完整藏文原文 · 德格版页 当前仅加载第 61 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་སྒོ་མ་རྙེད་པ་དང་། སངས་རྒྱས་ཀྱི་སྤྱོད་པས་སོང་བ་དེ་བཞིན་གཤེགས་པ་ཐམས་ཅད་ཀྱི་རིགས་དང་། སངས་རྒྱས་ཀྱི་ཡེ་ཤེས་དང་། མཛད་པ་ཐམས་ཅད་ལ་ཞུགས་པ། ཐམས་ཅད་མཁྱེན་པ་ལ་གནས་པ། ཚད་མེད་པར་སྟོན་པ་དག་གནས་པ། རྩ་བ་མེད་
D187.061.0187b01.01ཅིང་མཐའ་མེད་པའི་མངོན་པར་ཤེས་པ་ཐམས་ཅད་ཀྱི་ཡེ་ཤེས་བསམ་གྱིས་མི་ཁྱབ་པ། ཡེ་ཤེས་འཇིག་རྟེན་གྱི་སེམས་ཅན་རྣམས་ཀྱི་རྗེས་སུ་འགྲོ་བ། འགྲོ་བ་མ་ལུས་པ་ཐམས་ཅད་ཀྱི་ཐམས་ཅད་ཆོས་ཐམས་ཅད་ཀྱི་ཡེ་ཤེས་ཀྱི་མཐོང་བ་དང་། ཕྲ་བ་མ་ལུས་པ་མཐའ་དང་
D187.061.0187b02.01དབུང་མེད་པའི་ཡེ་ཤེས། དུས་གསུམ་ཐམས་ཅད་ལ་འཇུག་པའི་ཚུལ་དང་ཕྲ་བའི་ཡེ་ཤེས་རྗེས་སུ་རྟོགས་པ། འཇིག་རྟེན་གྱི་ཁམས་མ་ལུས་པ་ཐམས་ཅད་རྣམ་པར་དག་པ་དང་། འཇིག་རྟེན་ལས་འདས་པའི་དོན་དང་། ཡེ་ཤེས་དང་། སངས་རྒྱས་ཀྱི་མཛད་པར་བརྗོད་དུ་མེད་
D187.061.0187b03.01པ་འཇིག་རྟེན་གྱི་ཁམས་ཐམས་ཅད་དང་ལྡན་ཞིང་ཕྱིར་མི་ལྡོག་པའི་ཡེ་ཤེས་ཀྱི་སངས་རྒྱས་ཐམས་ཅད་ཀྱི་སྐུ། གྲངས་ལ་འཇུག་པའི་ཡེ་ཤེས་ཀྱི་ཆོས་ཡི་གེ་མེད་པར་རབ་ཏུ་རྟོག་པ། བརྗོད་དུ་མེད་པའི་ཡེ་ཤེས་སྣ་ཚོགས་རྣམ་པར་ཕྱེ་བ་དང་། ཡི་གེ་ཐམས་ཅད་བརྗོད་དུ་མེད་པར་ཤེས་
D187.061.0187b04.01པར་བྱེད། ཡེ་ཤེས་ཀྱི་དགེ་བར་སྤྱོད་པའི་ཆོས་ཐམས་ཅད་རྣམ་པར་དག་པ་ཀུན་ཏུ་བཟང་པོའི་ཡེ་ཤེས་ཀྱི་རིམ་པ། སེམས་སྐད་ཅིག་མ་གཅིག་དང་ལྡན་པའི་ཡེ་ཤེས་ཀྱིས་ཆོས་ཐམས་ཅད་ཁོང་དུ་ཆུད་པའི་ཡེ་ཤེས་ཇི་ལྟར་འོས་པ་དང་། སེམས་ཅན་ཐམས་ཅད་ཀྱི་ལུས་དང་། ཇི་ལྟར་
D187.061.0187b05.01སྐྱེ་མཆེད་ཀྱི་ཆོས་གཏོང་བར་རབ་ཏུ་ཡིད་ལ་བྱེད་པའི་ཡེ་ཤེས་ཆོས་ཐམས་ཅད་ཀྱི་ཡུལ་གྱི་མཚམས་མ་ཡིན་པ། འཇིག་རྟེན་གྱི་ཡུལ་ཁམས་མ་ལུས་པ་ཐམས་ཅད་དང་། འགྲོ་བ་མ་ལུས་པ་ཐམས་ཅད་དང་། སེམས་ཅན་མ་ལུས་པ་ཐམས་ཅད་དང་། ཆོས་ཀྱི་དབྱིངས་མ་ལུས་པ་
D187.061.0187b06.01ཐམས་ཅད་དང་། དུས་གསུམ་གྱི་སེམས་ཀྱི་སྐད་ཅིག་མ་གཅིག་ལ་ཆགས་པ་མེད་པའི་ཡེ་ཤེས་ཀྱི་མཐོང་བའི་ཡུལ་དེ་བཞིན་གཤེགས་པ་མ་ལུས་པ་ཐམས་ཅད་ཀྱི་སངས་རྒྱས་འབྱུང་བའི་ཡུལ་ལ་འཇུག་ཅིང་ཐམས་ཅད་འདུལ་བའི་ཡུལ་མ་ལུས་པ་ཐམས་ཅད་ཀྱི་རྗེས་སུ་སོང་བ། རྣམ་
D187.061.0187b07.01