完整藏文原文 · 德格版页 当前仅加载第 61 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཇི་ལྟར་ངོ་བོ་ཉིད་སྨྲ་བའི་ཚུལ་གྱིས་རྗེས་སུ་སོང་བ། གྲངས་མེད་པའི་གཟུགས་ཀྱི་མཚན་མའི་ཚོགས་ཀྱི་སྐུ་རྣམ་པར་དག་པ་སྣ་ཚོགས་ཀྱི་ཞིང་ཐམས་ཅད་ཀྱི་མཚན་མ་དང་སྤྱོད་པའི་མཚན་མ་ཟད་པར་སྟོན་པ། མུན་པའི་འདུ་ཤེས་ཀྱི་ཕུང་པོ་
D187.061.0172a01.01ཡང་དག་པར་རབ་ཏུ་འཆང་བ་མུན་པའི་འགྲོ་བ་ཐམས་ཅད་ལ་སྒྲོན་མ་ཆེན་པོས་སྣང་བ་སྟོན་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་གསུམ་པའོ། །སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བ་ལ་མ་ཆགས་པ་དང་།
D187.061.0172a02.01འདས་པ་དང་། མ་འོངས་པ་དང་། ད་ལྟར་བྱུང་བ་དང་། ཆོས་ཀྱི་དབྱིངས་ལ་མི་གནས་པ། དེ་བཞིན་ཉིད་ཀྱི་མཚན་ཉིད་མ་བྱུང་བ་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བྱུང་བ་སྣང་བར་མཛད་པ། བརྗོད་དུ་མེད་པར་
D187.061.0172a03.01བསྟན་པ། དེ་ལྟར་ཚད་མེད་པའི་རིགས་ཀྱི་ཕྱིར་དང་། སངས་རྒྱས་ཀྱི་ཕྱིར་ལྟ་བ། སངས་རྒྱས་ཀྱི་ཡུལ་ཀུན་ཏུ་གཟིགས་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་བཞི་པའོ། །སངས་རྒྱས་བཅོམ་ལྡན་འདས་
D187.061.0172a04.01ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་མངོན་པར་འདུ་མི་བྱེད་པ། བླང་བ་མེད་པ་དང་། རྒྱ་མེད་པའི་མཐའ་ལ་གནས་པ། དོར་བ་མེད་པའི་ཆོས་ཀྱི་གནས་ཀྱི་ཕ་རོལ་ཏུ་སོང་བ། མ་ངེས་པའི་རྣམ་པའི་མཛོད་དང་། གྲངས་ཀྱི་སྤྱོད་པ་ལས་ལེགས་པར་
D187.061.0172a05.01ཚོགས་མཐའ་ཡས་པ་སྒྲུབ་པ་དང་། སྣ་ཚོགས་ཀྱི་རིམ་པ་འཇིག་རྟེན་པ་དང་། འཇིག་རྟེན་ལས་འདས་པའི་གྲངས་སུ་གཏོགས་པའི་རྗེས་སུ་སོང་བ། སྒྲིབ་པ་མེད་པའི་ཡེ་ཤེས་ཀྱི་ལྟ་བ་ཚད་མེད་མཐའ་ཡས་པའི་རྫུ་འཕྲུལ་སྣ་ཚོགས་མངོན་པར་འདུ་མཛད་པ། ཆོས་ཀྱི་
D187.061.0172a06.01དབྱིངས་མ་ལུས་པ་ཐམས་ཅད་སེམས་ཅན་རྣམས་འདུལ་ཞིང་རྣམ་པར་རིག་པར་བྱེད་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་ལ་མཁས་པ་ལྔའོ། །ཆོས་ཐམས་ཅད་བལྟར་མེད་པ་དང་། སྣ་ཚོགས་མེད་པར་སོང་བ་དེ་ནི་མེད་མེད་པར་སོང་བ།
D187.061.0172a07.01