完整藏文原文 · 德格版页 当前仅加载第 49 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ལྡོག་པ་རྣམས། །སྨྲ་བའི་མཆོག་གིས་བདག་ལ་གསུངས། །ཡོད་དང་མེད་ལས་རྣམ་གྲོལ་ཞིང་། །རྒྱུ་དང་འབྲས་བུ་མི་འཇིག་པའི། །ས་ཡི་རིམ་པའི་མཚམས་སྦྱོར་བ། །པད་མོའི་སྤྱན་གྱིས་བདག་ལ་གསུངས། །འཇིག་རྟེན་མཐའ་གཉིས་ལྷུང་བ་ནི། །ལྟ་བས་རྣམ་པར་དཀྲུགས་
D107.049.0184b01.01གྱུར་པས། །སྐྱེ་དང་མི་སྐྱེ་ལ་སོགས་ཕྱིར། །ཞི་བ་ཡི་ནི་རྒྱུ་མི་རྟོགས། །ང་ལ་དཀྱིལ་འཁོར་གང་ཡང་མེད། །ང་ནི་ཆོས་ཉིད་མི་འཆད་དེ། །གཉིས་ཡོད་ན་ནི་ཉེས་པར་འགྱུར། །གཉིས་ནི་སངས་རྒྱས་རྣམས་ཀྱིས་སྦྱངས། །སྟོང་པ་སྐད་ཅིག་དངོས་པོ་རྣམས། །རང་བཞིན་མེད་
D107.049.0184b02.01ཅིང་སྐྱེ་མེད་པ། །ལྟ་ངན་སྨྲ་བས་གཡོགས་པ་རྟོག །དེ་བཞིན་གཤེགས་པ་རྣམས་ཀྱིས་མིན། །ཇི་ལྟར་རྣམ་པ་གང་དག་གིས། །ཡུལ་ལ་མངོན་སུམ་འགྱུར་བ་དང་། །རྣམ་པར་རྟོག་པ་རབ་འཇུག་དང་། །ལྡོག་པ་བདག་ལ་བཤད་དུ་གསོལ། །ཁ་དོག་རྒྱས་དང་ལྡན་པའི་
D107.049.0184b03.01ཕྱིར། །སྤྲོས་པ་རྣམས་ཀྱིས་བསྡུས་པའི་གཟུགས། །མཐོང་ནས་ཕྱི་རོལ་དག་ཏུ་ཡང་། །རྣམ་པར་རྟོག་པ་རབ་ཏུ་འཇུག །དེ་ཉིད་ཡོངས་སུ་ཤེས་པ་དང་། །ཡང་དག་ཇི་བཞིན་དོན་མཐོང་ཕྱིར། །འཕགས་པའི་རིགས་དང་འཐུན་པ་ཡི། །སེམས་ནི་མངོན་པར་མི་འཇུག་གོ། །
D107.049.0184b04.01འབྱུང་བ་རྣམས་ནི་མ་གཏོགས་པར། །དངོས་པོ་སྐྱེ་བ་མེད་པ་སྟེ། །རྟག་པར་འབྱུང་བ་འདྲ་བའི་སེམས། །མ་སྐྱེས་པར་ནི་རྣམ་པར་བསྒོམ། །རྣམ་པར་རྟོག་ལ་མ་རྟོག་ཤིག །རྣམ་པར་རྟོག་མེད་མཁས་པའོ། །རྣམ་པར་རྟོག་ལ་བརྟགས་གྱུར་ན། །གཉིས་མིན་མྱ་ངན་
D107.049.0184b05.01འདས་མ་ཡིན། །མི་སྐྱེ་བར་ནི་དམ་བཅས་པའི། །ཚུལ་ནི་སྒྱུ་མ་བཞིན་དུ་སྣང་། །སྒྱུ་མ་རྒྱུ་མེད་བྱུང་བ་སྟེ། །གྲུབ་མཐའ་འདས་ཤིང་ཉམས་པར་འགྱུར། །ཐོག་མ་མེད་ནས་བསྒོམས་པ་ཡི། །སེམས་ནི་གཟུགས་བརྙན་བཞིན་དུ་སྣང་། །དོན་ལྟ་བུ་སྟེ་དོན་མེད་མིན། །
D107.049.0184b06.01ཡང་དག་ཇི་བཞིན་རྣམ་པར་བསྒོམ། །མེ་ལོང་ལ་ནི་ཇི་ལྟར་གཟུགས། །གཅིག་དང་ཐ་དད་ཉིད་སྤངས་པ། །སྣང་སྟེ་དེ་ནི་མེད་པའང་མིན། །སྐྱེ་བའི་མཚན་ཉིད་དེ་བཞིན་ནོ། །དྲི་ཟ་སྒྱུ་མ་ལ་སོགས་དག །རྒྱུ་དང་རྐྱེན་ལ་ལྟོས་པ་ལྟར། །དེ་བཞིན་དངོས་པོ་ཐམས་ཅད་ཀྱི། །འབྱུང་བ་
D107.049.0184b07.01