完整藏文原文 · 德格版页 当前仅加载第 49 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
ང་ལ་འབུལ། །མི་སྐྱེ་སྨྲ་བའི་རྒྱུར་འདོད་པ། །སྐྱེས་སམ་སྐྱེས་པར་འགྱུར་ཡང་རུང་། །མ་སྐྱེས་པ་ནི་སྒྲུབ་པར་འགྱུར། །ཚིག་ཙམ་དུ་ནི་བརྗོད་པ་ཡིན། །སེམས་དེ་འབྱུང་བར་བྱེད་པ་ཡི། །རྒྱུ་ནི་མ་རིག་དེ་ཡིན་ཏེ། །ཇི་སྲིད་གཟུགས་དག་མི་ཤེས་པ། །དེ་སྲིད་བར་དུ་དེ་
D107.049.0189b01.01གནས་ཅི། །ཞིག་པར་གྱུར་མ་ཐག་ཏུ་ནི། །སེམས་ནི་གཞན་རྣམས་རབ་འབྱུང་སྟེ། །གཟུགས་ནི་དུས་སུ་མི་གནས་ན། །ཅི་ལ་དམིགས་ཏེ་འབྱུང་བར་འགྱུར། །གང་ལས་གང་དུ་འཇུག་པ་ཡི། །སེམས་ནི་ལོག་པའི་རྒྱུ་ལས་བྱུང་། །དེ་ནི་རབ་ཏུ་མ་གྲུབ་ན། །ཇི་ལྟར་
D107.049.0189b02.01སྐད་ཅིག་འཇིག་པར་རིག །རྣལ་འབྱོར་ཅན་གྱི་སྙོམས་འཇུག་དང་། །གསེར་དང་རྒྱལ་བའི་རིང་བསྲེལ་དང་། །འོད་སྣང་གནས་ཀྱི་གཞལ་མེད་ཁང་། །འཇིག་རྟེན་རྒྱུ་ཡིས་འཇིག་པར་མེད། །གནས་པ་རྣམས་དང་ཐོབ་པའི་ཆོས། །སངས་རྒྱས་ཡེ་ཤེས་ཕུན་སུམ་
D107.049.0189b03.01ཚོགས། །དགེ་སློང་ཉིད་དང་ཤེས་ཐོབ་རྣམས། །སྐད་ཅིག་མར་ནི་ཇི་ལྟར་མཐོང་། །སྒྱུ་མ་དྲི་ཟའི་གྲོང་སོགས་ཀྱི། །གཟུགས་རྣམས་ཇི་ལྟར་སྐད་ཅིག་པ། །འབྱུང་བ་རྣམས་ནི་འབྱུང་འགྱུར་མིན། །འགྲོ་བར་འབྱུང་བཅང་མི་བྱེད། །སེམས་ནི་མ་རིག་རྒྱུ་ལས་བྱུང་། །
D107.049.0189b04.01ཐོག་མ་མེད་ནས་བསགས་པ་ཡིན། །སྐྱེ་བར་འཇིག་དང་ཀུན་འབྲེལ་བར། །རྟོག་གེ་པ་དག་རབ་ཏུ་རྟོག །གྲངས་ཅན་སྨྲ་བ་རྣམ་གཉིས་ཏེ། །གཙོ་བོ་ལས་ནི་འགྱུར་བ་དག །གཙོ་བོ་ཡོད་ན་འབྲས་བུ་ཡོད། །འབྲས་བུ་བདག་ཉིད་རབ་ཏུ་སྒྲུབ། །གཙོ་བོ་དང་ནི་དངོས་
D107.049.0189b05.01འཇུག་པར། །ཡོན་ཏན་བྱེ་བྲག་རབ་ཏུ་བསྒྲགས། །རྒྱུ་དང་འབྲས་བུ་སྣ་ཚོགས་པ། །འགྱུར་བ་ལ་ནི་མེད་པ་ཡིན། །ཇི་ལྟར་དངུལ་ཆུ་དག་པ་ལ། །དྲི་མ་རྣམས་ཀྱིས་མི་ཆགས་པ། །དེ་བཞིན་ལུས་ཅན་ཐམས་ཅད་ཀྱི། །ཀུན་གཞི་གནས་ཀྱང་དག་པའོ། །
D107.049.0189b06.01ཤིང་ཀུན་དྲི་དང་སྒོག་པ་དང་། །སྦྲུམ་མའི་བུར་ནི་མཐོང་བ་དང་། །ལན་ཚྭ་ལ་སོགས་རོ་ཡོད་དང་། །ཅི་ཕྱིར་ས་བོན་བཞིན་མི་འགྱུར། །དེ་ཉིད་དང་ནི་ཐ་དད་དང་། །དེ་བཞིན་གཉིས་ཀ་གཉིས་མ་ཡིན། །ཡོད་པ་ཡི་ནི་རྒྱུ་མེད་དེ། །འདུས་བྱས་ལ་མེད་མེད་པ་མིན།
D107.049.0189b07.01