完整藏文原文 · 德格版页 当前仅加载第 61 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
སྔོན་གྱི་མཐའ་ནས་སྨོན་ལམ་སྤྱོད་པའི་ཡེ་ཤེས་ཀྱི་རྒྱ་མཚོ་མི་ཟད་པ་དང་། སངས་རྒྱས་བཅོམ་ལྡན་འདས་ཕྱི་མའི་མཐར་འགྲོ་བ་ཐམས་ཅད་ལ་སངས་རྒྱས་ཀྱི་མཛད་པ་རྒྱུན་མི་གཅོད་པའི་ཡེ་ཤེས་ཀྱི་རྒྱ་མཚོ་མི་ཟད་པ་དང་། སངས་རྒྱས་བཅོམ་ལྡན་འདས་སེམས་ཅན་མ་ལུས་པའི་རིས་
D187.061.0164b01.01ཐམས་ཅད་ཀྱི་སེམས་ཀྱི་སྤྱོད་པའི་ཡེ་ཤེས་ཀྱི་རྒྱ་མཚོ་མི་ཟད་པ་དང་། སངས་རྒྱས་བཅོམ་ལྡན་འདས་ཀྱི་ཐམས་ཅད་མཁྱེན་པའི་བསོད་ནམས་ཟིལ་གྱིས་མི་གནོན་པའི་ཡེ་ཤེས་ཀྱི་རྒྱ་མཚོ་མི་ཟད་པ་སྟེ། ཀྱེ་རྒྱལ་བའི་སྲས་འདི་ནི་དེ་བཞིན་གཤེགས་པ་དགྲ་བཅོམ་པ་ཡང་
D187.061.0164b02.01དག་པར་རྫོགས་པའི་སངས་རྒྱས་རྣམས་ཀྱི་ཡེ་ཤེས་ཀྱི་རྒྱ་མཚོ་མི་ཟད་པ་བཅུའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་སྤྱན་བཅུ་སྟེ། བཅུ་གང་ཞེ་ན། གང་འདི་ལྟར་སངས་རྒྱས་བཅོམ་ལྡན་འདས་རྣམས་ཐམས་ཅད་ཀྱི་ཕ་རོལ་ཏུ་ཕྱིན་
D187.061.0164b03.01ཅིང་མངོན་པར་བྱུང་བའི་སྤྱན་དང་། གང་འདི་ལྟར་སངས་རྒྱས་བཅོམ་ལྡན་འདས་རྣམས་ཀྱིས་ཆོས་ཐམས་ཅད་མི་མཁྱེན་པ་མི་མངའ་བའི་སྤྱན་དང་། གང་འདི་ལྟར་སངས་རྒྱས་བཅོམ་ལྡན་འདས་རྣམས་ཐམས་ཅད་ལ་ཐུགས་རྗེ་ཆེ་བའི་སྤྱན་དང་། གང་འདི་ལྟར་སངས་རྒྱས་
D187.061.0164b04.01བཅོམ་ལྡན་འདས་རྣམས་ཚད་མེད་པའི་སྟོབས་བཅུ་ཐམས་ཅད་དང་ལྡན་པའི་སྤྱན་དང་། གང་འདི་ལྟར་སངས་རྒྱས་བཅོམ་ལྡན་འདས་རྣམས་བླ་ན་མེད་པའི་ཆོས་ཀྱི་འཁོར་ལོ་བསྐོར་བའི་སྤྱན་དང་། གང་འདི་ལྟར་སངས་རྒྱས་བཅོམ་ལྡན་འདས་རྣམས་སེམས་ཅན་ཐམས་ཅད་འདུལ་བར་
D187.061.0164b05.01ཞུགས་པའི་སྤྱན་དང་། གང་འདི་ལྟར་སངས་རྒྱས་བཅོམ་ལྡན་འདས་འགྲོ་བ་ཐམས་ཅད་མངོན་དུ་རྫོགས་པར་སངས་རྒྱས་པར་མཛད་པའི་སྤྱན་དང་། གང་འདི་ལྟར་སངས་རྒྱས་བཅོམ་ལྡན་འདས་རྣམས་བཞུགས་པས་འདུལ་བའི་སེམས་ཅན་ལ་འདུལ་བའི་སྤྱན་དང་། གང་འདི་
D187.061.0164b06.01ལྟར་སངས་རྒྱས་བཅོམ་ལྡན་འདས་རྣམས་གཉིས་སུ་མེད་པར་སྤྱོད་པའི་ཆོས་ཀྱི་མཚན་ཉིད་ལ་དབང་བའི་སྤྱན་དང་། གང་འདི་ལྟར་སངས་རྒྱས་བཅོམ་ལྡན་འདས་རྣམས་ཇི་ལྟར་སེམས་ཅན་བཏུལ་ཏེ་སྨིན་པར་མཛད་ནས། སངས་རྒྱས་ཀྱི་ཡུལ་གྱི་མཐའི་ཕྱིར་སངས་རྒྱས་
D187.061.0164b07.01