完整藏文原文 · 德格版页 当前仅加载第 49 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་ལ་བརྟེན་བྱས་ཤིང་། །མི་རྣམས་ལ་ནི་སྣ་ཚོགས་སྣང་། །སྒྱུ་མའི་དྲ་བ་ལོ་མ་མིན། །གྱོ་མོ་མ་ཡིན་ཤིང་མ་ཡིན། །བྱིས་པ་རྣམས་ཀྱིས་སྒྱུ་མར་མཐོང་། །སྒྱུ་མ་བྱེད་པས་གནས་མཐོང་ངོ་། །དེ་བཞིན་དངོས་ལ་བརྟེན་བཅས་ཏེ། །ཅི་ཞིག་བྱེ་བྲག་ཏུ་འགྱུར་ན། །སྣང་བའི་ཚེ་ན་
D107.049.0181b01.01གཉིས་མེད་པར། །ཅི་ཞིག་ཏུ་ནི་ཇི་ལྟར་བརྟག །རྣམ་པར་རྟོག་ལ་རྣམ་བརྟགས་མེད། །རྣམ་པར་རྟོག་པའང་མེད་པ་སྟེ། །རྣམ་པར་རྟོག་ལ་མེད་པས་ན། །མྱ་ངན་འདས་མེད་འཁོར་བ་མེད། །རྣམ་པར་རྟོག་པ་མེད་པས་ན། །རྣམ་པར་རྟོག་པ་མི་འཇུག་གོ། །མ་ཞུགས་ན་ནི་ཇི་ལྟར་
D107.049.0181b02.01སེམས། །སེམས་ཙམ་དུ་ནི་མི་རུང་ངོ་། །བསམ་པ་དུ་མ་ཐ་དད་ཕྱིར། །བསྟན་པ་ལ་ནི་སྙིང་པོ་མེད། །སྙིང་པོ་མེད་ཕྱིར་ཐར་པ་མེད། །འཇིག་རྟེན་རྣམ་པ་སྣ་ཚོགས་མེད། །ཇི་ལྟར་བྱིས་པས་བརྟགས་པ་ཡི། །ཕྱི་རོལ་གྱི་ནི་སྣང་བ་མེད། །སེམས་ནི་གཟུགས་བརྙན་བཞིན་དུ་སྣང་། །བག་
D107.049.0181b03.01ཆགས་ཀྱིས་ནི་མགོ་ཡུང་བསླང་། །ཡོད་མེད་མ་བྱུང་མེད་པས་ན། །དངོས་པོ་ཐམས་ཅད་མ་སྐྱེས་ཏེ། །འདི་དག་ཐམས་ཅད་སེམས་ཙམ་མོ། །རྟོག་པ་རྣམས་ཀྱིས་རྣམ་པར་སྤངས། །བྱིས་པ་རྐྱེན་གྱིས་དངོས་པོར་འཆད། །མཁས་པ་དག་ནི་མ་ཡིན་ནོ། །རང་བཞིན་སེམས་དང་བྲལ་བ་སྟེ། །སེམས་ནི་
D107.049.0181b04.01འཕགས་པར་ཉེར་འགྲོ་ཞིང་། །གྲངས་ཅན་གཅེར་བུ་ཁྱད་པར་ཅན། །དེ་བཞིན་བྲམ་ཟེ་ཕྱུགས་བདག་རྣམས། །ཡོད་དང་མེད་པའི་ལྟ་བར་ལྷུང་། །རྣམ་པར་དབེན་པའི་དོན་གྱིས་སྤངས། །རང་བཞིན་མེད་དང་མ་སྐྱེས་དང་། །སྟོང་པ་སྒྱུ་མ་དྲི་མེད་རྣམས། །སངས་རྒྱས་རྣམས་དང་ཁྱོད་ཀྱིས་ཀྱང་། །
D107.049.0181b05.01སུ་ཡི་ཕྱིར་ནི་དེ་དག་བཤད། །རྣལ་འབྱོར་ཅན་ནི་སེམས་བཙལ་ལ། །ལྟ་བ་རྟོག་གེ་རྣམ་སྤངས་པའི། །སངས་རྒྱས་རྣམས་ཀྱིས་རྣལ་འབྱོར་བཤད། །ངས་ཀྱང་རབ་ཏུ་བཤད་པ་ཡིན། །གལ་ཏེ་འདི་ཀུན་སེམས་ཡིན་ན། །འཇིག་རྟེན་ཅི་ལ་རབ་ཏུ་གནས། །ཅི་ཕྱིར་མི་རྣམས་འོང་འགྲོ་བར། །ས་ལ་
D107.049.0181b06.01རབ་ཏུ་སྣང་བར་གྱུར། །ཇི་ལྟར་བྱ་རྣམས་ནམ་མཁའ་ལ། །རྟོག་པས་ཀུན་ཏུ་བསྐྱོད་པས་ན། །གནས་མེད་རྟེན་པ་མེད་བཞིན་དུ། །ས་ཡི་སྟེང་བཞིན་དེ་དག་སྤྱོད། །དེ་བཞིན་ལུས་ཅན་ཐམས་ཅད་ཀྱང་། །རྣམ་པར་རྟོག་པས་བསྐྱོད་པས་ན། །དེ་དག་བདག་གི་སེམས་ལ་རྒྱུ། །ནམ་མཁའ་
D107.049.0181b07.01