完整藏文原文 · 德格版页 当前仅加载第 80 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཐོད་པའི་སྦྱོར་དང་ལྡན། །པདྨའི་སྟེང་དུ་ཉི་མ་སྟེ། །ཉི་མའི་སྟེང་དུ་ཧཱུྃ་ཡིག་བསམ། །ཧཱུྃ་གྱུར་པ་ལས་རྡོ་རྗེ་ནི། །སྔོན་པོ་ཧཱུྃ་གི་བདག་ཉིད་སྐྱེས། །ཧཱུྃ་དང་རྡོ་རྗེ་བྱུང་དཔའ་བོ། །ཧེ་རུ་ཀ་ནི་བདག་ཉིད་ཆེ། །སྐུ་མདོག་སྔོན་པོ་ཕྱག་བཞི་པ། །གཙོ་བོ་ཆེན་པོ་ཞལ་གཅིག་པ། །
D424.080.0151b01.01གཡས་ན་གྲི་གུག་ཐོད་པ་སྟེ། །གཡོན་ན་ཁ་ཊྭཱྃ་རྡོ་རྗེའོ། །སྐུ་ལ་མི་ཡི་རུས་པས་བརྒྱན། །ཀླུ་རྣམས་སྐྲག་པར་བྱེད་པ་པོ། །སྐྱིལ་ཀྲུང་ཕྱེད་པའི་གར་གྱིས་བཞུགས། །གཅེར་བུ་འཇིགས་བྱེད་རང་བཞིན་ཏེ། །ཞལ་གྱི་མཆེ་བ་ཅུང་ཟད་གཙིགས། །དབུ་སྐྲ་སེར་ཞིང་གྱེན་དུ་འབར། །
D424.080.0151b02.01ཐོད་པས་སྤྱི་བོ་བརྒྱན་བྱས་པ། །ས་འོག་བདུན་ནི་འཁྲུག་པར་བྱེད། །དཔའ་བོ་དེ་ལྟར་བསམ་པར་བྱ། །ཕྱིས་ནི་ཕྱོགས་ཀྱི་འདབ་མ་ལ། །ཨོྃ་དང་ཧཱུྃ་དང་ཁྃ་དང་སྭ། །ཡི་གེ་ཡོངས་སུ་གྱུར་པ་ལས། །རྣལ་འབྱོར་མ་ནི་རྣམ་པ་བཞི། །སྣ་ཚོགས་སྡེ་མ་འདོད་ཅན་མ། །ས་
D424.080.0151b03.01འོག་གནས་མ་རབ་བཟང་མ། །ལྷ་མོ་དེ་དག་མདོག་སྔོན་མོ། །གྲགས་ཆེན་ཞལ་གཅིག་ཕྱག་བཞི་མ། །ཉི་མའི་དཀྱིལ་འཁོར་རྣམ་པར་བཞུགས། །གཡོན་བརྐྱང་བ་ཡི་ཞབས་ཀྱིས་བཞུགས། །གཡས་ན་གྲི་གུག་ཐོད་པ་འཛིན། །གཡོན་ན་ཁ་ཊྭཱྃ་ཅང་ཏེའུ། །རུས་རྒྱན་
D424.080.0151b04.01ལྷ་མོ་ཀུན་འཇིགས་མ། །ཞལ་གྱི་མཆེ་བ་ཅུང་ཟད་གཙིགས། །སྟག་གི་པགས་པའི་ན་བཟའ་མནབས། །སྐྲ་ནི་སེར་པོ་གྱེན་དུ་འབར། །ཐོད་པའི་ཕྲེང་བས་སྤྱི་བོར་བརྒྱན། །དེ་རྣམས་མགོ་རྒྱུས་ཕྲེང་བ་ཅན། །ལྷ་མོའི་འོད་ཟེར་སྤྲོས་གྱུར་པས། །ཀླུ་རྣམས་སྐྲག་པར་མཛད་
D424.080.0151b05.01པ་མོ། །ཕྱོགས་ཀྱི་འདབ་བཞུགས་ཆེར་བཞད་མའོ། །བློ་ལྡན་མཚམས་ཀྱི་འདབ་བཟང་ལ། །ཉི་མ་བཞི་ལ་ཧཱུྃ་ཡིག་བཞི། །ཧཱུྃ་ཡིག་སོ་སོར་གྱུར་པ་ལས། །ཆང་འཚོང་མ་དང་འབྱུང་པོ་མ། །བཞིན་བཟང་ནམ་མཁར་འགྲོ་མ་སྟེ། །མཚམས་ཀྱི་འདབ་མར་གནས་ལྷ་མོ། །
D424.080.0151b06.01ཁ་དོག་སེར་མོ་གྲགས་ཆེན་མོ། །ཐམས་ཅད་ན་བཟའ་སེར་པོ་མནབས། །གཡས་བརྐྱང་བ་ཡི་ཞབས་ཀྱིས་གནས། །ཞལ་གཅིག་མ་ལ་ཕྱག་བཞི་མ། །ཀླུ་བརྒྱད་རྒྱན་བྱས་ལྷ་མོ་ནི། །གཡས་ན་གྲི་གུག་ཅང་ཏེའུ་འཛིན། །གཡོན་ན་ཁ་ཊྭཱྃ་ཐོད་པའོ། །སྐུ་ལས་
D424.080.0151b07.01