完整藏文原文 · 德格版页 当前仅加载第 61 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། འཇིག་རྟེན་གྱི་དགའ་བ་ལ་མི་འདོད་པ་དང་། འཇིག་རྟེན་ཐམས་ཅད་ཀྱིས་མ་གོས་པའི་སྨོན་ལམ་ཐམས་ཅད་མཚུངས་པར་འཇིག་རྟེན་གྱི་བདེ་བ་ཐམས་ཅད་དང་ལྡན་པས་སྡུག་བསྔལ་ཐམས་ཅད་འཇིག་ཅིང་སྤྲོས་པ་ཐམས་ཅད་མེད་པ་སྟེ། འདི་ནི་སེམས་ཅན་གྱི་ཆོས་ཀྱི་
D187.061.0166b01.01སྙིང་པོ་དགུའོ། །སངས་རྒྱས་ཀྱི་ཡུལ་ལ་དད་པས་དཀའ་བ་དང་དཀའ་ཐུབ་ཀྱི་སེམས་བསྐྱེད་དོ། །སངས་རྒྱས་ཐམས་ཅད་ཀྱི་རིགས་བསྲུང་བ་ལ་བརྩོན་པས་འགྲོ་བ་ཐམས་ཅད་དང་མཉམ་པར་སྡུག་བསྔལ་ཐམས་ཅད་རིག་པས་རིག་ཅིང་སྟོབས་དང་ས་བཅུའི་བར་གྱི་མཐར་བྱུང་བ་
D187.061.0166b02.01སྟེ། འདི་ནི་སེམས་ཅན་གྱི་ཆོས་ཀྱི་སྙིང་པོ་བཅུ་པའོ། །ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སེམས་ཅན་གྱི་ཆོས་ཀྱི་སྙིང་པོ་བཅུའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་ཀྱི་མི་ཆགས་པར་སྤྱོད་པ་བཅུ་སྟེ། བཅུ་གང་ཞེ་ན།
D187.061.0166b03.01སངས་རྒྱས་བཅོམ་ལྡན་འདས་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་གཤེགས་པ་ཡང་མི་ཆགས་པར་སྤྱོད་པ་དང་། སངས་རྒྱས་བཅོམ་ལྡན་འདས་འཇིག་རྟེན་གྱི་ཁམས་མ་ལུས་པ་ཐམས་ཅད་ན་བཞུགས་པ་ཡང་མི་ཆགས་པར་སྤྱོད་པ་དང་། སངས་རྒྱས་བཅོམ་
D187.061.0166b04.01ལྡན་འདས་འཇིག་རྟེན་གྱི་ཁམས་མ་ལུས་པ་ཐམས་ཅད་ན་འཆག་བཞེངས་བཞུགས་པ་ཡང་མི་ཆགས་པར་སྤྱོད་པ་དང་། སངས་རྒྱས་བཅོམ་ལྡན་འདས་འཇིག་རྟེན་གྱི་ཁམས་མ་ལུས་པ་ཐམས་ཅད་ན་ཆོས་སྟོན་པ་ཡང་མི་ཆགས་པར་སྤྱོད་པ་དང་། སངས་རྒྱས་བཅོམ་ལྡན་
D187.061.0166b05.01འདས་འཇིག་རྟེན་གྱི་ཁམས་མ་ལུས་པ་ཐམས་ཅད་དང་། དགའ་ལྡན་གནས་སུ་གཤེགས་པ་ཡང་མི་ཆགས་པར་སྤྱོད་པ་དང་། སངས་རྒྱས་བཅོམ་ལྡན་འདས་ཆོས་ཀྱི་དབྱིངས་མ་ལུས་པ་ཐམས་ཅད་དང་། སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་
D187.061.0166b06.01བྱུང་བ་ལ་ཡང་མི་ཆགས་པར་སྤྱོད་པ་དང་། སངས་རྒྱས་བཅོམ་ལྡན་འདས་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་ཚད་མེད་པའི་འཁོར་གྱི་དཀྱིལ་འཁོར་དུ་གཤེགས་པ་ཡང་མི་ཆགས་པར་སྤྱོད་པ་དང་། སེམས་ཅན་མ་ལུས་པ་ཐམས་ཅད་ཀྱི་སེམས་ཀྱི་སྤྱོད་པ་ལ་
D187.061.0166b07.01