完整藏文原文 · 德格版页 当前仅加载第 61 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བསྙེངས་པ་མི་མངའ། སྐྱོ་བ་མི་མངའ་སྟེ། དེ་བཞིན་དུ་སེམས་ཅན་གྱི་ཁམས་མ་ལུས་པ་ཐམས་ཅད་དུ་སངས་རྒྱས་ཀྱིས་འདུལ་བའི་གང་ཟག་གི་ཕྱིར་རིམ་པས་རབ་ཏུ་སྐྱོང་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་
D187.061.0169b01.01ལྔའོ། །སངས་རྒྱས་བཅོམ་ལྡན་འདས་ཀྱི་བདག་པོས་སེམས་ཀྱི་སྐད་ཅིག་མ་དེ་བཞིན་གཤེགས་པ་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་འབྲང་ཞིང་གཤེགས་ནས། ཕྱོགས་བཅུའི་འཇིག་རྟེན་གྱི་ཁམས་འགྱུར་བ་རྒྱ་མཚོ་མེད་པ་བཅུ་རྡུལ་ཡབ་མ་ལུས་པ་
D187.061.0169b02.01ཐམས་ཅད་ཀྱི་ཆོས་ཀྱི་དབྱིངས་གཅིག་ནས་གཅིག་ཏུ་ཐམས་ཅད་བྱིན་གྱིས་བརླབས་པ་དང་། ཕྱོགས་ཀྱི་འཇིག་རྟེན་གྱི་ཁམས་ཐམས་ཅད་ཀྱི་རིགས་ཀྱི་དྲ་བ་བཟློག་ཅིང་ཚད་མེད་པར་གཤེགས་ཏེ། ཆོས་ཀྱི་དབྱིངས་སྟོན་པ་དང་། མི་འཕྲོགས་པའི་ཆོས་ཀྱི་འཁོར་ལོ་
D187.061.0169b03.01བསྐོར་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་དྲུག་གོ། །སངས་རྒྱས་བཅོམ་ལྡན་འདས་ཀྱི་བདག་པོས་སེམས་ཀྱི་སྐད་ཅིག་མ་ལ་སེམས་ཅན་གྱི་ཁམས་འདུལ་བའི་ཕྱིར་སེམས་ཀྱི་སྐད་ཅིག་མ་ལ་བླ་ན་མེད་པ་
D187.061.0169b04.01ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱང་འདི་ལྟར་མངོན་དུ་རྫོགས་པར་སངས་རྒྱས་པའང་མེད། སངས་རྒྱས་ཀྱི་ཆོས་ཐམས་ཅད་ལས་མངོན་པར་སངས་རྒྱས་པའང་མེད། མངོན་དུ་རྫོགས་པར་འཚང་རྒྱ་བར་འགྱུར་བའང་མེད། སློབ་
D187.061.0169b05.01པའི་ས་ལ་གནས་པ་དང་། མངོན་པར་རྫོགས་པར་བྱང་ཆུབ་ཏུ་ཕྱེ་བ་དང་། སངས་རྒྱས་ཀྱི་ཆོས་ཐམས་ཅད་སྒྲིབ་པ་མེད་པར་རྟོགས་ཤིང་རིག་པའང་མེད་དེ། སེམས་ཅན་འདུལ་བའི་ཕྱིར་སངས་རྒྱས་རྣམ་པར་སྤྲུལ་པ་ཆེན་པོའི་ཡུལ་རྒྱུན་མི་གཅོད་ཅིང་དཔག་ཏུ་མེད་པའི་ཡེ་
D187.061.0169b06.01ཤེས་བརྙེས་ཏེ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་བདུན་ནོ། །སངས་རྒྱས་བཅོམ་ལྡན་འདས་ཀྱི་བདག་པོས་གང་སྤྱན་གྱི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེ་སྙན་གྱི་སྐྱེ་མཆེད་ཀྱིས་ཀུན་ཏུ་སྒྲུབ། གང་སྙན་གྱི་སྐྱེ་མཆེད་ཀྱིས་
D187.061.0169b07.01