完整藏文原文 · 德格版页 当前仅加载第 61 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་མྱ་ངན་ལས་འདའ་བར་སྟོན་པ་སྟེ། ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་སྤྱན་བཅུའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཆོས་མཐའ་ཡས་པར་སྟོན་པ་བཅུ་སྟེ། བཅུ་གང་
D187.061.0165a01.01ཞེ་ན། སངས་རྒྱས་བཅོམ་ལྡན་འདས་སེམས་ཅན་གྱི་ཁམས་ལ་མཐའ་ཡས་པར་སྟོན་པའི་སྒོ་དང་། སངས་རྒྱས་བཅོམ་ལྡན་འདས་སེམས་ཅན་གྱི་སྤྱོད་པ་སྣ་ཚོགས་མཐའ་ཡས་པར་སྟོན་པའི་སྒོ་དང་། སངས་རྒྱས་བཅོམ་ལྡན་འདས་སེམས་ཅན་ཐམས་ཅད་ཀྱི་ལས་ཀྱི་རྣམ་
D187.061.0165a02.01པར་སྨིན་པ་མཐའ་ཡས་པར་སྟོན་པའི་སྒོ་དང་། སངས་རྒྱས་བཅོམ་ལྡན་འདས་སེམས་ཅན་ཐམས་ཅད་ལ་གདམས་པ་རྗེས་སུ་བསྟན་པ་མཐའ་ཡས་པར་སྟོན་པའི་སྒོ་དང་། སངས་རྒྱས་བཅོམ་ལྡན་འདས་སེམས་ཅན་གྱི་ཁམས་རྣམ་པར་སྤྱོད་པའི་ནན་ཏན་མཐའ་ཡས་པར་སྟོན་
D187.061.0165a03.01པའི་སྒོ་དང་། སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་སྤྱོད་པ་གདམས་པ་མཐའ་ཡས་པ་བསྟན་པ་ལ་འགོད་པའི་སྒོ་དང་། སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་རིམ་པའི་ཁྱད་པར་བཞིན་སྨོན་ལམ་གྱིས་འབྱུང་བ་མཐའ་ཡས་པར་སྟོན་པའི་སྒོ་དང་།
D187.061.0165a04.01སངས་རྒྱས་བཅོམ་ལྡན་འདས་སེམས་ཅན་གྱི་ཁམས་མ་ལུས་པ་ཐམས་ཅད་ལ་སྡུད་པ་དང་འགྱུར་བ་མཐའ་ཡས་པར་སྟོན་པའི་སྒོ་དང་། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཞིང་རྣམ་པར་དག་པར་བྱང་ཆུབ་སེམས་དཔའ་རྣམས་ཀྱི་བསམ་པ་དང་དད་པ་བཞིན་
D187.061.0165a05.01སྟོན་པའི་སྒོ་དང་། འཇིག་རྟེན་གྱི་ཁམས་མ་ལུས་པ་ཐམས་ཅད་ནི་འདས་པ་དང་། མ་འོངས་པ་དང་། ད་ལྟར་བྱུང་བ་དེ་དང་དེ་དག་ཏུ་སངས་རྒྱས་ཐམས་ཅད་གཅིག་ནས་གཅིག་ཏུ་བསྐལ་པར་འབྱུང་བ་སངས་རྒྱས་བཅོམ་ལྡན་འདས་རྣམས་ཀྱི་མཐུས་བསྡུས་ནས་ཡོངས་སུ་
D187.061.0165a06.01སྣང་ཞིང་། སངས་རྒྱས་ཐམས་ཅད་ཀྱི་ཡེ་ཤེས་རྣམ་པར་རིག་པ་མཐའ་ཡས་པའི་སྒོ་སྟེ། ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་མཐའ་ཡས་པར་སྟོན་པ་བཅུའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་
D187.061.0165a07.01