完整藏文原文 · 德格版页 当前仅加载第 61 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་ཅིང་རིགས་རྣམ་པར་དག་པ་ཐམས་ཅད་མཁྱེན་པ་ཉིད་ཀྱི་ཡེ་ཤེས་ལས་བྱུང་ཞིང་འདུས་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་རིགས་དང་། གདུང་རྣམ་པར་དག་པའི་རྒྱན་མཆོག་དམ་པ་བླ་ན་མེད་པའོ། །སངས་རྒྱས་བཅོམ་ལྡན་འདས་ཀྱི་སྐུ་བྱམས་
D187.061.0168b01.01པ་ཆེན་པོའི་སྟོབས་ཀྱིས་བརྒྱན་པ་ཤིན་ཏུ་དང་ཞིང་རྙོག་པ་མེད་པའི་ཀུན་ཏུ་རྟོག་པའི་སྐུའི་འདུ་བྱེད་ཉམ་རངས་པ། ཤིན་ཏུ་རྣམ་པར་ཕྱེ་བ་བལྟ་བས་མི་ངོམས་པས། ཐུགས་རྗེ་ཆེན་པོའི་ཐུགས་འགྲོ་བ་ཐམས་ཅད་ཀྱི་སྦྱིན་གནས་དང་། སྐྱབས་མེད་ཀྱི་མཆོག་བླ་ན་མེད་པ་སོ་སོར་
D187.061.0168b02.01འཛིན་པ་རྣམས་ལ་ཐུགས་བརྩེ་ཞིང་ཕན་པར་བཞེད་པ། སེམས་ཅན་ཐམས་ཅད་ལ་ཡེ་ཤེས་ཆེན་པོའི་བྱིན་གྱིས་རློབ་པ་བསོད་ནམས་ཆེན་པོ་འཕགས་པ། འགྲོ་བ་ཐམས་ཅད་ཀྱི་བསོད་ནམས་མཐའ་ཡས་པའི་ཞིང་སེམས་ཅན་ཐམས་ཅད་ལ་ཡོན་ཏན་དང་ཡེ་ཤེས་ཀྱི་
D187.061.0168b03.01ཕུང་པོ་ཐམས་ཅད་རྣམ་པར་འཕེལ་བར་མཛད་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་བྱམས་པ་ཆེན་པོ་དང་། ཐུགས་རྗེ་ཆེན་པོ་དང་། བསོད་ནམས་ཀྱི་མཐའི་རྒྱན་མཆོག་དམ་པ་བླ་ན་མེད་པ་བཅུའོ། །ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་
D187.061.0168b04.01ལྡན་འདས་རྣམས་ཀྱི་སངས་རྒྱས་ཀྱི་རྒྱན་མཆོག་དམ་པ་བླ་ན་མེད་པའོ།། །།འཕགས་པ་སངས་རྒྱས་ཀྱི་ཆོས་བསམ་གྱིས་མི་ཁྱབ་པ་བསྟན་པ། བམ་པོ་གཉིས་པ། ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་ཀྱི་བདག་པོ་དབང་གི་ཆོས་བཅུ་སྟེ།
D187.061.0168b05.01བཅུ་གང་ཞེ་ན། སངས་རྒྱས་བཅོམ་ལྡན་འདས་ཆོས་ཐམས་ཅད་ཀྱི་བདག་པོ་དབང་གིས་ཆོས་ཐམས་ཅད་སྣང་བར་མཛད་པ་དང་། མཐའ་མེད་པའི་ཚིག་དང་འབྲུ་ལ་སྤོབས་པ་ཆགས་པ་མེད་པ་དང་། ཆོས་མ་ལུས་པ་ཐམས་ཅད་ཡོངས་སུ་སྟོན་པ་སྟེ། འདི་ནི་སངས་
D187.061.0168b06.01རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་དང་པོའོ། །སངས་རྒྱས་བཅོམ་ལྡན་འདས་ཀྱི་བདག་པོས་ཇི་ལྟར་སེམས་ཅན་གནས་པའི་འདུལ་ཞིང་ཡོངས་སུ་སྨིན་པ་དེ་ལྟར་སྨོན་ལམ་དང་ཆོས་སྟོན་ཏེ། འདི་ནི་སངས་རྒྱས་ཀྱི་བདག་པོའི་ཆོས་
D187.061.0168b07.01