完整藏文原文 · 德格版页 当前仅加载第 49 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
འབོད་འགྲོགས་བདག་གིས་ལུས། །ཁྱིམ་ན་གནས་པར་མཐོང་བ་དང་། །བསམས་པ་འདི་གོ་ཇི་ཞིག་སྙམ། །གང་གིས་བཤད་དེ་སུ་ཡིས་ཐོས། །ཅི་ཞིག་མཐོང་གི་གང་གིས་མཐོང་། །གྲོང་ཁྱེར་དེ་དག་གང་དུ་སོང་། །སངས་རྒྱས་དེ་དག་ཞིང་དེ་རྣམས། །རིན་ཆེན་
D107.049.0058b01.01ནགས་བཟང་དེ་ག་རེ། །འདི་ན་སྒྱུ་མའམ་རྨི་ལམ་རོལ། །དྲི་ཟའི་གྲོང་ཞེས་བསྒྲགས་པའམ། །རབ་རིབ་ཡིན་ནམ་སྨིག་རྒྱུའམ། །རྨི་ལམ་མོ་ཤམ་བུ་བྱུང་ངམ། །བདག་གིས་འདིར་ནི་གང་མཐོང་བ། །མགལ་མེ་བསྐོར་ཏམ་དུ་བའམ། །འོན་ཏེ་སེམས་ཀྱི་སྤྱོད་ཡུལ་
D107.049.0058b02.01ལ། །ཆོས་རྣམས་ཀྱི་ནི་ཆོས་ཉིད་དམ། །ལྟ་བ་མེད་ཅིང་བལྟ་བའང་མེད། །སྨྲ་མེད་སྨྲ་བར་བྱ་མེད་ན། །རང་གི་རྟོག་པས་མྱོས་པ་ཡི། །བྱིས་པ་རྣམས་ཀྱིས་མི་ཤེས་སོ། །གཞན་དུ་རྣམ་པར་རྟོག་པ་འདི། །སངས་རྒྱས་དང་ནི་ཆོས་ལྟར་གནས། །ཇི་ལྟར་མཐོང་
D107.049.0058b03.01བཞིན་སུ་ལྟ་བ། །དེ་དག་འདྲེན་པ་མི་མཐོང་ངོ་། །རྣམ་པར་རྟོག་པ་མི་འཇུག་ཅིང་། །གང་ཚེ་སངས་རྒྱས་མི་མཐོང་ལ། །འཇུག་མེད་སངས་རྒྱས་ཡིན་པར་ནི། །གལ་ཏེ་མཐོང་ན་དེ་སངས་རྒྱས། །ལང་ཀའི་བདག་པོ་གནས་ཤིན་ཏུ་གྱུར་པ་དང་། རང་གི་སེམས་སྣང་བ་
D107.049.0058b04.01ཙམ་དུ་ཁོང་དུ་ཆུད་པ་རབ་ཏུ་རྟོགས་མ་ཐག་ཏུ་རྣམ་པར་རྟོག་པའི་རྒྱུ་བ་ལ་གནས་པ། སྔོན་གྱི་དགེ་བའི་རྩ་བས་བསྐུལ་བ། གཙུག་ལག་ཐམས་ཅད་ལ་མཁས་པའི་བློ་དེ་བཞིན་ཉིད་ཇི་ལྟ་བ་བཞིན་དུ་མཐོང་བ། གཞན་གྱི་དྲིང་མི་འཇོག་པ། བདག་གི་བློ་རྣམ་པར་དཔྱོད་པ་ལ་མཁས་
D107.049.0058b05.01པ། རྟོག་གེ་བའི་ལྟ་བ་དང་བྲལ་བར་ལྟ་བ། གཞན་གྱི་དྲིང་ལ་མི་འཇོག་པ། རྣལ་འབྱོར་ཆེན་པོའི་རྣལ་འབྱོར་ཅན། གཟུགས་སྣ་ཚོགས་འཆང་བ་ཆེན་པོ་ཐབས་ལ་མཁས་པ་ཁོང་དུ་ཆུད་པར་རྟོགས་པ། གོང་ནས་གོང་དུ་ས་ཐམས་ཅད་ཀྱི་རང་གི་མཚན་ཉིད་རྟོགས་པར་བྱ་བ་ལ་
D107.049.0058b06.01མཁས་པ། སེམས་དང་ཡིད་དང་ཡིད་ཀྱི་རྣམ་པར་ཤེས་པའི་རང་བཞིན་དབེན་པ་ལ་དགའ་བ། རྒྱུད་གསུམ་ཆད་པར་ལྟ་བ། རྒྱུ་དང་མུ་སྟེགས་ཅན་ཐམས་ཅད་ཀྱི་རྒྱུ་དང་བྲལ་བའི་བློར་གྱུར་པས་དེ་བཞིན་གཤེགས་པའི་སྙིང་པོ། སངས་རྒྱས་ཀྱི་ས་ལ་ནང་དུ་སྙོམས་པར་ཞུགས་པ་
D107.049.0058b07.01