完整藏文原文 · 德格版页 当前仅加载第 61 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
མ་བསྒྲུབས་པ། མ་བསྐྱེད་པ་དང་། སྣ་ཚོགས་སུ་བསྐྱེད་པ་དང་། རྣམ་པ་གཅིག་མ་ཡིན་པ་དང་། རྣམ་པ་མང་པོ་མ་ཡིན་པ་དང་། སྨྲ་བ་ཐམས་ཅད་བརྗོད་དུ་མེད་པའི་དམ་པའི་ཕ་རོལ་ཏུ་ཕྱིན་པ་བརྙེས་པ། ཀུན་ཏུ་མི་རྟོག་པའི་ཡུལ་མངོན་པར་འདུ་མི་བྱེད་པ་
D187.061.0173b01.01དང་ལྡན་པ། རྟོག་པ་དང་། ཀུན་ཏུ་རྟོག་པ་དང་། ཡོངས་སུ་རྟོག་པ་ཐམས་ཅད་འགགས་པ། སྨྲ་བ་ཐམས་ཅད་ལ་མི་གནས་པ་གནས་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་དགུའོ། །གཟུགས་ཀྱི་ཆོས་ཐམས་ཅད་
D187.061.0173b02.01མ་སྐྱེས་པར་མཁྱེན་ཏེ། ཚོར་བ་མ་ཡིན། སྤྲོས་པ་མ་ཡིན། གྲངས་མ་ཡིན། འདུ་ཤེས་ཀྱི་སྤྱོད་པ་མ་ཡིན། འདུ་བྱེད་མ་ཡིན། ལེན་པ་མ་ཡིན། རྣམ་པར་ཤེས་པ་མ་ཡིན་ཏེ། རང་བཞིན་གྱིས་ཞི་བར་རབ་ཏུ་མཁྱེན། སྐྱེ་མཆེད་མེད་པར་འཇུག་པ་དང་།
D187.061.0173b03.01ཆོས་ཐམས་ཅད་ཀྱི་དབྱིངས་མི་དམིགས་པ་དང་། ཆོས་ཐམས་ཅད་མི་འཇིགས་པ་དང་། ཆོས་ཐམས་ཅད་ལྡང་བ་མེད་དེ། རང་བཞིན་གྱིས་ནམ་མཁའ་དང་མཉམ་པ། ཆོས་ཐམས་ཅད་དབེན་པ། ལས་མ་ཡིན་པ་སྤྱོད་པ་མེད་པ་ལས་བྱུང་བ། མ་སྐྱེས་པ། མ་
D187.061.0173b04.01བྱུང་བ། གྲངས་མང་བར་རྟོགས་པ། ཡོད་པ་མ་ཡིན་པ། མེད་པ་མ་ཡིན་པ། མ་སྐྱེས་པ། མ་འགགས་པ། ཀུན་ནས་ཉོན་མོངས་པ་མ་ཡིན། རྣམ་པར་བྱང་བ་མ་ཡིན། མིང་མེད་པ། གཤའ་མ་མ་ཡིན་པ། མི་གནས་པ་ཡོངས་སུ་མི་གནས་པ་ཡོངས་སུ་
D187.061.0173b05.01སྨིན་པ་མ་ཡིན་པ། དུལ་བ་མ་ཡིན་པ། སེམས་ཅན་མེད་པ། སེམས་ཅན་མེད་པ་མ་ཡིན་པ། སྲོག་མེད་པ། སྲོག་མེད་པ་མ་ཡིན་པ། རྐྱེན་མེད་པ། རྐྱེན་མེད་པ་མ་ཡིན་པ། རྐྱེན་དང་འདུ་བ་མེད་པ་མ་ཡིན་པར་ཆོས་ཐམས་ཅད་མཁྱེན་ཏེ། ཆོས་ཐམས་
D187.061.0173b06.01ཅད་ཀྱི་དབྱིངས་སྟོན་པའི་དམ་པའི་ཕ་རོལ་ཏུ་ཕྱིན་པ་བརྙེས་པ། ཚོགས་གསུམ་པ་རྣམ་པར་གནས་པས་ངེས་པ་དང་། མ་ངེས་པ་དང་། ལོག་པར་ངེས་པ་དང་། མ་ངེས་པ་དང་། དེ་བཞིན་གཤེགས་པའི་སྟོབས་བཅུ་དང་། ཐམས་ཅད་མཁྱེན་པའི་ཡེ་ཤེས་དང་། མི་
D187.061.0173b07.01