完整藏文原文 · 德格版页 当前仅加载第 80 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ལ་སོགས་པ་ཀླུ་ཆེན་པོ་རྣམས་དང་། གཞན་གང་ཡང་རུང་བ་དུག་ལས་བྱུང་བ་ཐམས་ཅད་ཀྱང་ལྷགས་སོ། །རྣལ་འབྱོར་མ་སྣ་ཚོགས་སྡེ་མ་ལ་ཁ་ཕྱོགས་ཏེ་ཀླུ་ཐམས་ཅད་ཀྱིས་ཞུས་པ། ལྷ་མོ་བཀའ་སྩོལ་ཅི་ཞིག་བགྱི་ཞེས་སྨྲའོ། །གསུངས་པ་
D424.080.0144a01.01གང་ཡང་སངས་རྒྱས་ཉམས་སུ་མྱོང་བ་དེ་ལྟར་གྱིས་ཤིག །དེ་ལྟར་ཐོས་པ་ཙམ་གྱིས་དཀྱིལ་འཁོར་ཆེན་པོ་རྒྱན་དང་ལྡན་པའི་དབུས་སུ་བཅོམ་ལྡན་འདས་ཀྱི་ཐོད་པ་ཁ་ཕྱེ་སྟེ་གླེགས་བམ་བྱུང་ངོ་། །ནམ་མཁའ་ལ་སྒྲ་བྱུང་ངོ་། །ལྷ་མོ་ལྷ་ཚོགས་སྡེ་མ་ཟུང་། །སེམས་ཅན་ཀུན་
D424.080.0144a02.01ལ་ཕན་འདོགས་མ། །རྒྱུད་འདི་རྒྱལ་པོ་ཆེན་པོ་སྟེ། །རྣལ་འབྱོར་མ་ཡི་གོང་ན་མེད། །སངས་རྒྱས་ཐོད་པ་ཞེས་བྱ་བ། །སེམས་ཅན་ཀུན་ལ་ཕན་བྱེད་པའོ། །དེ་ལྟར་ཐོས་ནས་སྣ་ཚོགས་སྡེ་མས་གླེགས་བམ་ཡང་དག་པར་བཟུང་སྟེ། །ཕྱག་ན་རྡོ་རྗེ་ལ་ཉེ་བར་གཏད་དོ། །
D424.080.0144a03.01ཕྱག་ན་རྡོ་རྗེས་རྒྱུད་འདི་ཟུང་། །སེམས་ཅན་ཀུན་ལ་བདེ་འབབ་པ། །རྣལ་འབྱོར་མ་ཡི་དངོས་གྲུབ་ཀུན། །འབྲས་བུ་མྱུར་དུ་སྟེར་བྱེད་པའོ། །མནན་དང་སྤར་བ་ཡེ་ཤེས་ཆེ། །གོང་ན་མེད་པ་རྙེད་དཀའ་བ། །གསང་བ་མཆོག་གི་ཉམས་དགའ་བ། །ལུས་ཀུན་ལ་ནི་
D424.080.0144a04.01རྣམ་པར་གནས། །ནམ་མཁའ་ལྡིང་དང་ཆར་དབབ་དང་། །དངུལ་ཆུ་བཅུད་ཀྱིས་ལེན་པ་དང་། །བསྐྲད་དང་དབང་དུ་བྱ་ཉིད་དང་། །རྨོངས་དང་མངོན་སྤྱོད་ཉིད་དང་ནི། །དཔུང་ལ་སོགས་པ་རེངས་ཉིད་དང་། །དུས་སུ་ཟིན་པ་བཟློག་པ་དང་། །ཕུར་བུས་གདབ་དང་
D424.080.0144a05.01གསད་པ་དང་། །རྟག་ཏུ་སྒྲུབ་པ་བྱེད་པ་དང་། །སྣ་ཚོགས་སྔགས་རིམ་ཇི་བཞིན་དང་། །ཇི་བཞིན་རྣལ་འབྱོར་མ་བསྐྱེད་དང་། །དཔལ་ཆེན་ཧེ་རུ་ཀ་ཡི་ནི། །བསྐྱེད་པ་དང་ནི་གནས་རྒྱུ་དང་། །དངོས་དང་དངོས་མེད་སྤྲོས་མེད་དང་། །སྲིད་པར་སྤྱོད་ཅིང་གོས་མེད་
D424.080.0144a06.01དང་། །དགོངས་པས་བཤད་པ་མཆོག་ཆེན་དང་། །རྣལ་འབྱོར་མ་ཡི་མཆོག་ཆེན་དང་། །རྣལ་འབྱོར་མ་ཡི་འདུས་པ་དང་། །ནུས་པ་རྣམ་པ་མང་གསུངས་པ། །ཐོས་པ་ཙམ་གྱིས་འགྲུབ་པར་འགྱུར། །གཟུགས་བརྙན་དག་པ་ཉིད་དང་ནི། །དེ་བཞིན་བརྟན་པ་
D424.080.0144a07.01