完整藏文原文 · 德格版页 当前仅加载第 49 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི། །རང་བཞིན་བརྟག་པར་མི་བྱའོ། །གཟུགས་ལས་སྟོང་པ་གཞན་མ་ཡིན། །མི་སྐྱེ་བ་ཡང་དེ་བཞིན་ཏེ། །གཞན་མ་ཡིན་ཕྱིར་མི་བརྟག་གོ། །ལྟ་བའི་ཉེས་པར་རབ་ཏུ་འགྱུར། །དངོས་པོའི་མཚན་ཉིད་གཟུང་བའི་ཕྱིར། །ཀུན་རྟོག་རྣམ་པར་རྟོག་པའོ། །ཡོངས་སུ་
D107.049.0184a01.01རྟོག་པ་བཟུང་བས་ན། །རིང་ཐུང་ཟླུམ་ལ་སོགས་པའོ། །སེམས་ནི་ཀུན་ཏུ་རྟོག་པ་ཡིན། །ཡིད་ནི་ཡོངས་སུ་རྟོག་པ་སྟེ། །ཡིད་ཀྱི་རྣམ་ཤེས་རྣམ་རྟོག་ནི། །མཚན་དང་མཚན་གྱི་གཞི་སྤངས་པ། །གང་ཡང་མུ་སྟེགས་མི་སྐྱེ་དང་། །གང་ཡང་ང་ཡི་ཚུལ་བལྟ་བས། །རྟོག་པ་དེ་ནི་ཁྱད་པར་
D107.049.0184a02.01མེད། །ལྟ་བའི་ཉེས་པར་རབ་ཏུ་འགྱུར། །དགོངས་དང་སྐྱེ་བ་མེད་པ་དང་། །སྐྱེ་བ་མེད་པའི་དོན་ཉིད་དེ། །རིགས་པ་ཤེས་པ་སུས་ཤེས་པ། །དེ་དག་ང་ཡི་ཚུལ་ཤེས་སོ། །དགོས་པ་ལྟ་བ་དགོངས་པ་དང་། །མི་སྐྱེ་བ་ནི་གནས་མེད་པ། །དོན་གཉིས་ཡོངས་སུ་ཤེས་པ་ནི། །སྐྱེ་
D107.049.0184a03.01བ་མེད་པར་ངས་བཤད་དོ། །དངོས་པོ་མ་སྐྱེ་རྣམས་མཆིས་སམ། །འོན་ཏམ་ལགས་སམ་ཐུབ་ཆེན་གསུངས། །རྒྱུ་མེད་སྨྲ་དང་མི་མཉམ་དང་། །མེད་དང་ཆོས་རྣམས་འདྲེས་པར་འགྱུར། །རྒྱུ་མེད་སྨྲ་དང་མི་སྐྱེ་དང་། །མི་མཉམ་མུ་སྟེགས་ལྟ་བ་སྟེ། །ཡོད་དང་མེད་ལས་
D107.049.0184a04.01རྣམ་གྲོལ་བས། །སེམས་ཙམ་དུ་ནི་ངས་བཤད་དོ། །ལྟ་བའི་རྒྱུ་ལས་བྱུང་བ་ཡི། །སྐྱེ་དང་མི་སྐྱེ་སྤང་བར་བྱོས། །རྒྱུ་མེད་སྨྲ་བས་མི་སྐྱེ་དང་། །སྐྱེ་བས་རྒྱུ་ཡི་གནས་སུ་འགྱུར། །ལྷུན་གྱིས་གྲུབ་ལ་བྱ་བ་མེད། །གལ་ཏེ་བྱ་ཡོད་ལྟ་འདྲེས་འགྱུར། །ཐབས་དང་སྨོན་ལམ་ལ་སོགས་པས། །
D107.049.0184a05.01ལྟ་བ་ཉིད་ནི་བདག་ལ་གསུངས། །ཆོས་རྣམས་ཐམས་ཅད་མེད་པའི་ཕྱིར། །ཇི་ལྟ་བུར་ན་དཀྱིལ་འཁོར་སྐྱེ། །གཟུང་དང་འཛིན་དང་བྲལ་བའི་ཕྱིར། །འཇུག་པ་མེད་ཅིང་ལྡོག་པ་མེད། །དངོས་པོ་ལས་ནི་དངོས་གཞན་མཐོང་། །སེམས་ཀྱང་དེ་ལས་བྱུང་བ་སྟེ། །ཆོས་རྣམས་ཀྱི་
D107.049.0184a06.01ནི་སྐྱེ་མེད་པ། །དེ་ནི་ཇི་ལྟར་བདག་ལ་གསུངས། །གལ་ཏེ་སེམས་ཙམ་མི་ཤེས་ན། །དེ་ཡི་ཕྱིར་ནི་དེ་བཤད་དོ། །ཐུབ་ཆེན་བཤད་པ་ཐམས་ཅད་ལ། །སྔ་མ་དང་ནི་ཕྱི་མར་འགལ། །མུ་སྟེགས་ལྟ་བས་རྣམ་གྲོལ་བ། །མི་མཉམ་རྒྱུ་མེད་སྤངས་པ་ཡི། །འཇུག་པ་དང་
D107.049.0184a07.01