完整藏文原文 · 德格版页 当前仅加载第 49 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་སྟེ། གཟུང་བ་དང་། འཛིན་པའི་མཚན་ཉིད་མེད་པ་དང་། རྣམ་པར་རྟོག་པའི་འཇུག་པ་གཉིས་ཡོངས་སུ་ཤེས་པ་དང་། ཕྱི་རོལ་གྱི་དངོས་པོ་དང་། དངོས་པོ་མེད་པར་ལྟ་བ་དང་བྲལ་བ་དང་། རང་གི་སེམས་ཙམ་དུ་ཁོང་དུ་ཆུད་པའི་ཕྱིར་རྣམ་པར་རྟོག་པ་ནི་རྟོག་པའི་མངོན་པར་འདུ་
D107.049.0138b01.01བྱེད་པས་འཇུག་གི །མངོན་པར་འདུ་མ་བྱས་པས་ནི་མ་ཡིན་ནོ། །སེམས་དང་། རྣམ་པར་རྟོག་པ་དང་། དངོས་པོ་དང་། དངོས་པོ་མེད་པ་དང་བྲལ་ཞིང་རང་གི་སེམས་སྣང་བ་ཙམ་དུ་ཁོང་དུ་ཆུད་པའི་ཕྱིར་འཇིག་རྟེན་པ་དང་། འཇིག་རྟེན་ལས་འདས་པ་དང་། འཇིག་རྟེན་ལས་འདས་
D107.049.0138b02.01པ་མཆོག་གི་ཆོས་ཐམས་ཅད་ནི་རྟག་པ་ཉིད་ཀྱང་མ་ཡིན། མི་རྟག་པ་ཉིད་ཀྱང་མ་ཡིན་ནོ། །རང་གི་རྣམ་པར་རྟོག་པ་ཁོང་དུ་མ་ཆུད་པའི་ཕྱིར། ལྟ་བ་ངན་པ་མཐའ་གཉིས་སུ་ལྷུང་བའི་བསམ་པས་མུ་སྟེགས་བྱེད་གཏམ་གྱི་སྐྱེས་བུ་སྔོན་མ་གྲུབ་པ་ཐམས་ཅད་མི་རྟག་པ་ཉིད་དུ་རྟོག་གོ། །
D107.049.0138b03.01བློ་གྲོས་ཆེན་པོ་མུ་སྟེགས་བྱེད་ཐམས་ཅད་དང་། འཇིག་རྟེན་པ་དང་། འཇིག་རྟེན་ལས་འདས་པ་དང་། འཇིག་རྟེན་ལས་འདས་པའི་མཆོག་གི་ཚིག་ཏུ་རྣམ་པར་རྟོག་པ་ལས་བྱུང་བའི་ཆོས་ཐམས་ཅད་ཀྱི་མཚན་ཉིད་རྣམ་པ་གསུམ་སྟེ། བྱིས་པ་ལྟ་བུའི་སོ་སོའི་སྐྱེ་བོ་རྣམས་ཀྱིས་ཁོང་
D107.049.0138b04.01དུ་མི་ཆུད་དོ། །དེ་ལ་འདི་སྐད་ཅེས་བྱ་སྟེ། རབ་ཏུ་རྩོམ་པ་རྣམ་ལྡོག་དང་། །དབྱིབས་ཀྱི་རྣམ་པ་གཞན་གྱུར་དང་། །གཟུགས་དང་དངོས་པོ་མི་རྟག་པར། །མུ་སྟེགས་ཅན་རྣམས་མྱོས་ཤིང་རྟོག །འབྱུང་བ་འབྱུང་བས་ཉིད་གནས་པས། །དངོས་པོ་རྣམས་ལ་འཇིག་པ་
D107.049.0138b05.01མེད། །ལྟ་བ་སྣ་ཚོགས་བྱིང་བས་ན། །མུ་སྟེགས་ཅན་དག་མི་རྟག་རྟོག །མུ་སྟེགས་ཅན་དག་གང་ལ་ཡང་། །འཇིག་པ་མེད་ཅིང་འབྱུང་བའང་མེད། །འབྱུང་བ་འབྱུང་བའི་དངོས་རྟག་ན། །ཅི་ལ་མི་རྟག་ཉིད་དུ་རྟོག །འདི་དག་ཐམས་ཅད་སེམས་ཙམ་སྟེ། །གཟུང་
D107.049.0138b06.01དང་འཛིན་པའི་དངོས་པོར་ནི། །རྣམ་པ་གཉིས་སུ་སེམས་འཇུག་སྟེ། །བདག་དང་བདག་གི་ཡོང་མེད་དོ། །ཚངས་ལ་སོགས་པ་གནས་ཀྱི་བར། །སེམས་ཙམ་དུ་ནི་ངས་བཤད་དེ། །སེམས་ཙམ་པོ་ནི་མ་རྟོགས་པར། །ཚངས་ལ་སོགས་པ་འགྲུབ་པ་མིན། །ལང་
D107.049.0138b07.01