完整藏文原文 · 德格版页 当前仅加载第 61 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་རེ་ཆེན་པོའོ། །མུན་པ་མེད་པའི་དབྱིངས་སུ་དེ་བཞིན་གཤེགས་པས་མངོན་པར་རྫོགས་པར་སངས་རྒྱས་ཏེ་མུན་པ་དང་བཅས་པ་སྣང་བར་གྱུར་ནས། སངས་རྒྱས་ཀྱི་ཆོས་རབ་རིབ་
D187.061.0162b01.01མེད་པ། རྣམ་པར་རབ་རིབ་མེད་པའི་གནས་ལ་སེམས་ཅན་ཕ་རོལ་འཛུད་པ་དང་། དེ་ན་བཅོམ་ལྡན་འདས་དེ་བཞིན་གཤེགས་པའི་སྟོབས་བཅུའི་རྗེས་སུ་སོང་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་བཟོད་པར་དཀའ་བའི་ཆོས་ཀྱི་བླ་རེ་ཆེན་པོ་བཅུའོ། །
D187.061.0162b02.01ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཟིལ་གྱིས་གནོན་པའི་ཆོས་ཀྱི་བླ་རེ་ཆེན་པོ་བཅུའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་ཀྱི་ཆེ་བ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པ་བཅུ་སྟེ། བཅུ་གང་ཞེ་ན།
D187.061.0162b03.01སངས་རྒྱས་བཅོམ་ལྡན་འདས་རྣམས་ཀྱི་ཆེ་བ་ཤིན་ཏུ་བསྒྲུབས་ཏེ། ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པ་དང་། སངས་རྒྱས་བཅོམ་ལྡན་འདས་རྣམས་ཀྱི་རིགས་སྔོན་ནས་མཐོ་བས་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་
D187.061.0162b04.01བཅོམ་ལྡན་འདས་ཀྱི་རིགས་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་ཅིང་དེ་བཞིན་གཤེགས་པའི་རིགས་རྣམ་པར་དག་པ་དང་། སངས་རྒྱས་བཅོམ་ལྡན་འདས་རྣམ་པར་ཤེས་པ་ལ་མི་གནས་ཤིང་ཕྱི་མའི་མཐའ་མའི་སངས་རྒྱས་བཅོམ་ལྡན་འདས་རྣམས་
D187.061.0162b05.01ཀྱི་ཆེ་བ་ཐམས་ཅད་དུ་ཁ་ན་མ་ཐོ་བ་མེད་ཅིང་རྣམ་པར་དག་པ་དང་། སངས་རྒྱས་བཅོམ་ལྡན་འདས་རྣམས་ཆོས་ཐམས་ཅད་ལ་གནས་པ་བཅོམ་ཞིང་དུས་གསུམ་ལ་མི་གནས་པར་སྤྱོད་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་བ་ཐམས་ཅད་དུ་ཁ་ན་མ་
D187.061.0162b06.01ཐོ་བ་མེད་ཅིང་ཤིན་ཏུ་རྣམ་པར་དག་པའོ། །སྣ་ཚོགས་ཀྱི་བླང་བ་མེད་པས་སངས་རྒྱས་བཅོམ་ལྡན་འདས་རྒྱན་གཅིག་པའི་ངོ་བོ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་བ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །སངས་
D187.061.0162b07.01