完整藏文原文 · 德格版页 当前仅加载第 61 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དེ་བཞིན་གཤེགས་པའི་ཡེ་ཤེས་གཉིས་སུ་མེད་པ་དང་། འབྱུང་བའི་སྐད་ཅིག་མའི་མཐའི་ཡེ་ཤེས་མི་གཉིས་ཤིང་ཐོག་མའི་མཐའ་དང་། ཐ་མའི་མཐའ་དང་། ད་ལྟར་བྱུང་བ་གཉིས་སུ་མེད་པ་དང་། དུས་གསུམ་གྱི་སངས་རྒྱས་ཀྱི་ཞིང་ཐམས་ཅད་དང་། སངས་རྒྱས་
D187.061.0181b01.01གཅིག་གི་ཞིང་གི་རྗེས་སུ་འགྲོ་བ་བསྟན་པའི་ཡེ་ཤེས་གཉིས་སུ་མེད་པ་དང་། སངས་རྒྱས་གཅིག་གི་གསུང་དང་། སངས་རྒྱས་ཐམས་ཅད་ཀྱི་གསུང་གཉིས་སུ་མེད་པ་དང་། དེ་བཞིན་གཤེགས་པ་ཐམས་ཅད་ཀྱི་འདུལ་བ་དང་། རབ་ཏུ་ཕིགས་པ་དང་། རྣམ་པར་རིག་པ་གཉིས་
D187.061.0181b02.01སུ་མེད་པ་དང་། འཇིག་རྟེན་ཐམས་ཅད་ཀྱི་ཆོས་ཉིད་དང་། སངས་རྒྱས་ཀྱི་ཆོས་ཉིད་གཉིས་སུ་མེད་པ་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་ཐམས་ཅད་ཀྱི་དགེ་བའི་རྩ་བ་ཐམས་ཅད་དང་། གཅིག་གི་དགེ་བའི་རྩ་བ་གཉིས་སུ་མེད་དེ། ཀྱེ་རྒྱལ་
D187.061.0181b03.01བའི་སྲས་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་གཉིས་སུ་མེད་པའི་ཆོས་ཀྱི་དབང་པོའི་ཆོས་ཀྱིས་མི་གཉིས་པར་གཤེགས་པའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་དེ་བཞིན་གཤེགས་པ་རྣམས་ཆོས་ཐམས་ཅད་ལ་ནན་ཏན་གྱིས་གནས་པ་བཅུ་སྟེ།
D187.061.0181b04.01བཅུ་གང་ཞེ་ན། སངས་རྒྱས་བཅོམ་ལྡན་འདས་ཆོས་ཀྱི་དབྱིངས་ལ་གནས་ཤིང་ཡེ་ཤེས་ཀྱི་རྗེས་སུ་སངས་རྒྱས་པ་ལ་གནས་པ་དང་། སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་ལ་གནས་པ་དང་། སངས་རྒྱས་བཅོམ་ལྡན་འདས་ཇི་ལྟར་སྨོན་ལམ་གྱིས་འབྱུང་བ་ལ་
D187.061.0181b05.01གནས་པ་དང་། སངས་རྒྱས་བཅོམ་ལྡན་འདས་སེམས་ཅན་ཡོངས་སུ་མི་གཏོང་ཞིང་འདུལ་བ་ལ་གནས་པ་དང་། སངས་རྒྱས་བཅོམ་ལྡན་འདས་ངོ་བོ་མེད་པ་ལ་རབ་ཏུ་གནས་པའི་ཆོས་ཉིད་ལ་གནས་པ་དང་། སངས་རྒྱས་བཅོམ་ལྡན་འདས་དོན་མེད་པ་མ་ཡིན་པ་དང་། དེ་
D187.061.0181b06.01བཞིན་གཤེགས་པ་རྣམས་སྐལ་བ་མཉམ་པ་མ་ཡིན་པར་གནས་པ་དང་། སངས་རྒྱས་བཅོམ་ལྡན་འདས་རྟག་ཏུ་སེམས་མཉམ་པ་ལ་གནས་པ་དང་། སངས་རྒྱས་བཅོམ་ལྡན་འདས་ཆོས་ཐམས་ཅད་མ་ཉམས་པའི་དབང་པོ་ལ་གནས་པ་དང་། སངས་རྒྱས་བཅོམ་ལྡན་འདས་
D187.061.0181b07.01