完整藏文原文 · 德格版页 当前仅加载第 61 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་དབྱེར་མེད་པས་འབྱུང་བའི་ས་དང་བྱང་ཆུབ་སེམས་དཔའི་སྤྱོད་པ་མཐའ་ཡས་པའི་སྟོབས་ལ་གནས་ཤིང་ཡོན་ཏན་ཐམས་ཅད་ཀྱི་ཁྱད་པར་མ་ལུས་པའི་མཐའ་རབ་ཏུ་རྙེད་དེ་འདུག་པ་དང་། འཇིག་རྟེན་ཐམས་ཅད་དུ་འགྲོ་བ་དང་། སེམས་ཅན་
D187.061.0177a01.01ཐམས་ཅད་མ་ལུས་པའི་མཐར་འགྲོ་བ་དང་། ཞིང་ཐམས་ཅད་དུ་འགྲོ་བ་དང་། ཆོས་ཐམས་ཅད་དུ་འགྲོ་བ་དང་། བྱང་ཆུབ་སེམས་དཔའ་ཐམས་ཅད་དུ་འགྲོ་བ་དང་། ཡོངས་སུ་སྨིན་པ་ཐམས་ཅད་དུ་འགྲོ་བ་དང་། དུས་ཐམས་ཅད་དུ་འགྲོ་བ་དང་། འདུལ་བ་ཐམས་ཅད་དུ་
D187.061.0177a02.01འགྲོ་བ་དང་། སངས་རྒྱས་ཐམས་ཅད་ཀྱི་རྣམ་པར་རོལ་པར་འགྲོ་བ་དང་། འགྲོ་བ་མ་ལུས་པ་ཐམས་ཅད་ཀྱི་དད་པ་ཇི་ལྟ་བ་བཞིན་དུ་རྣམ་པར་ཆུད་པར་བྱེད་པ་སངས་རྒྱས་ཀྱི་མཛད་པ་མཛད་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མཛད་
D187.061.0177a03.01པ་ལྔ་པའོ། །སངས་རྒྱས་བཅོམ་ལྡན་འདས་རྣམས་ཕྱིར་མི་ལྡོག་པའི་ཚུལ་གྱིས་ཕྱིར་མི་ལྡོག་པའི་ཆོས་ཀྱི་འཁོར་ལོ་བསྐོར་ཏེ། འཇིག་རྟེན་ཐམས་ཅད་མངོན་པར་ཤེས་པར་བྱེད་པའི་ཚུལ་གྱིས་འཁོར་ལོ་དང་། མ་ལུས་པ་ཐམས་ཅད་དུ་མ་ལུས་པར་རྫོགས་པར་སངས་རྒྱས་ཤིང་མི་འཇིགས་པའི་
D187.061.0177a04.01སེང་གེའི་སྒྲ་ཆེན་པོའི་ཚུལ་གྱིས་འཁོར་ལོ་དང་། ཆོས་ཐམས་ཅད་ཀྱི་ཡེ་ཤེས་ཀྱི་མཛོད་དང་། མུན་པ་མེད་པའི་ཆོས་ཀྱི་མཛོད་ཀྱི་སྒོ་སྣང་བའི་ཚུལ་གྱིས་འཁོར་ལོ་དང་། ནམ་མཁའི་ངོས་ལྟར་ཆགས་པ་མེད་པའི་ཡེ་ཤེས་ཚད་མེད་པའི་ཚུལ་གྱིས་འཁོར་ལོ་དང་། ཆོས་ཐམས་
D187.061.0177a05.01ཅད་ངོ་བོ་ཉིད་མེད་པའི་ངོ་བོ་ཉིད་བསྒྲིབས་པ་མེད་པ་ལ་སོ་སོར་རྟོག་པའི་ཚུལ་གྱིས་འཁོར་ལོ་དང་། སེམས་ཅན་ཐམས་ཅད་ཀྱི་ཆོས་ཀྱི་མིག་རྣམ་པར་དག་པ་དང་། འཇིག་རྟེན་ཐམས་ཅད་ཀྱི་སྒྲོན་མའི་ཚུལ་གྱིས་འཁོར་ལོ་དང་། ཐམས་ཅད་མཁྱེན་པའི་ཆོས་སྣང་བར་བྱེད་པའི་དུས་
D187.061.0177a06.01གསུམ་དུ་འཇིག་རྟེན་ཐམས་ཅད་ལ་ཁྱབ་པའི་ཚུལ་གྱིས་འཁོར་ལོ་དང་། སངས་རྒྱས་ཐམས་ཅད་ཀྱི་གཅིག་ཏུ་སྙུག་པ་སངས་རྒྱས་ཐམས་ཅད་ཀྱི་ཆོས་དང་མི་འགལ་བའི་ཚུལ་གྱིས་འཁོར་ལོ་དང་། དེ་ལ་སོགས་པ་གྲངས་མེད་པའི་རྣམས་བྱེ་བ་ཁྲག་ཁྲིག་བརྒྱ་སྟོང་གི་ཆོས་ཀྱི་འཁོར་ལོ་བསྐོར་ཏེ།
D187.061.0177a07.01