完整藏文原文 · 德格版页 当前仅加载第 80 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱོད་པ་དང་། །དུར་ཁྲོད་འཇིགས་པ་ཆེ་བཟང་དང་། །རོ་ལངས་བསྒྲུབ་ལ་སོགས་པ་དང་། །སྟོབས་པོ་ཆེ་རྣམས་དགུག་པ་དང་། །དེ་བཞིན་འཇིག་རྟེན་གསུམ་དགུག་དང་། །རིམས་ཀྱིས་གདུང་བ་འཇིགས་ཆེན་དང་། །དགྲ་ཡི་ཁ་སོགས་བཅིང་བ་དང་། །དེ་བཞིན་
D424.080.0144b01.01གསད་དང་བསླུ་བ་དང་། །མི་སྣང་བྱེད་པ་མཆོག་དང་ནི། །མིག་སྨན་དང་ནི་རིལ་བུ་ཉིད། །བཅུད་ལེན་རལ་གྲི་ཉིད་དང་ནི། །སངས་རྒྱས་ཐོད་པའི་སྦྱོར་བ་ཡིས། །ཐོས་པ་ཙམ་གྱིས་འགྲུབ་པར་འགྱུར། །མི་སྣང་བ་ནི་མཆོག་ཆེན་དང་། །སྣ་ཚོགས་སྒྱུ་འཕྲུལ་རྣམ་
D424.080.0144b02.01འཕྲུལ་དང་། །རང་གི་གཟུགས་ནི་སྒྱུར་བ་དང་། །གཞན་གྱི་ལུས་ལ་གཞུག་སོགས་དང་། །སངས་རྒྱས་བྱེ་བས་རབ་བསྲུངས་པའི། །སངས་རྒྱས་བུ་མོ་མཆོག་ཆེན་རྣམས། །ཁྲོས་པ་ཙམ་གྱིས་འགུགས་བྱེད་ན། །གཞན་དག་སྨོས་ལྟ་ཅི་ཞིག་དགོས། །མིག་
D424.080.0144b03.01འཕྲུལ་བྱེད་པ་ཉིད་དང་ནི། །དགེ་མཚན་རྣམ་པ་མང་ཤེས་པ། །འདོད་པ་ལྔ་ནི་བསྟེན་བཞིན་པས། །འདི་རུ་འགྲུབ་པར་གདོན་མི་ཟ། །འཇིགས་ཤིང་འཇོམས་པའི་རྩོད་ཆེན་པོ། །གཅིག་གིས་འབུམ་ལས་རྒྱལ་བར་བྱེད། །སྐྱེས་པ་གཅིག་གི་འདོད་ཆེན་གྱིས། །བུད་
D424.080.0144b04.01མེད་འབུམ་ཕྲག་འཛག་བྱེད་ཅིང་། །རྡོ་རྗེར་བྱེད་པ་རྙེད་དཀའ་བ། །གཅིག་གི་ས་ཐམས་ཅད་འདོད་པ་སྤྱད། །དེ་ནས་གཞན་ཡང་རབ་བཤད་པ། །མཁའ་ལྡིང་སྦྱོར་བ་རིམ་ཇི་བཞིན། །རྒྱུད་ཀུན་ཏུ་ཡང་རྙེད་དཀའ་བ། །མུ་སྟེགས་རྣམས་ཀྱི་ཡུལ་མིན་པ། །རྒྱུད་
D424.080.0144b05.01ཀུན་ཏུ་ཡང་མ་གསུངས་སོ། །སངས་རྒྱས་ཐོད་པའི་གཞུང་ཇི་བཞིན། །རྡོ་རྗེ་མགོན་པོས་གསུངས་པ་ཡི། །མཁའ་ལྡིང་ཤིན་ཏུ་རྨད་བྱུང་བ། །འཇིག་རྟེན་གསུམ་ན་རྙེད་དཀའ་བའི། །སྦྱོར་བ་རྣམ་པ་{བཅྭ་,བཅོ་}བརྒྱད་གསུངས། །ཤ་ལི་ཀི་ཡི་སྦྱོར་བ་དང་། །རིག་པ་
D424.080.0144b06.01འཛིན་དང་རྒྱལ་པོ་འགྱེད། །རྡེ་རྡུང་བུད་མེད་འཕྲོག་པ་དང་། །ཤིང་བསྣུན་ཞགས་པས་འཆིང་བ་དང་། །ཁུ་བྱུག་པདྨས་འབྱེད་པ་དང་། །སྟག་བྱེད་ཆུ་བླུགས་དུང་འབུད་དང་། །ཐོད་ལོ་ཀོར་འཕྲོག་སྐྱུག་པ་དང་། །རས་གཡོགས་ཐལ་ལྕག་བརྡབ་པ་དང་། །ཡིག་གསུམ་
D424.080.0144b07.01