完整藏文原文 · 德格版页 当前仅加载第 80 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་གསལ་བྱ། །དྲི་ཆུ་ཡེ་ཤེས་རྡོ་རྗེ་སྟེ། །དྲི་ཆེན་རྡོ་རྗེ་བཟང་པོ་ཉིད། །ཁྲག་ནི་མར་མེ་རྡོ་རྗེ་ཡིན། །ཁུ་བ་རྡོ་རྗེའི་ཐབས་བྱུང་ཉིད། །ཤ་ནི་ཆོས་ཀྱི་རྡོ་རྗེ་ཡིན། །དེ་ལྔ་རྣལ་འབྱོར་མ་ཡི་མཆོག །གང་གི་དམ་ཚིག་རྙེད་དཀའ་བའི། །ཐབས་འདིར་བདག་
D424.080.0156a01.01གིས་བཤད་པར་བྱ། །བ་ལང་ཤ་ནི་འབར་བ་སྟེ། །ཁྱི་ཡི་ཤ་ལ་སྤྲོ་བར་གསུངས། །རྟ་ཡི་ཤ་ལ་བཟའ་བར་བཤད། །གླང་པོའི་ཤ་ལ་ཞུ་བར་གསུངས། །ཤ་ཆེན་ལ་ནི་བཟང་པོར་བཤད། །དེ་ལྔ་རྣལ་འབྱོར་མཆོག་ཏུ་གསུངས། །རྣལ་འབྱོར་རྣལ་འབྱོར་མ་ལྡན་པར། །
D424.080.0156a02.01གལ་ཏེ་གཅིག་ཏུ་བྱེད་ནུས་པ། །དེ་ཆེ་རྣམ་རྟོག་དེ་ཐམས་ཅད། །འཇིག་འགྱུར་འདིར་ནི་ཐེ་ཚོམ་མེད། །ཟན་ལ་བསོད་ནམས་ཞེས་བྱ་སྟེ། །ཚོད་མ་ལ་ནི་སྡིག་པ་ཉིད། །རོ་ལ་ཤིན་ཏུ་རྙེད་དཀའ་གསུངས། །བྱིས་པ་ལ་ནི་འགལ་བ་ཉིད། །གཡུང་མོ་ལ་ནི་བཟང་མོར་
D424.080.0156a03.01གསུངས། །རུས་པའི་ཕྲེང་ལ་རྫས་ཞེས་བྱ། །སྐྱེས་བུ་ལ་ནི་རྡོ་རྗེར་གསུངས། །བུད་མེད་ལ་ནི་སྣོད་བཟང་ཉིད། །དབང་པོ་གཉིས་ཀྱི་རབ་སྦྱོར་ལ། །གཟི་བརྗིད་ཕྲེང་ཆེན་དེ་བཤད་དོ། །རབ་ཆགས་ཤིན་ཏུ་མཐོང་བ་ཉིད། །འཁྱུད་པ་ལ་ནི་ཆོས་ཞེས་བརྗོད། །འདྲི་
D424.080.0156a04.01བ་ལ་ནི་མར་མེའོ། །ཤིན་ཏུ་འདྲི་ལ་མེ་ཞེས་བྱ། །འགྲོ་བ་ལ་ནི་ཕྲེང་ཅན་མ། །འོང་ལ་ཤིན་ཏུ་ཕྲེང་ཅན་མ། །མྱུར་བ་ལ་ནི་བྱུག་ཅེས་བྱ། །དཔའ་བ་ལ་ནི་བཟང་དེ་བརྗོད། །པདྨ་རྩེ་འཇོ་ཕྲེང་ཅན་མ། །སྔགས་ཀྱིས་མཚན་མ་རབ་ངེས་ཞེའོ། །ལྗགས་ལ་ལྕེ་འོག་ཅེས་བྱ་སྟེ། །
D424.080.0156a05.01སོ་ལ་བཟའ་བསྣལ་བ་དེ། །མིག་ལ་རོལ་རྩེད་མུ་ཏིག་རྣ། །གསང་བའི་ཡུལ་ལ་རྙེད་དཀའ་ཞེའོ། །འདི་དག་བཤད་དོ་ལག་ཆེན་པོ། །འཇིག་རྟེན་གསུམ་ན་རབ་རྙེད་དཀའ། །སངས་རྒྱས་ཐོད་པའི་རྣལ་འབྱོར་པ། །མེད་པར་ཕན་ཚུན་སྨྲ་མི་བྱ། །འོན་ཀྱང་བཤད་ཆེན་དེ་
D424.080.0156a06.01ཉིད་འདི། །གཅིག་ལ་གཅིག་གིས་སྨྲ་བར་བྱ། །རྒྱུད་རྣམས་ཐམས་ཅད་དུ་སྦས་པ། །རྒྱུད་འདི་རུ་ནི་གསལ་བར་བྱས། །ཉེ་འདུན་གྲོང་མཐའ་ལྷན་ཅིག་ཞེའོ། །འདུས་པ་ཕྱི་རོལ་ཞེས་སུ་གསུངས། །ཉེ་བའི་འདུས་པ་ནང་དེ་བཞིན། །གནས་ལ་འབྲས་བུ་ཞེས་སུ་
D424.080.0156a07.01