完整藏文原文 · 德格版页 当前仅加载第 80 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ་གཏོར་མ་གཏང་བར་བྱའོ། །དེ་ནས་སློབ་དཔོན་གྱིས་དཀྱིལ་འཁོར་གྱི་སྔགས་ཀྱིས་གཤེགས་སུ་གསོལ་ཏེ། །ཨོྃ་བུདྡྷ་ག་པཱ་ལི་ནི་ཧྲཱིཿཨུ་ཏིཥྛ་གཙྪ་ཧཱུྃ་གཙྪ་ཧཱུྃ་ཕཊ། དཀྱིལ་འཁོར་གཤེགས་སུ་གསོལ་བའི་སྔགས་སོ། །དེ་ནས་ཡང་དག་བཤད་པར་བྱ། །ཆུ་
D424.080.0155a01.01ཡི་སྦྱོར་བ་བླ་མེད་པ། །གང་གིས་བྱིན་པ་ཙམ་གྱིས་ནི། །དུག་གིས་ཟིན་པ་འཚོ་བར་འགྱུར། །ཉི་མ་བདུན་ན་འཆི་བ་དང་། །གཞན་ཡང་དུག་གིས་ཉམས་པ་རྣམས། །ཆུ་ནི་བྱིན་པ་ཙམ་གྱིས་ནི། །འདི་རུ་འཚོ་བར་ཐེ་ཚོམ་མེད། །སྔགས་འདིས་དཀྱིལ་འཁོར་བྱས་ནས་
D424.080.0155a02.01ནི། །གནས་དགུ་རྣམས་སུ་མཆོད་པར་བྱ། །དུང་ཕོར་ཆུ་ཡིས་བཀང་བྱས་པ། །དཀྱིལ་འཁོར་དབུས་སུ་གཞག་པར་བྱ། །དེ་ནས་བརྩེ་བ་ཆེན་པོ་ཡི། །བདག་ཉིད་རྣལ་འབྱོར་པ་ཡིས་ནི། །རང་གི་ལག་པ་གཡོན་པ་ལ། །ཟླ་བ་ཡི་ནི་ཁྱད་པར་བསམ། །བཅུ་དྲུག་ཆ་ལས་
D424.080.0155a03.01ཡོངས་རྫོགས་པའི། །དྲི་མེད་དགེ་བའི་ལུས་ཅན་ཏེ། །དེའི་དབུས་ས་བོན་མི་ཤིགས་དགེ །ཁ་དོག་དཀར་པོའི་ལུས་ཅན་ནོ། །ལག་དེས་སྣོད་ཀྱི་ཁ་བཅད་དེ། །དེ་ནས་གསང་སྔགས་བཟླ་བར་བྱ། །ཨོཾ་སརྦྦ་པིཥ་ཧ་ར་ཧ་ར་ཧཱུྃ་ཧཱུྃ་ཕཊ་ཕཊ་སྭཱ་ཧཱ། སྔགས་འདིས་ལན་བདུན་
D424.080.0155a04.01གྱི་བར་དུ་མངོན་པར་བསྔགས་ཏེ། མི་ཤིགས་པ་དང་ལྷན་ཅིག་ཟླ་བ་ཞུ་བར་གྱུར་ནས་ཆུའི་ནང་དུ་ཐིམ་སྟེ། ཆུ་དང་ཟླ་བ་གཅིག་ཏུ་འདྲེས་པས་ཤིན་ཏུ་དཀར་པོར་འགྱུར་རོ། །གལ་ཏེ་དུག་གིས་ཟིན་པ་མ་ཤིན་དེའི་ཚེ་ཆུ་བླུད་དོ། །ཡང་ན་ཤི་བ་ཡིན་ན་མགོ་ནས་རྐང་པའི་མཐར་ཐུག་
D424.080.0155a05.01པར་ལན་གསུམ་གསུམ་དུ་ཆུ་རྒྱུན་མི་འཆད་པར་བླུགས་ན་ལངས་པར་འདིར་ཐེ་ཚོམ་མེད་དོ། །དེ་ནས་ཆུ་བླུད་ན་རྣལ་མར་འགྱུར་རོ། །སངས་རྒྱས་ཐོད་པའི་རྒྱུད་རྣལ་འབྱོར་མའི་གོང་ན་མེད་པ་གསང་བའི་ཡང་ཤིན་ཏུ་གསང་བ་ཞེས་བྱ་བ་ལས་ཤ་ལི་ཀའི་སྦྱོར་བ་དང་། ཆུའི་སྦྱོར་བའི་ལེའུ་
D424.080.0155a06.01སྟེ་བཞི་པའོ།། །།དེ་ནས་ཡང་དག་རབ་བཤད་པ། །ཤིན་ཏུ་རྙེད་དཀའི་བཅུད་ལེན་ལེའུ། །དེ་བཞིན་གཤེགས་པའི་སྙིང་པོ་མཆོག །རྣལ་འབྱོར་མ་ཡི་གོང་ན་མེད། །གཞོན་ནུ་མ་དང་ཤ་རི་ཀ། །གྲུབ་མ་བྱིས་པ་ཅན་མ་དང་། །དེ་བཞིན་ཐོད་{བཟངས་,བཟང་}ཅན་
D424.080.0155a07.01