完整藏文原文 · 德格版页 当前仅加载第 61 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་རབ་ཏུ་ཕྲ་བའི་རྡུལ་དང་མཉམ་པའི་བསྐལ་པ་ཟད་པ་དང་། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་སྙེད་ཀྱི་བསྐལ་པ་ཟད་ཅིང་འདས་ཀྱང་དེ་བཞིན་གཤེགས་པའི་སྤྲུལ་པ་ནི་དེ་ལྟ་མ་ཡིན་ཏེ། ཆོས་ཐམས་ཅད་མགལ་མེའི་འཁོར་ལོ་ལྟར་འཇུག་ཅིང་ཆོས་ཐམས་
D187.061.0184b01.01ཅད་ཤེས་རབ་ཀྱིས་སྟོན་ཏེ། བརྡ་སྤྲོད་ཅིང་ཐེ་ཙོམ་ཐམས་ཅད་གཅོད་པའི་ཆོས་ཀྱི་འཁོར་ལོ་སྐོར་བ་དང་། ཆོས་ཐམས་ཅད་སྣང་བར་བྱེད་པའི་ཆོས་ཀྱི་འཁོར་ལོ་སྐོར་བ་དང་། ཆགས་པ་མེད་པའི་མཛོད་ཀྱི་འཁོར་ལོ་སྐོར་བ་དང་། སེམས་ཅན་མཐའ་ཡས་པ་ཚིམ་པར་བྱེད་པའི་
D187.061.0184b02.01འདུལ་བའི་རྒྱན་གྱི་ཆོས་ཀྱི་འཁོར་ལོ་སྐོར་བ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་བསྡུས་པའི་རྒྱན་གྱི་འཁོར་ལོ་སྐོར་བ་དང་། ཡེ་ཤེས་ཀྱི་ཉི་མའི་དཀྱིལ་འཁོར་ཆེན་པོའི་རྒྱུན་གྱི་འཁོར་ལོ་སྐོར་བ་དང་། འགྲོ་བ་མ་ལུས་པ་ཐམས་ཅད་ལ་ཡེ་ཤེས་ཀྱི་སྒྲོན་མ་ཆེན་པོའི་རྒྱུན་
D187.061.0184b03.01གྱི་འཁོར་ལོ་སྐོར་བ་དང་། སོ་སོ་ཡང་དག་པར་རིག་པ་དང་། མི་འཇིགས་པ་ཆེན་པོའི་རྒྱན་གྱི་ཆོས་ཀྱི་འཁོར་ལོ་སྐོར་ཞིང་ཇི་ལྟར་སངས་རྒྱས་གཅིག་གི་སྐུའི་བྱིན་གྱི་བརླབས་ཀྱིས་ཆོས་ཀྱི་འཁོར་ལོ་སྐོར་བའི་སྤྲིན་ཆེན་པོ་ཡང་དཔེ་ཐམས་ཅད་ཀྱིས་དཔེར་བྱ་བ་མ་ཡིན་ཏེ། དེ་ལྟར་ཆོས་ཀྱི་
D187.061.0184b04.01དབྱིངས་མ་ལུས་པ་ཐམས་ཅད་དང་། ནམ་མཁའི་ཁམས་ཀྱི་མཐར་སྐྲའི་རྩེ་མོའི་མཐའ་ནས་རྣམ་པར་ཕྱེ་བ་ཆགས་པ་མེད་པ་མ་ལུས་པ་ཐམས་ཅད་དང་། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་སེམས་ཀྱི་སྐད་ཅིག་མ་དང་། སེམས་
D187.061.0184b05.01ཀྱི་སྐད་ཅིག་མ་རེ་རེ་དེ་སྙེད་ཀྱི་སངས་རྒྱས་ཀྱི་སྤྲུལ་པ་སྤྲུལ་པ་དང་། ཇི་སྲིད་དུ་མཐའ་མའི་བསྐལ་པར་དེ་བཞིན་གཤེགས་པ་ཐམས་ཅད་ཀྱི་སྤྲུལ་པའི་སྐུ་རྣམས་ཀྱི་དེ་བཞིན་གཤེགས་པའི་སྐུ་རེ་རེ་བ་དེ་སྙེད་དེ་སྙེད་ཀྱི་དབུར་གྱུར་པའི་བར་དུ་སྔར་ཀུན་ཏུ་བརྗོད་པ་བཞིན་དུ་དབུ་རེ་རེ་ལ་དེ་སྙེད་དེ་སྙེད་
D187.061.0184b06.01ཀྱི་ལྗགས་སུ་གྱུར་པའི་ལྗགས་རེ་རེ་ལ་དེ་སྙེད་དེ་སྙེད་ཀྱི་དབྱངས་ཀྱི་ཡན་ལག་དང་། གསུང་དང་། སྐུ་དང་། གསུང་འཇུག་སྟེ། ཆོས་ཀྱི་དབྱིངས་མ་ལུས་པ་ཐམས་ཅད་སེམས་ཅན་གྱི་ཁམས་ན་གོ་བར་བྱེད་པ་དང་། དབྱངས་ཀྱི་ཡན་ལག་དང་། སྒྲ་དང་། གསུང་རེ་རེས་དེ་སྙེད་དེ་སྙེད་ཀྱི་མདོ་
D187.061.0184b07.01