完整藏文原文 · 德格版页 当前仅加载第 80 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
མའོ། །འདི་དག་སྨན་ནི་ཆེན་པོ་ལྔ། །སངས་རྒྱས་ལྔས་ཀྱང་རྙེད་པར་དཀའ། །འདི་དག་ཟོས་པ་ཙམ་གྱིས་ནི། །བསྐལ་བ་བྱེ་བར་དེ་འཚོའོ། །གཞོན་ནུ་མ་ནི་ཟླ་དྲུག་ཏུ། །དེ་བཞིན་ཤ་རི་ཀ་ཟླ་གསུམ། །གྲུབ་མ་ཟླ་བ་གཅིག་ཏུའོ། །བྱིས་ཅན་མ་ནི་ཟླ་ཕྱེད་གཉིས། །
D424.080.0155b01.01ཐོད་པ་ཅན་ཡང་ཟླ་བར་ཏེ། །ཚེ་འཕེལ་བ་ཡི་མཆོག་ཡིན་ནོ། །བྱ་རོག་མ་ནི་བྱ་རོག་གཟུགས། །གླང་པོ་མ་ནི་ངང་པའི་གཟུགས། །དྲོད་མ་དྲོད་ཀྱི་གཟུགས་ཅན་ཏེ། །སྡོབ་སངས་དཀར་མོ་སྔོན་མོའི་མིག །ཁ་སྦྱར་སྦྱོར་བའི་དུས་སུ་ནི། །མིག་ལས་བྱུང་བའི་རྫས་
D424.080.0155b02.01གང་ཡིན། །སྨན་དེའི་མིང་ནི་གཞོན་ནུ་མ། །འདི་རུ་བསྟན་པར་སོམ་ཉི་མེད། །དེ་ཡི་པདྨ་ལས་བྱུང་རྫས། །རྩ་ཡི་ནང་ན་རྣམ་པར་གནས། །གེ་སར་སྦས་པའི་སྤྱོད་ཡུལ་ཏེ། །སྨན་ནི་ཤ་རི་ཀ་རུ་གསུངས། །མེ་ཏོག་ལྡན་པའི་བུ་མོ་གང་། །ཁ་དོག་ནག་མོས་རབ་
D424.080.0155b03.01མཛེས་མ། །གང་དུ་ཐབས་ཤེས་གཉིས་འདུས་པ། །དེ་ཡི་ཁ་སྦྱར་སྦྱོར་ལས་བྱུང་། །སྨན་དེའི་མིང་ནི་གྲུབ་མར་བཤད། །སངས་རྒྱས་ཐོ་པའི་སྦྱོར་བ་ཡིས། །བུད་མེད་རབ་མཛེས་མཉམས་དང་། །དབང་པོ་གཉིས་ཀྱི་སྦྱོར་བ་ཡིས། །མི་ཕྱེད་ཉེ་བར་སྤྱད་པ་ཡི། །དེ་
D424.080.0155b04.01ལས་དང་པོར་བྱུང་བའི་རྫས། །སྨན་དེ་བྱིས་པ་ཅན་ནོ་ཞེས། །བདག་ཉིད་ཆེན་པོའི་ལྷ་མོས་གསུངས། །ལྷན་ཅིག་སྐྱེས་དག་བྱུང་བའི་རྫས། །མཆོག་ཆེན་མར་ཁུ་དག་དང་ནི། །བསྲེ་འགྱུར་འདིར་ནི་ཐེ་ཚོམ་མེད། །སྨན་དེའི་མིང་ནི་ཐོད་ཅན་མོའོ། །ཟླ་བ་ཉི་མའི་སྦྱོར་
D424.080.0155b05.01བ་ཡིས། །བྱ་བར་འདིར་ནི་ཐེ་ཚོམ་མེད། །ཟླ་བས་ཟླ་བར་ཉི་མས་ཉིར། །དེ་ལུས་སྐྲ་དཀར་གཉེར་མ་ཞི། །ཇི་སྲིད་སངས་རྒྱས་བཞུགས་ཀྱི་བར། །དེ་ཡི་ཚེ་ནི་རྒྱས་པར་འགྱུར། །སྨན་འདི་གྲུབ་པ་ཙམ་གྱིས་ནི། །དག་པའི་ལུས་སུ་འབྱུང་བར་འགྱུར། །དངོས་པོ་གང་
D424.080.0155b06.01དང་གང་ཡང་རུང་། །ལྕགས་དང་ཟངས་མའི་སྣོད་དག་ལ། །དངུལ་ནི་བྱུགས་པ་ཙམ་གྱིས་ནི། །དངུལ་དང་གསེར་དུ་འགྱུར་བ་ཡིན། །དེ་ནས་ཡང་དག་རབ་བཤད་པ། །དགོངས་བཤད་ཤིན་ཏུ་རྙེད་དཀའ་བ། །རྒྱུད་གཞན་དུ་ནི་རབ་སྦས་པ། །འབད་པས་དེ་འདིར་
D424.080.0155b07.01