完整藏文原文 · 德格版页 当前仅加载第 61 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་རྫོགས་ནས་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དང་། སངས་རྒྱས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དང་མཉམ་པ་ཉིད་ཡོངས་སུ་རྫོགས་ནས་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དང་། སངས་རྒྱས་བཅོམ་ལྡན་འདས་སངས་
D187.061.0171b01.01རྒྱས་ཀྱི་མཛད་པ་མཛད་པ་ཐམས་ཅད་ཡོངས་སུ་རྫོགས་ནས་ཡོངས་སུ་མྱ་ངན་ལས་འདའ་སྟེ། ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་བསམ་གྱིས་མི་ཁྱབ་པའི་སངས་རྒྱས་ཀྱི་ཆོས་ཡོངས་སུ་རྫོགས་པ་བཅུའོ། །ཀྱེ་རྒྱལ་བའི་
D187.061.0171b02.01སྲས་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་བཅུ་སྟེ། བཅུ་གང་ཞེ་ན། སངས་རྒྱས་བཅོམ་ལྡན་འདས་ཀྱི་བྱིན་གྱིས་བརླབས་མ་ཡིན་པའི་ཆོས་ཐམས་ཅད་མཁྱེན་ནས་སྤྲོས་པ་མེད་པ་དང་། དགེ་བ་དང་། སངས་རྒྱས་ཀྱི་བྱིན་གྱིས་བརླབས་
D187.061.0171b03.01སྟོན་ཅིང་སྣང་བར་མཛད་དེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཐབས་ལ་མཁས་པ་དང་པོའོ། །སངས་རྒྱས་བཅོམ་ལྡན་འདས་རྣམས་ཀྱིས་ཆོས་ཐམས་ཅད་བལྟར་མེད་པ་དང་། ཕན་ཚུན་ཤེས་པར་མི་རུང་བ་དང་། མ་བཅིང་བ་དང་། མ་གྲོལ་བ་དང་། གཟུང་
D187.061.0171b04.01དུ་མེད་པ་དང་། རེག་པར་མི་རུང་བ་དང་། མ་བྱུང་བའི་ཆོས་ཐམས་ཅད་ལ་མངའ་དམ་པའི་ཕ་རོལ་ཏུ་ཕྱིན་པ་བརྙེས་ཤིང་། སངས་རྒྱས་བཅོམ་ལྡན་འདས་ཆོས་དེ་དག་ཐམས་ཅད་ཡང་དག་པ་ཉིད་དང་། དེ་ཁོ་ན་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པའི་
D187.061.0171b05.01ཆོས་ཐམས་ཅད་དང་། བདག་མེད་པ་དང་། གཟུང་བ་མེད་པའི་ཆོས་རྣམས་ཀྱི་དེ་ཁོ་ནའི་མཐའ་ལ་ཆགས་པ་མེད་པའི་དབང་དུ་གྱུར་པ་དེ་ལ་དབང་གིས་ཆེན་པོ་བསླབས་ཏེ། བསླབ་པའི་རྗེས་སུ་འབྲང་ཞིང་ཆོས་ཐམས་ཅད་ལ་གཟིགས་ཏེ། འདི་ནི་སངས་རྒྱས་བཅོམ་
D187.061.0171b06.01ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་གཉིས་པའོ། །སངས་རྒྱས་བཅོམ་ལྡན་འདས་མཚན་མ་ཐམས་ཅད་ཀྱི་མཐའ་དང་བྲལ་ཞིང་མཚན་མ་ཐམས་ཅད་ལ་མི་གནས་པ། མཚན་མ་མངོན་པར་མཁྱེན་པས་མི་ཆགས་པ་དེའི་ངོ་བོ་ཉིད་དང་ངོ་བོ་ཉིད་མེད་པ་
D187.061.0171b07.01