完整藏文原文 · 德格版页 当前仅加载第 80 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་ནི་བུད་མེད་བཀྲུ། །སྐད་ཅིག་དེ་ལ་བཀྲུས་ཙམ་གྱིས། །བུད་མེད་བུ་དང་ལྡན་པར་འགྱུར། །སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས་སྨན་ཆེན་པོ་ཁྱད་པར་ཅན་དང་། མོ་ཤམ་གྱི་ཁྲུས་ཀྱི་ཆོ་གའི་ལེའུ་སྟེ་བཅུ་
D424.080.0162b01.01པའོ།། །།དེ་ནས་ཡང་དག་རབ་བཤད་པ། །མཁའ་ལྡིང་སྦྱོར་ལས་བྱུང་བའི་ལེའུ། །སྔོན་དུ་གསུངས་པའི་ཆོ་ག་ཡིས། །མཁས་པས་དཀྱིལ་འཁོར་བྲི་བར་བྱ། །བློ་ལྡན་ཧེ་རུ་ཀ་དང་ནི། །ཀུན་ནས་རྣལ་འབྱོར་མ་བརྒྱད་བསྐྱེད། །མཚན་མ་ཕྱག་སོགས་
D424.080.0162b02.01སྔོན་གསུངས་བཞིན། །ཁ་དོག་དཀར་པོ་འབའ་ཞིག་ཉིད། །ཕྱོགས་ཀྱི་རྣལ་འབྱོར་མ་དཀར་ཞིང་། །མཚམས་ཀྱི་དམར་པོ་ཉིད་ཡིན་ནོ། །སྔོན་དུ་གསུངས་པའི་ཆོ་ག་ཡིས། །མཁས་པས་དཀྱིལ་འཁོར་བྱིན་གྱིས་བརླབ། །བུམ་པ་རྣམ་པ་བཞི་པོ་ལ། །སྔོན་གསུངས་ཕྱག་
D424.080.0162b03.01མཚན་བྲི་བར་བྱ། །རིག་པ་འཛིན་པའི་སྦྱོར་བ་ཡིས། །ཕྱིས་ནི་སློབ་མ་རྗེས་སུ་གཟུང་། །སྔོན་གྱི་ཆོ་གས་གསོལ་བཏབ་སྟེ། །སྦྱིན་དང་ཚོགས་ཀྱི་འཁོར་ལོ་དང་། །དེ་ནས་དཀྱིལ་འཁོར་མཆོད་པར་བྱ། །སླར་ཡང་གསང་སྔགས་འདི་ཡིས་ནི། །སློབ་མ་རྗེས་སུ་གཟུང་བར་
D424.080.0162b04.01བྱ། །ས་སྟེངས་ན་ནི་དུས་ཟིན་ལ། །ཅུང་ཟད་གསོ་བར་མི་ནུས་ཏེ། །ནམ་མཁའ་ལྡིང་ཅན་གྱིས་བཏང་ཞིང་། །དུས་སུ་ཟིན་ཅེས་སྨྲ་བ་ནི། །སངས་རྒྱས་ཐོད་པའི་རྣལ་འབྱོར་པ། །བློ་ལྡན་དེ་ནས་ལས་བརྩམ་མོ། །བདག་ཉིད་ཧེ་རུ་ཀར་གྱུར་ཅིང་། །ཀུན་ནས་རྣལ་འབྱོར་མ་
D424.080.0162b05.01བརྒྱད་དེ། །དེ་ཀུན་སྐུ་ནི་དཀར་པོ་རུ། །ཆོ་ག་བཞིན་དུ་སྦྱར་བར་བྱ། །འབྲས་བཏགས་རང་བཞིན་བླངས་ནས་ནི། །རིག་པ་འཛིན་པ་གཉིས་བྱའོ། །ཤིན་ཏུ་མཉམ་པར་གཞག་པ་ཡིས། །དེ་ཡི་ལག་པར་རལ་གྲི་སྦྱིན། །དེ་ཡི་སྙིང་གར་སྔགས་བཞུགས་པ། །འདབ་
D424.080.0162b06.01མ་གང་དང་གང་དེ་ལ། །མར་ཁུ་ཆེ་བྱས་སྣག་ཚ་དང་། །མཁས་པས་སྔགས་ནི་བྲི་བར་བྱ། །ཨོྃ་བུདྡྷ་ཀ་པཱ་ལེ་ནི་ཧྲཱིཿཨོྃ་ཀ་པཱ་ལ་ནི་བཛྲི་ཎི་ཨཿ བི་དྷྭཾ་ས་ཡ་སརྦྦ་ནཱ་ག་ན་ཨུ་ད་པ་ཡ་དྱ་དྷ་ར་ནི། བི་བྷ་བ་ཡ་ཀ་ལ་ད་ཤ་ན། བྷོ་བྷོ་བྷ་ག་པ་ཏི། བུདྡྷ་ཀ་པཱ་ལ་ནཱི། སརྦྦཱ་ན་ཎ་ཀྵ་ཡྃ་ཀ་
D424.080.0162b07.01