完整藏文原文 · 德格版页 当前仅加载第 49 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཤིང་རྣམས་ལ། །རིགས་པ་མི་ཤེས་པས་མི་མཐོང་། །དེ་བཞིན་གང་ཟག་ཕུང་པོ་ལའོ། །དངོས་པོ་རྣམས་ལ་མི་རྟག་དང་། །སྟོང་པ་ཉིད་ཀྱང་ཡོད་བཞིན་དུ། །མི་མཁས་རྣམས་ཀྱིས་མི་མཐོང་བ། །དེ་བཞིན་གང་ཟག་ཕུང་པོ་ལའོ། །ས་
D107.049.0187a01.01དང་དབང་དང་མངོན་ཤེས་དང་། །བླ་མ་ཡི་ནི་དབང་བསྐུར་དང་། །ཏིང་ངེ་འཛིན་གྱི་ཁྱད་པར་རྣམས། །བདག་མེད་ན་ནི་མེད་པ་ཡིན། །གང་ཚེ་འཇིག་བྱེད་སོང་ནས་ནི། །གལ་ཏེ་ཡོད་ན་སྟོན་ཅེས་ཟེར། །རང་གི་རྣམ་རྟོག་སྟོན་ཅིག་ཅེས། །དེ་ལ་མཁས་
D107.049.0187a02.01པས་བསྒོ་བར་བྱ། །སངས་རྒྱས་ཆོས་ལ་གནོད་བྱེད་པ། །ཡོད་མེད་ཕྱོགས་ལ་ལྟ་བ་ཡི། །བདག་མེད་སྨྲ་དང་སྨྲ་མི་བྱ། །དགེ་སློང་ལས་ལ་སྤང་བར་བྱ། །བདག་མེད་ནགས་ཚལ་སྲེག་བྱེད་ཅིང་། །མུ་སྟེགས་ཉེས་ལས་རྣམ་གྲོལ་བ། །དུས་མཐའི་མེ་ནི་འབར་བ་
D107.049.0187a03.01བཞིན། །བདག་ཏུ་སྨྲ་འདི་རབ་ཏུ་འབར། །ཁ་འདའ་སྦྲང་རྩི་ཁ་ར་དང་། །མར་དང་ཏིལ་ལ་སོགས་པ་དང་། །དེ་དག་རང་གི་རོ་ཡོད་ཀྱང་། །མ་མྱངས་རབ་ཏུ་རྟོགས་མི་འགྱུར། །ཕུང་པོ་མཐོང་བ་རྣམས་ལ་བདག །རྣམ་པ་ལྔར་ནི་གཟུང་བྱས་ཀྱང་། །
D107.049.0187a04.01མི་མཁས་རྣམས་ཀྱིས་མི་མཐོང་སྟེ། །མཁས་པས་མཐོང་ནས་རྣམ་པར་འགྲོལ། །རིག་སྔགས་ལ་སོགས་དཔེ་རྣམས་ཀྱིས། །སེམས་ནི་རྟོགས་པར་མི་ནུས་ཏེ། །གང་ལ་གང་ཕྱིར་གང་དོན་དུ། །འདུས་པ་རྣམས་ནི་མི་རྟོགས་སོ། །ཆོས་རྣམས་མཚན་
D107.049.0187a05.01ཉིད་མི་འདྲ་སྟེ། །སེམས་གཅིག་པོ་ནི་མི་གཟུང་ངོ་། །རྒྱུ་མེད་པ་དང་མི་འཇུག་པར། །རྟོག་གེ་པ་ལ་ཉེས་པར་འགྱུར། །སེམས་ཀྱི་རྗེས་ལྟ་རྣལ་འབྱོར་པ། །སེམས་རྣམས་ཀྱིས་ནི་སེམས་མི་མཐོང་། །མཐོང་བྱེད་སྣང་ལས་བྱུང་བ་ན། །སྣང་བ་ཅི་ཡི་རྒྱུ་
D107.049.0187a06.01ལས་འབྱུང་། །ང་ནི་ཀཱ་ཏྱཱ་ཡ་ནའི་རིགས། །གཙང་མའི་གནས་ནས་བྱུང་བ་སྟེ། །མྱ་ངན་འདས་པའི་གྲོང་འགྲོ་བའི། །ཆོས་ནི་སེམས་ཅན་རྣམས་ལ་སྟོན། །འདི་ནི་སྔོན་གྱི་ལམ་ཡིན་ཏེ། །ང་དང་དེ་བཞིན་གཤེགས་རྣམས་ཀྱིས། །སྟོང་ཕྲག་གསུམ་
D107.049.0187a07.01