完整藏文原文 · 德格版页 当前仅加载第 49 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །འཇིག་རྟེན་སྐྱེ་འཇིག་མ་མཆིས་ཏེ། །ནམ་མཁའི་མེ་ཏོག་རབ་ཏུ་འདྲ། །ཁྱོད་ཀྱི་ཤེས་རབ་ཐུགས་རྗེ་ཡི། །ཁྱོད་ཀྱིས་ཡོད་དང་མེད་མ་དམིགས། །ཆོས་རྣམས་ཐམས་ཅད་སྒྱུ་མ་བཞིན། །སེམས་
D107.049.0064a01.01དང་རྣམ་པར་ཤེས་པ་སྤངས། །ཁྱོད་ཀྱི་ཤེས་རབ་ཐུགས་རྗེ་ཡི། །ཁྱོད་ཀྱིས་ཡོད་དང་མེད་མ་དམིགས། །འཇིག་རྟེན་རྟག་དང་ཆད་སྤངས་པ། །ཁོར་ཟུག་རྨི་ལམ་འདྲ་བ་སྟེ། །ཁྱོད་ཀྱི་ཤེས་རབ་ཐུགས་རྗེ་ཡི། །ཁྱོད་ཀྱིས་ཡོད་དང་མེད་མ་དམིགས། །ཆོས་དང་གང་ཟག་བདག་མེད་དང་། །
D107.049.0064a02.01ཁྱོད་ཀྱི་ཉོན་མོངས་ཤེས་བྱ་རྣམས། །ཁྱོད་ཀྱི་ཤེས་རབ་ཐུགས་རྗེ་དང་། །མཚན་མ་མེད་པས་རྟག་ཏུ་དག །སྒྱུ་མ་རྨི་ལམ་རང་བཞིན་གྱི། །ཆོས་ཀྱི་སྐུ་ལ་ཇི་སྐད་བསྟོད། །དངོས་པོ་རང་བཞིན་མེད་རྣམས་ཀྱི། །མ་སྐྱེས་དེ་ནི་བསྟོད་པ་ལགས། །དབང་པོ་དོན་དང་རྣམ་བྲལ་ཞིང་། །
D107.049.0064a03.01སྣང་མེད་དེ་ཡི་གཟིགས་པ་བས། །གལ་ཏེ་བསྟོད་དམ་སྨད་ཀྱང་རུང་། །ཐུབ་པ་དེ་ལ་ཇི་སྐད་བརྗོད། །མྱ་ངན་མི་འདའ་འདའ་ལ་མིན། །ཁྱོད་ལ་མྱ་ངན་འདའ་མི་གནས། །བློ་དང་རིག་པར་བགྱི་དང་བྲལ། །ཡོད་དང་མེད་པའི་ཕྱོགས་ཀྱང་སྤངས། །དེ་ལྟར་སྐྱེ་འཇིག་སྤངས་པ་ཡི། །
D107.049.0064a04.01ཐུབ་པ་ཞི་བ་སུས་མཐོང་བ། །དེ་དང་འདི་དང་སླད་མར་ཡང་། །ཆགས་མེད་ཉེར་ལེན་མ་མཆིས་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་བཅོམ་ལྡན་འདས་ལ་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །བདག་གི་མིང་དང་
D107.049.0064a05.01རིགས་བཅོམ་ལྡན་འདས་ལ་གསོལ་པ། བཅོམ་ལྡན་བདག་ནི་བློ་ཆེན་ཏེ། །ཐེག་ཆེན་ཁོང་དུ་ཆུད་པར་རྟོགས། །དྲི་བ་བརྒྱ་པོ་རྩ་བརྒྱད་པ། །གསུང་བའི་མཆོག་ལ་ཞུ་བར་བགྱི། །དེ་ཡི་ཚིག་དེ་གསན་པ་དང་། །སངས་རྒྱས་འཇིག་རྟེན་མཁྱེན་པའི་མཆོག །ཐམས་ཅད་འཁོར་ལ་
D107.049.0064a06.01རྣམ་གཟིགས་ནས། །བདེ་གཤེགས་སྲས་ལ་གསུངས་པ་ནི། །ང་ལ་དྲིས་ཤིག་རྒྱལ་སྲས་རྣམས། །བློ་གྲོས་ཆེན་པོ་ཁྱོད་ཀྱང་དྲིས། །སོ་སོ་རང་རིག་སྤྱོད་ཡུལ་ནི། །ང་ཡིས་ཁྱོད་ལ་བཤད་པར་བྱ། །དེ་ནས་བཅོམ་ལྡན་འདས་ཀྱིས་སྐབས་ཕྱེ་བས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་
D107.049.0064a07.01