完整藏文原文 · 德格版页 当前仅加载第 61 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཆགས་པ་མེད་པར་སྤྱོད་པ་ལ་གནས་པ་དང་། སངས་རྒྱས་བཅོམ་ལྡན་འདས་ཆོས་ཐམས་ཅད་མཉམ་པ་ཉིད་ལ་འཇུག་ཅིང་མི་འཇིགས་པ་ཡང་དག་པའི་མཐའི་མཚན་ཉིད་ལ་གནས་པ་སྟེ། ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་དེ་བཞིན་
D187.061.0182a01.01གཤེགས་པ་རྣམས་ཆོས་ཐམས་ཅད་ཀྱི་ནན་ཏན་ལ་གནས་པ་བཅུའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་ཀྱིས་ཆོས་ཐམས་ཅད་མ་ལུས་པར་མངོན་པར་མཁྱེན་པ་བཅུ་སྟེ། བཅུ་གང་ཞེ་ན། འདི་ལྟ་སྟེ། ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་འདས་པའི་
D187.061.0182a02.01གྲངས་ཐམས་ཅད་མངོན་པར་མཁྱེན་པ་དང་། མ་འོངས་པ་ཐམས་ཅད་ཀྱི་གྲངས་ཐམས་ཅད་མངོན་པར་མཁྱེན་པ་དང་། ད་ལྟར་བྱུང་བ་ཐམས་ཅད་ཀྱི་གྲངས་ཐམས་ཅད་མངོན་པར་མཁྱེན་པ་དང་། ངག་ཐམས་ཅད་ཀྱི་ལམ་ཐམས་ཅད་མངོན་པར་མཁྱེན་པ་དང་། འཇིག་རྟེན་
D187.061.0182a03.01ཐམས་ཅད་ཀྱི་འཇུག་པ་ཐམས་ཅད་མངོན་པར་མཁྱེན་པ་དང་། སེམས་ཅན་ཐམས་ཅད་ཀྱི་ངོ་བོའི་ཡེ་ཤེས་ཐམས་ཅད་མངོན་པར་མཁྱེན་པ་དང་། བྱང་ཆུབ་སེམས་དཔའ་ཐམས་ཅད་ཀྱི་དགེ་བའི་རྩ་བ་ཆུང་ངུ་དང་། འབྲིང་དང་། ཆེན་པོ་དང་། སྣ་ཚོགས་རྣམ་པར་གནས་པའི་
D187.061.0182a04.01མཚན་ཉིད་དང་། དགེ་བའི་རྩ་བ་ཐམས་ཅད་དང་། བསམ་པ་ཚད་མེད་པ་རྒྱུན་མི་གཅོད་པའི་མཚམས་ཀྱི་སྐད་ཅིག་མའི་ཡེ་ཤེས་ཡོངས་སུ་རྫོགས་པར་བྱེད་པ་ཐམས་ཅད་མངོན་པར་མཁྱེན་པ་དང་། ཆོས་ཐམས་ཅད་རྐྱེན་དང་འདུས་པ་ཚོགས་པར་ཁོང་དུ་ཆུད་པ་ཐམས་ཅད་
D187.061.0182a05.01མངོན་པར་མཁྱེན་པ་དང་འཇིག་རྟེན་གྱི་ཁམས་ཐམས་ཅད་ཀྱི་རིགས་རབ་ཏུ་འབྱེད་པའི་ཡེ་ཤེས་མཐོང་བ་ཐམས་ཅད་མངོན་པར་མཁྱེན་པ་དང་། ཆོས་ཀྱི་དབྱིངས་དབྱེ་བ་མིག་འཕྲུལ་མཁན་གྱིས་རྣམ་པར་ཕྱེ་བ་ལྟར་ཐམས་ཅད་མངོན་པར་མཁྱེན་པ་སྟེ། ཀྱེ་རྒྱལ་བའི་སྲས་འདི་ནི་
D187.061.0182a06.01སངས་རྒྱས་བཅོམ་ལྡན་འདས་རྣམས་ཀྱིས་ཆོས་ཐམས་ཅད་མ་ལུས་པར་མངོན་པར་མཁྱེན་པ་བཅུའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་ཀྱི་སྟོབས་ཆེན་པོ་དང་། སྟོབས་དང་། སྟོབས་ཚད་མེད་པ་དང་། སྟོབས་ཀྱི་བདག་ཉིད་ཆེ་བ་དང་། བཟོད་
D187.061.0182a07.01