完整藏文原文 · 德格版页 当前仅加载第 61 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་ཞིང་ཡོན་ཏན་གྱི་རྒྱན་ཐམས་ཅད་ཡོངས་སུ་རྫོགས་པ་སྟེ། འདི་ནི་སེམས་ཅན་གྱི་ཆོས་ཀྱི་སྙིང་པོ་གཉིས་སོ། །བརྗོད་དུ་མེད་པའི་ཡང་བརྗོད་དུ་མེད་པའི་འཇིག་རྟེན་གྱི་ཁམས་ན་འདུལ་བར་འོས་པའི་སེམས་ཅན་གཅིག་གཟིགས་ན་ཡང་མི་
D187.061.0166a01.01བཞུགས་པར་འཇིག་རྟེན་གྱི་ཁམས་ཐམས་ཅད་དུ་གཤེགས་ཏེ། འདི་ནི་སེམས་ཅན་གྱི་ཆོས་ཀྱི་སྙིང་པོ་གསུམ་མོ། །སེམས་ཅན་གྱི་སེམས་མི་འཕྲོགས་པ་ལ་ཐུགས་རྗེ་ཆེན་པོ་མཉམ་པ་དང་། སེམས་ཅན་སེམས་རབ་ཏུ་དང་བ་ལ་ཐུགས་རྗེ་ཆེན་པོ་མཉམ་པ་སྟེ།
D187.061.0166a02.01འདི་ནི་སེམས་ཅན་གྱི་ཆོས་ཀྱི་སྙིང་པོ་བཞིའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྱུང་བའང་མ་ཡིན། མ་བྱུང་བའང་མ་ཡིན། གང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཞུགས་ནས་ནམ་བླ་ན་མེད་པ་ཡང་
D187.061.0166a03.01དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱི་བར་དུ་བྱང་ཆུབ་ཀྱི་སེམས་མི་འཇིག་སྟེ། འདི་ནི་སེམས་ཅན་གྱི་ཆོས་ཀྱི་སྙིང་པོ་ལྔའོ། །དགེ་བའི་རྩ་བ་ཐམས་ཅད་བསྡུས་ནས་ཐམས་ཅད་མཁྱེན་པ་ཉིད་དུ་བསྔོ་བར་འཇུག་ཅིང་འཇིག་རྟེན་གྱི་
D187.061.0166a04.01ཕྱིར་མི་སྤྱོད་པ་སྟེ། འདི་ནི་སེམས་ཅན་གྱི་ཆོས་ཀྱི་སྙིང་པོ་དྲུག་གོ། །ཐོག་མར་སེམས་ཀྱིས་སངས་རྒྱས་ཐམས་ཅད་ཀྱི་སངས་རྒྱས་ཀྱི་སྤྱོད་པའི་རྗེས་སུ་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ལ་སློབ་སྟེ། ཐམས་ཅད་མཁྱེན་པར་བསྔོ་ཞིང་ཉན་ཐོས་དང་རང་
D187.061.0166a05.01སངས་རྒྱས་ཀྱི་སྤྱོད་པར་མ་ཡིན་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་སྟེ། འདི་ནི་སེམས་ཅན་གྱི་ཆོས་ཀྱི་སྙིང་པོ་བདུན་ནོ། །མཐའ་ཡས་པར་འོད་ཐམས་ཅད་ཀུན་ཏུ་སྣང་བ་དང་། སངས་རྒྱས་ཀྱི་ཆོས་ཐམས་ཅད་
D187.061.0166a06.01སྣང་བ་དང་། བྱང་ཆུབ་སེམས་དཔའ་སེམས་རྣམ་པར་དག་པ་འདི་སྣང་བ་ཐམས་ཅད་མཚུངས་པ་ཐམས་ཅད་མཚུངས་པར་ཐམས་ཅད་མཁྱེན་པ་ཉིད་དུ་ཡོངས་སུ་རྫོགས་པར་བྱེད་པ་སྟེ། འདི་ནི་སེམས་ཅན་གྱི་ཆོས་ཀྱི་སྙིང་པོ་བརྒྱད་དོ། །འཇིག་རྟེན་གྱི་བདེ་བ་ཐམས་ཅད་སྤོང་
D187.061.0166a07.01