། །སེམས་ནི་རས་ཡུག་དཀར་པོ་འདྲ། །བག་ཆགས་རྣམས་ཀྱིས་མི་མཛེས་སོ། །ཇི་ལྟར་ངས་ནི་ནམ་མཁའ་ལ། །དངོས་དང་དངོས་མེད་མ་ཡིན་བཤད། །
D107.049.0168a02.01དེ་བཞིན་ལུས་ལ་ཀུན་གཞི་ནི། །དངོས་དང་དངོས་པོ་མེད་པས་སྤངས། །རྙོག་པ་སྤངས་པའི་སེམས་ཉིད་ནི། །ཡིད་ཀྱི་རྣམ་ཤེས་བཟློག་པ་སྟེ། །ཆོས་རྣམས་ཐམས་ཅད་ཤེས་པའི་ཕྱིར། །སེམས་ནི་སངས་རྒྱས་ཤེས་ང་འཆད། །རྒྱུད་གསུམ་རྣམ་པར་འཆད་པ་སྟེ། །ཡོད་པ་དང་ནི་མེད་པ་སྤངས། །
D107.049.0168a03.01མཐའ་བཞི་དག་ལས་རྣམ་པར་གྲོལ། །སྲིད་པ་རྟག་ཏུ་སྒྱུ་མ་བཞིན། །སེམས་ལས་བྱུང་བའི་ས་བདུན་རྣམས། །ངོ་བོ་ཉིད་ནི་གཉིས་སུ་འགྱུར། །ས་གཞན་དང་ནི་སངས་རྒྱས་ས། །དེ་དག་ཤིན་ཏུ་རྫོགས་པ་ཡིན། །གཟུགས་ཅན་དང་ནི་གཟུགས་མེད་ཁམས། །འདོད་པའི་ཁམས་དང་
D107.049.0168a04.01མྱ་ངན་འདས། །སེམས་ཀྱི་སྤྱོད་ཡུལ་ཐམས་ཅད་ཀྱང་། །ལུས་འདི་ཉིད་དུ་བཤད་པ་ཡིན། །གང་ཚེ་ཇི་སྲིད་དམིགས་གྱུར་པ། །དེ་སྲིད་ནོར་པ་འཇུག་པར་འགྱུར། །ནོར་པ་རང་གི་སེམས་རྟོགས་ན། །འཇུག་པ་མེད་ཅིང་ལྡོག་པ་མེད། །སྐྱེ་བ་མེད་ལ་རྒྱུ་ཡང་མེད། །དངོས་པོས་འཁོར་བ་
D107.049.0168a05.01ཀུན་འཛིན་ཏེ། །རྒྱུ་ལ་སོགས་དང་འདྲར་མཐོང་ན། །མཚན་ཉིད་ལ་ནི་མི་བརྟག་གོ། །བྱིས་པ་ཞན་པའི་བློ་ཅན་ལ། །ཐེག་པ་གཅིག་དང་ཐེག་གསུམ་དང་། །ཐེག་པ་མེད་པ་རང་འཆད་དོ། །འཕགས་པ་རྣམས་ལ་དབེན་པ་ཉིད། །མཚན་ཉིད་དང་ནི་རྟོག་པ་དེ། །ང་ཡི་སྐྱེ་བ་རྣམ་གཉིས་
D107.049.0168a06.01སོ། །ཚུལ་བསྟན་པ་ནི་རྣམ་བཞི་སྟེ། །རིགས་པ་བསྟན་དང་གྲུབ་པའི་མཐའ། །དབྱིབས་དང་བྱད་ཀྱི་ཁྱད་པར་གྱིས། །ནོར་བ་མཐོང་ནས་རྣམ་པར་རྟོག །མིང་དང་དབྱིབས་དང་བྲལ་གྱུར་ནས། །རང་བཞིན་འཕགས་པའི་སྤྱོད་ཡུལ་གཙང་། །ཇི་སྲིད་རྣམ་པར་རྟོག་པས་རྟོག །དེ་
D107.049.0168a07.01