完整藏文原文 · 德格版页 当前仅加载第 61 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་གཟིགས་ཤིང་སེམས་ཀྱི་སྐད་ཅིག་མ་གཅིག་ལ་ཆོ་འཕྲུལ་གསུམ་སྟོན་ཅིང་སེམས་ཅན་འདུལ་བ་ཡང་མི་ཆགས་པར་སྤྱོད་པ་དང་། སངས་རྒྱས་བཅོམ་ལྡན་འདས་ཀྱི་སྐུ་གཅིག་གིས་ཚད་མེད་བསམ་གྱིས་མི་ཁྱབ་པར་གཤེགས་ཤིང་སངས་རྒྱས་ཀྱི་སྤྱོད་པ་
D187.061.0167a01.01ཆེན་པོ་སྤྱོད་པ་ཡང་མི་ཆགས་པར་སྤྱོད་པ་དང་། སངས་རྒྱས་བཅོམ་ལྡན་འདས་ཚད་མེད་བསམ་གྱིས་མི་ཁྱབ་པར་གཤེགས་ཤིང་སེམས་ཅན་ཚད་མེད་པ་བཅུ་རྡུལ་ཡབ་མ་ལུས་པ་ཐམས་ཅད་ལ་སྟོན་པ་དང་། སངས་རྒྱས་བཅོམ་ལྡན་འདས་ཀྱིས་དེ་བཞིན་གཤེགས་པ་
D187.061.0167a02.01མ་ལུས་པ་ཐམས་ཅད་ཀྱི་མཐའ་ཡས་བསྡུས་པ་ཡང་མི་ཆགས་པར་སྤྱོད་པ་སྟེ། ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་ཀྱི་མི་ཆགས་པར་སྤྱོད་པ་བཅུའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་སྐུའི་རྒྱན་མཆོག་
D187.061.0167a03.01དམ་པ་བླ་ན་མེད་པ་བཅུ་སྟེ། བཅུ་གང་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་སྐུའི་མཚན་དང་དཔེ་བྱད་བཟང་པོས་བརྒྱན་པ་སངས་རྒྱས་ཀྱི་སྐུའི་རྒྱན་མཆོག་དམ་པ་བླ་ན་མེད་པའོ། །སངས་རྒྱས་བཅོམ་ལྡན་འདས་རྣམས་ཡན་ལག་དྲུག་ཅུ་མཆོག་
D187.061.0167a04.01དམ་པ་དང་ལྡན་ཞིང་གསུང་གི་ཡན་ལག་བརྒྱ་རྩ་ལྔ་ཡོངས་སུ་བཟུང་བ་བརྒྱ་སྟོང་དུ་མས་བརྒྱན་པ་མཐའ་དང་མུ་མེད་པའི་དབྱངས་ཀྱི་ཡན་ལག་རྣམ་པར་དག་པ་བརྗོད་དུ་མེད་པའི་སངས་རྒྱས་ཀྱི་ཆོས་དང་། དོན་ཚིག་འབྲུ་རབ་ཏུ་དང་བ་དང་། འཇིགས་པ་མེད་པ་ཆེན་
D187.061.0167a05.01པོས་མི་འཇིགས་ཤིང་བག་ཚ་བ་མེད་པར་སེང་གེའི་སྒྲ་བསྒྲགས་པས་ཆོས་ཀྱི་དབྱིངས་མ་ལུས་པ་ཐམས་ཅད་སེམས་ཅན་ཐམས་ཅད་ལ་ཐོས་པ་དང་། སྣང་བ་དང་། ཤེས་པར་མཛད་པ་དང་། སེམས་ཅན་རྣམས་ཀྱི་བསམ་པ་སྣ་ཚོགས་དང་། དབང་པོ་སྣ་ཚོགས་
D187.061.0167a06.01ཀྱི་རིམ་པ་སོ་སོར་སློང་ཞིང་འདུལ་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་གསུང་གི་རྒྱན་མཆོག་དམ་པ་བླ་ན་མེད་པའོ། །སངས་རྒྱས་བཅོམ་ལྡན་འདས་ཀྱི་ཡིད་ཀྱི་ལས་སྟོབས་བཅུས་བརྒྱན་པ། སངས་རྒྱས་ཐམས་ཅད་ཏིང་ངེ་འཛིན་ཆེན་པོས་
D187.061.0167a07.01