完整藏文原文 · 德格版页 当前仅加载第 61 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
མ་བྱུང་བར་སོང་བ། མཚན་ཉིད་མེད་པར་སོང་བ། སྣ་ཚོགས་མེད་པར་སོང་བ། རྒྱན་མེད་པར་སོང་བ། བླང་བ་མེད་པར་སོང་བ། ངོ་བོ་ཉིད་མེད་པར་སོང་ཞིང་ཆོས་ཐམས་ཅད་མཁྱེན་ཏེ། ཆོས་ཀྱི་ཀློང་ལས་རིམ་པར་འབྱིན་པ་རབ་ཏུ་མཁྱེན་པ། འཇིག་རྟེན་གྱི་ཆོས་དང་མི་
D187.061.0172b01.01འགལ་བར་མཛད་པ། ཡང་དག་པའི་ངོ་བོ་ཉིད་མེད་པར་ལྟ་བ། ཐམས་ཅད་མཁྱེན་ཅིང་ཐམས་ཅད་གཟིགས་པ། ཡེ་ཤེས་ཀྱིས་མ་ལུས་པར་གཟིགས་པ། ཆོས་ཐམས་ཅད་དབང་གིས་སྣང་བར་མཛད་ཅིང་དེ་བཞིན་ཉིད་ཀྱི་ངོ་བོ་ཉིད་ལས་མི་འཕོ་སྟེ། འདི་ནི་སངས་རྒྱས་
D187.061.0172b02.01བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་དྲུག་པའོ། །དུས་གཅིག་ཏུ་མཚན་མ་གཅིག་ཕན་ཚུན་རྟོགས་ཤིང་མཁྱེན་པ་དེ་ཆོས་གཤའ་མར་འཇུག་པ་ཡོངས་སུ་མི་གནས་པའི་དགེ་བའི་རྩ་བ་མཉམ་པ་རྣམ་པར་དག་པ། ཆོས་གཤའ་མ་ཉིད་དང་།
D187.061.0172b03.01དུས་ཐམས་ཅད་དུ་མི་གནས་པ་དེ་ལ་ཉི་མ་གཅིག་དང་། ཟླ་བ་ཕྱེད་དང་། ལོ་གཅིག་དང་། ལོ་བརྒྱ་དང་། བསྐལ་པ་སྡུད་པ་དང་འགྱུར་བའི་རྗེས་སུ་འཇུག་པའང་མ་ཡིན། ལྡོག་པའང་མ་ཡིན། ཚད་མེད་པའི་དུས་དང་། ཉི་མ་གཅིག་དང་། ཡུད་ཙམ་གྱི་དུས་དང་།
D187.061.0172b04.01སྔ་དྲོ་དང་། ཉི་མ་ཕྱེད་ཀྱི་དུས་དང་། ཕྱེམ་རེད་དང་། སྲོད་དང་། ནམ་གྱི་གུང་དང་། ཐོ་རངས་ཀྱི་དུས་དང་། ཉི་མ་དང་། གྲངས་སུ་གཏོགས་པའི་དུས་དང་། ཞག་བདུན་དང་། ཟླ་བ་ཕྱེད་ཀྱི་དུས་དང་། ཟླ་བ་གཅིག་དང་། ལོ་གཅིག་དང་། ལོ་བརྒྱའི་དུས་དང་། བསྐལ་
D187.061.0172b05.01པ་གཅིག་གི་དུས་དང་། ཚད་མེད། གྲངས་མེད། བསམ་གྱིས་མི་ཁྱབ། བརྗོད་དུ་མེད་པའི་དུས་དང་། ཕྱི་མའི་དུས་ཀྱི་མཐའི་བར་དུས་ཆོས་སྟོན་ཏེ། ཆོས་ཀྱི་འཁོར་ལོ་ལ་གནས་པའང་མེད་ལྡོག་པའང་མེད། རྒྱུན་ཀྱང་མི་གཅོད། སྦྱོར་བའང་མེད། མཚམས་སུའང་
D187.061.0172b06.01མི་འགྱུར། མི་འདོར། མི་འཕོ། མི་གཡོ། རིང་བའང་མ་ཡིན། དེ་མཐའ་ལ་ཡང་གནས་པ་མ་ཡིན་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་བདུན་པའོ། །སངས་རྒྱས་བཅོམ་ལྡན་འདས་ཀྱིས་ཆོས་ཀྱི་དབྱིངས་མ་ལུས་པ་
D187.061.0172b07.01