完整藏文原文 · 德格版页 当前仅加载第 49 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་པ་ལ་ནི་རྣམ་ཤེས་འཇུག །སྣང་བ་མེད་དང་བྱེ་བྲག་ལ། །ཤེས་རབ་ཡང་དག་རབ་ཏུ་འཇུག །ཀུན་བརྟགས་པ་ཡི་རང་བཞིན་ཡོད། །གཞན་གྱི་དབང་ནི་མེད་པ་སྟེ། །ནོར་པ་དག་གིས་བརྟགས་པ་སྣང་། །གཞན་གྱི་དབང་ལ་མི་བརྟག་གོ། །ཡན་ལག་མང་པོས་གྲུབ་པ་ཡི། །
D107.049.0107b01.01སྒྱུ་མ་ཇི་ལྟར་མི་གྲུབ་པ། །དེ་བཞིན་མཚན་མ་སྣ་ཚོགས་ཀྱང་། །རབ་ཏུ་བརྟགས་ན་མི་འགྲུབ་བོ། །མཚན་མ་གནས་ངན་ལེན་གྱི་དངོས། །འཆིང་བ་སེམས་ལས་བྱུང་བ་སྟེ། །མི་ཤེས་རྣམས་ཀྱིས་ཀུན་བརྟགས་པ། །གཞན་གྱི་དབང་དུའང་རྣམ་པར་རྟོག །གང་འདི་བརྟགས་
D107.049.0107b02.01པའི་དངོས་པོ་འདི། །དེ་ཉིད་གཞན་གྱི་དབང་ཡིན་ཏེ། །བརྟགས་པ་སྣ་ཚོགས་སྣང་བ་ནི། །གཞན་གྱི་དབང་དུ་དེ་བརྗོད་དོ། །ཀུན་རྫོབ་དང་ནི་དོན་དམ་སྟེ། །རྒྱུ་ལས་སྐྱེས་པ་གསུམ་དུ་མེད། །བརྟགས་པ་དང་ནི་ཀུན་རྫོབ་བཤད། །དེ་འཆད་འཕགས་པའི་སྤྱོད་ཡུལ་ལོ། །རྣལ་འབྱོར་
D107.049.0107b03.01ཅན་གྱི་དངོས་པོ་ལྟར། །སྣ་ཚོགས་གཅིག་ཏུ་རྣམ་མཛེས་ཀྱང་། །དེ་ལ་སྣ་ཚོགས་ཡོད་པ་མིན། །དེ་བཞིན་བརྟགས་པའི་མཚན་ཉིད་དོ། །ཇི་ལྟར་རབ་རིབ་ཅན་དག་གིས། །སྣང་བའི་གཟུགས་ལ་སྣ་ཚོགས་བརྟགས། །རབ་རིབ་གཟུགས་མིན་གཟུགས་མེད་མིན། །དེ་བཞིན་
D107.049.0107b04.01མཁས་པས་གཞན་གྱི་དབང་། །ཇི་ལྟར་གསེར་རྣམས་དག་པ་དང་། །ཆུ་ཡང་རྙོག་པ་སྤངས་པ་དང་། །ནམ་མཁའ་དག་ནི་སྤྲིན་མེད་ལྟར། །དེ་བཞིན་དག་པ་རབ་ཏུ་བརྟགས། །བརྟགས་པ་ལ་ནི་དངོས་པོ་མེད། །གཞན་གྱི་དབང་ནི་ཡོད་པ་སྟེ། །སྒྲོ་བཏགས་པ་དང་སྐུར་པ་དང་། །རྣམ་
D107.049.0107b05.01པར་བརྟགས་ན་འཇིག་པར་འགྱུར། །གལ་ཏེ་བརྟགས་པ་དངོས་མེད་ལ། །བདེན་པར་གཞན་གྱི་དབང་ཡོད་ན། །དངོས་པོ་མེད་པར་དངོས་པོ་སྟེ། །དངོས་པོ་མེད་ལས་དངོས་པོ་འབྱུང་། །ཀུན་བརྟགས་པ་ལ་གནས་ནས་ནི། །གཞན་གྱི་དབང་ནི་ཉེ་བར་དམིགས། །མིང་དང་མཚན་མ་
D107.049.0107b06.01འབྲེལ་པ་ལས། །ཀུན་བརྟགས་པ་ནི་སྐྱེ་བར་འགྱུར། །བརྟགས་པ་ཤིན་ཏུ་མ་གྲུབ་སྟེ། །གཞན་ལས་བྱུང་བ་མ་ཡིན་ནོ། །དེ་ཚེ་དོན་དམ་རང་བཞིན་ནི། །ཤིན་ཏུ་དག་པ་ཤེས་པར་འགྱུར། །ཀུན་བརྟགས་པ་ནི་རྣམ་བཅུ་སྟེ། །གཞན་གྱི་དབང་ནི་རྣམ་པ་དྲུག །སོ་སོ་རང་རིག་དེ་
D107.049.0107b07.01