完整藏文原文 · 德格版页 当前仅加载第 49 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྟོག་གེ་བ། །ཡོད་དང་མེད་པའི་ཕྱོགས་སུ་ལྷུང་། །དབེན་པའི་དོན་གྱིས་རྣམ་པར་སྤངས། །དབྱིབས་དང་བྱད་ཀྱི་བྱེ་བྲག་དག །འབྱུང་ལས་སྐྱེས་ཏེ་འབྱུང་བ་མིན། །མུ་སྟེགས་ཅན་ནི་འབྱུང་འགྱུར་དང་། །འབྱུང་བ་རྣམས་ཀྱང་སྐྱེ་བར་སྨྲ། །དེ་ལས་གང་གཞན་མུ་
D107.049.0185b01.01སྟེགས་ཅན། །རྒྱུ་ལས་མ་སྐྱེས་རྟོག་པར་བྱེད། །ཡོད་མེད་ཕྱོགས་ལས་རྟེན་པའི་རྣམས། །རྨོངས་པས་ཁོང་དུ་མི་ཆུད་དོ། །སེམས་དང་ལྷན་ཅིག་ལྡན་པ་སྟེ། །ཡིད་ལ་སོགས་དང་བྲལ་བ་ཡིན། །རྣམ་དག་མཚན་ཉིད་སེམས་ཅན་ནི། །ཡེ་ཤེས་དང་ནི་
D107.049.0185b02.01ལྷན་ཅིག་གནས། །གཟུགས་དང་ལས་ནི་གང་ཡོད་དང་། །ཕུང་པོ་ཡུལ་གྱི་རྒྱུས་བྱུང་དང་། །སེམས་ཅན་རྣམས་ཀྱང་ཉེར་ལེན་མེད། །གཟུགས་མེད་པ་ན་མི་གནས་སོ། །སེམས་ཅན་མེད་པར་གྱུར་པའི་ཕྱིར། །སེམས་ཅན་སྨྲ་ལ་བདག་མེད་གྱུར། །རྣམ་
D107.049.0185b03.01པར་ཤེས་པའང་མི་འབྱུང་ཕྱིར། །བདག་མེད་སྨྲ་བ་ཆད་པར་གྱུར། །དེ་ཡི་གནས་པ་བཞི་པོ་རྣམས། །གཟུགས་མེད་པར་ནི་ཇི་ལྟར་ཡོད། །ཕྱི་ནང་དངོས་པོ་མེད་པའི་ཕྱིར། །རྣམ་པར་ཤེས་པ་མི་འཇུག་གོ། །སྲིད་པ་བར་མའི་ཕུང་པོ་རྣམས། །རྟོག་གེ་ཅན་རྣམས་
D107.049.0185b04.01འདོད་པ་ལྟར། །དེ་བཞིན་གཟུགས་མེད་པར་སྐྱེས་པའི། །སྲིད་པའི་གཟུགས་ནི་མེད་དམ་ཅི། །སེམས་ཅན་རྣམ་ཤེས་མེད་ན་ནི། །ནན་ཏན་མ་བྱས་ཐར་པར་འགྱུར། །མུ་སྟེགས་སྨྲ་བ་ཐེ་ཙོམ་མེད། །རྟོག་གེ་ཅན་གྱིས་མི་ཤེས་སོ། །དེ་ན་གཟུགས་ཀྱང་ཡོད་པ་སྟེ། །
D107.049.0185b05.01གཟུགས་མེད་པ་ལ་ལྟ་བ་མེད། །དེ་མེད་པས་ན་གྲུབ་མཐའ་མེད། །ཐེག་པ་མེད་ཅིང་འགྲོ་བ་མེད། །དབང་པོ་རྣམས་དང་ལྡན་པ་ཡི། །བག་ཆགས་ལས་བྱུང་རྣམ་ཤེས་པ། །རྣམ་པ་བརྒྱད་ལས་ཕྱོགས་གཅིག་ནི། །སྐད་ཅིག་དུས་སུ་མི་འཛིན་ཏོ། །ཇི་ལྟར་
D107.049.0185b06.01གཟུགས་ནི་མི་འཇུག་ལྟར། །དབང་པོ་རྣམས་དང་དབང་མི་འཇུག །དེ་ཕྱིར་བཅོམ་ལྡན་འདས་ཀྱིས་ཀྱང་། །དབང་པོ་ལ་སོགས་སྐད་ཅིག་བཤད། །གཟུགས་ནི་རྟོག་པར་མ་གྱུར་པར། །རྣམ་པར་ཤེས་པར་ཇི་ལྟར་འཇུག །རྣམ་པར་ཤེས་པར་མ་ཞུགས་
D107.049.0185b07.01