完整藏文原文 · 德格版页 当前仅加载第 61 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་རེ་ཆེན་པོ་དང་། ཆོས་ཀྱི་དབྱིངས་རབ་ཏུ་ཕིགས་ཤིང་མཁྱེན་པ་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་རེ་ཆེན་པོ་དང་། འཇིག་རྟེན་
D187.061.0162a01.01གྱི་ཁམས་ཐམས་ཅད་མ་ལུས་པའི་རྗེས་སུ་འགྲོ་བའི་སྐུ་གཉིས་སུ་མེད་པས་སངས་རྒྱས་ཀྱི་སྐུ་སྣ་ཚོགས་རྣམ་པར་ཕྱེ་བ་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་རེ་ཆེན་པོ་དང་། སངས་རྒྱས་བཅོམ་ལྡན་འདས་ཀྱིས་དབྱངས་ཀྱི་
D187.061.0162a02.01ཡན་ལག་ཐམས་ཅད་ཀྱིས་སོ་སོ་ཡང་དག་པར་རིག་པ་བཞི་ལ་འཇུག་པའི་གནས་དང་། སོ་སོ་ཡང་དག་པར་རིག་པ་སྟོན་པ་དང་། སེམས་ཅན་གཏི་མུག་མེད་ཅིང་དང་བའི་སེམས་ཅན་ཐོས་པས་འདུལ་བ་ཤིན་ཏུ་བཟོད་པར་དཀའ་བའི་ཆོས་ཀྱི་བླ་རེ་ཆེན་པོ་དང་། སངས་རྒྱས་
D187.061.0162a03.01བཅོམ་ལྡན་འདས་རྣམས་བ་སྤུའི་བུ་ག་གཅིག་བཞིན་དུ་བ་སྤུའི་ཁམས་ཐམས་ཅད་ནས་རབ་ཏུ་ཕྲ་བའི་རྡུལ་དང་མཉམ་པ་དེ་སྙེད་གཤེགས་པ་གནས་པའི་ཚུལ་གྱིས་འབྱུང་བ་དང་། སངས་རྒྱས་ཀྱི་སྐུའི་བ་སྤུའི་བུ་གནས་འདི་བཞིན་དུ་རིམ་པས་འཇིག་རྟེན་གྱི་ཁམས་
D187.061.0162a04.01ཐམས་ཅད་ཀྱི་རབ་ཏུ་ཕྲ་བའི་རྡུལ་དང་མཉམ་པའི་སེམས་ཅན་འབྱིན་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་རེ་ཆེན་པོའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་
D187.061.0162a05.01གནས་གཅིག་གི་རབ་ཏུ་ཕྲ་བའི་རྡུལ་ལ་འཇིག་རྟེན་གྱི་ཁམས་ཐམས་ཅད་ཀྱི་རབ་ཏུ་ཕྲ་བའི་རྡུལ་དང་མཉམ་པའི་སངས་རྒྱས་ཀྱི་ཞིང་སྟོན་པ་དང་། སངས་རྒྱས་ཀྱི་རྒྱན་རང་བཞིན་གྱིས་འཚེར་བས་ཆོས་ཀྱི་འཁོར་ལོ་སྐོར་ཞིང་སེམས་ཅན་འདུལ་བ་རྒྱུན་མི་གཅོད་ལ་
D187.061.0162a06.01གཏོང་བ་མེད་ཀྱང་གནོད་པ་མེད་ཅིང་འཇིག་རྟེན་གྱི་ཁམས་ཐམས་ཅད་དུའང་གནོད་པ་མེད་དེ། རབ་ཏུ་ཕྲ་བའི་རྡུལ་དེ་རྒྱས་པར་བྱས་པའང་མེད། འཇིག་རྟེན་གྱི་ཁམས་ཆུང་ངུར་བྱས་པའང་མེད་པ་ཆོས་ཀྱི་དབྱིངས་རབ་ཏུ་རྟོགས་ཤིང་མཁྱེན་ནས་གནས་པ་སྟེ།
D187.061.0162a07.01