完整藏文原文 · 德格版页 当前仅加载第 49 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་ཇི་ལྟར་མཆིས། །སྲིད་གསུམ་དབང་པོ་བདག་ལ་གསུངས། །གླང་པོ་{རི་དགས་,རི་དྭགས་}རྟ་བླུན་རྣམས། །གཟུང་དུ་རུང་བ་ཅི་སླད་དུ། །ངན་པའི་མི་རྣམས་ཅི་ལས་གྱུར། །བདག་ལ་སེམས་ལུང་སྒྱུར་བས་གསུངས། །ཁམས་དྲུག་འཛིན་པ་ཅི་སླད་དུ། །འདོད་ཆེན་བར་ཡང་ཇི་ལྟར་
D107.049.0065b01.01འགྱུར། །སྐྱེས་པ་བུད་མེད་མ་ནིང་རྣམས། །ཇི་ལྟར་སྐྱེ་འགྱུར་བདག་ལ་གསུངས། །རྣལ་འབྱོར་ལས་ནི་ཇི་ལྟར་ལྡོག །རྣལ་འབྱོར་ལ་ཡང་ཇི་ལྟར་འཇུག །ཅི་འདྲའི་སྐྱེས་བུ་ཇི་ལྟ་བུར། །རྣལ་འབྱོར་གཞག་པ་བདག་ལ་གསུངས། །འགྲོ་བར་ཕྱིན་པའི་སེམས་ཅན་གྱི། །མཚན་
D107.049.0065b02.01ཉིད་མཚན་མ་ཇི་ལྟ་བུ། །གང་གིས་ཇི་ལྟར་ཕྱུག་པོར་འགྱུར། །མཁའ་འདྲས་བདག་ལ་བཀའ་སྩོལ་ཅིག །ཇི་ལྟར་ཅི་ཡི་ཤཱཀྱའི་རིགས། །བུ་རམ་ཤིང་སྐྱེས་ཇི་ལྟར་བྱུང་། །ཡུན་{རིངས་,རིང་}དྲང་སྲོང་དཀའ་ཐུབ་གང་། །ཁྱོད་ཀྱི་དེས་ནི་ཇི་ལྟར་བསླབས། །ཁྱོད་ཉིད་ཞིང་རྣམས་ཐམས་ཅད་དུ། །
D107.049.0065b03.01མཚན་དང་དེ་བཞིན་གཟུགས་སྣ་ཚོགས། །རྒྱལ་བའི་སྲས་ཀྱིས་བསྐོར་བ་ཡང་། །ཅི་ཡི་སླད་དུ་ཀུན་ན་གདའ། །ཇི་ལྟར་ཤ་རྣམས་བཟར་མི་རུང་། །ཇི་ལྟར་ཤ་ནི་བཀག་པ་ལགས། །ཤ་ཟའི་རིགས་སུ་སྐྱེས་པ་རྣམས། །ཤ་འཚལ་བར་ཡང་ཇི་ལྟར་འགྱུར། །ཇི་ལྟར་ཞིང་རྣམས་ཉི་ཟླའི་དབྱིབས། །
D107.049.0065b04.01རི་རབ་པད་མོ་འདྲ་བ་དང་། །དཔལ་བེའུ་སེང་གེའི་དབྱིབས་འདྲ་བ། །ཅི་ཡི་སླད་པ་བདག་ལ་གསུངས། །གོ་འདུན་དག་དང་སྤྱི་ཚུགས་དང་། །མིག་འཕྲུལ་འདྲ་བ་ཇི་ལྟ་བུ། །རིན་ཆེན་ཀུན་གྱི་ཞིང་རྣམས་ཀྱང་། །ཇི་ལྟར་ཅི་སླད་བདག་ལ་གསུངས། །པི་བང་རྔ་ཡི་དབྱིབས་འདྲ་དང་། །འབྲས་བུ་མེ་
D107.049.0065b05.01ཏོག་སྣ་ཚོགས་འདྲ། །ཉི་ཟླ་དག་དང་རྣམ་བྲལ་བ། །ཇི་ལྟར་ཅི་སླད་བདག་ལ་གསུངས། །ལ་ལ་སྤྲུལ་པའི་སངས་རྒྱས་དང་། །སངས་རྒྱས་ལ་ལ་རྣམ་སྨིན་འབྱུང་། །ཡང་དག་ཡེ་ཤེས་སངས་རྒྱས་རྣམས། །ཇི་ལྟར་ཅི་སླད་བདག་ལ་གསུངས། །ཅི་སླད་ཇི་ལྟར་འདོད་ཁམས་སུ། །རྣམ་
D107.049.0065b06.01སངས་མ་རྒྱས་བདག་ལ་གསུངས། །ཅི་ཡི་དོན་དུ་འོག་མིན་དུ། །ཆགས་བྲལ་ཁྲོད་དུ་མངོན་སངས་རྒྱས། །བདེ་གཤེགས་མྱ་ངན་འདས་ནས་གོ། །བསྟན་པ་སུ་ཞིག་འཛིན་པར་འགྱུར། །སྟོན་པ་ཇི་སྲིད་བར་དུ་བཞུགས། །ཚུལ་ཡང་ཇི་སྲིད་གནས་པར་འགྱུར། །ཁྱོད་ཀྱི་གྲུབ་མཐའ་རྣམ་པ་
D107.049.0065b07.01