完整藏文原文 · 德格版页 当前仅加载第 61 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
པར་དག་པར་སངས་རྒྱས་ཀྱི་ཡིད་ཀྱི་མཚམས་སུ་ཐོབ་པ་མངོན་པར་མཁྱེན་ཅིང་ཡུལ་ཐམས་ཅད་ལས་མངོན་པར་སངས་རྒྱས་པ། སེམས་ཅན་གྱི་སེམས་དང་ཡིད་ཀྱི་རྣམ་པར་ཤེས་པ་མ་ལུས་པ་ཐམས་ཅད་རྟོགས་པ། དུས་གསུམ་གྱིས་ཕྱེ་བའི་སེམས་ཀྱི་སྐད་ཅིག་མ་ལ་ཡེ་
D187.061.0188a01.01ཤེས་ཀྱི་རྗེས་སུ་སངས་རྒྱས་ཤིང་མཚམས་མ་ཡིན་པའི་སངས་རྒྱས་པ། སེམས་ཅན་ཐམས་ཅད་དུ་འགྲོ་བ་མཐའ་ཡས་པ་དང་། འཇིག་རྟེན་གྱི་ཁམས་ཐམས་ཅད་དུ་འགྲོ་བ་མཐའ་མེད་པ་དང་། འཇིག་རྟེན་གྱི་ཁམས་ཐམས་ཅད་དུ་འགྲོ་བ་མཐའ་ཡས་པ་དང་། དུས་གསུམ་
D187.061.0188a02.01ཐམས་ཅད་དུ་འགྲོ་བ་དཔག་ཏུ་མེད་པ་དང་། སངས་རྒྱས་ཁྱུ་མཆོག་ཐམས་ཅད་དུ་འགྲོ་བ་དང་། ཁོང་དུ་ཆུད་པ་མ་ལུས་པ་ཐམས་ཅད་དུ་འགྲོ་བ་དང་། དེ་དག་མ་ལུས་པ་ཐམས་ཅད་ལས་མངོན་པར་རྫོགས་པར་སངས་རྒྱས་པ་རྣམ་པར་ཆུད་པ་ཐམས་ཅད་ཀྱི་རྗེས་སུ་འགྲོ་
D187.061.0188a03.01ཞིང་སངས་རྒྱས་ཀྱི་ཡེ་ཤེས་མི་གཏོང་བ། སངས་རྒྱས་ཐམས་ཅད་རྫུ་འཕྲུལ་རྣམ་པར་སྤྲུལ་པ་ལ་བཞུགས་ཏེ། དེ་ན་སངས་རྒྱས་བཅོམ་ལྡན་འདས་མཐའ་དང་དབུང་མེད་པར་གནས་པ། སངས་རྒྱས་ཁྱུ་མཆོག་གི་སྐུ་མཐའ་དང་དབུང་མེད་པར་གནས་པ། སེམས་ཆགས་པ་མེད་པར་
D187.061.0188a04.01གནས་པ། མཐའ་དང་དབུང་མེད་པའི་སྙིང་རྗེ་ཆེན་པོ་སྦྱོར་བ་ལ་གནས་པ། དུས་ཐམས་ཅད་དུ་རྟག་ཏུ་རྒྱུན་མི་འཆད་པར་ཆོས་སྟོན་པར་གནས་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མཐུ་ཆེན་པོའི་དཔལ་དང་། ཡེ་ཤེས་ཆེན་པོ་ལ་གནས་པའི་ཆོས་བཅུ་
D187.061.0188a05.01པའོ། །ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་ཆོས་བཅུ་སྟེ། སེམས་ཅན་ཐམས་ཅད་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་ཉན་ཐོས་དང་། རང་སངས་རྒྱས་
D187.061.0188a06.01ཐམས་ཅད་ཀྱིས་བསམ་གྱིས་མི་ཁྱབ་ཅིང་ཚད་མི་ཟིན་པའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་བཞུགས་པའི་ཆོས་བཅུ་སྟེ། བཅུ་གང་ཞེ་ན། སངས་རྒྱས་བཅོམ་ལྡན་འདས་རྣམས་ཚེ་ཇི་ཙམ་པར་དགའ་ལྡན་ན་བཞུགས་ཤིང་ཚེ་ཟད་ནས་འཕོ་བར་བྱེད་པ་དང་། སངས་
D187.061.0188a07.01