完整藏文原文 · 德格版页 当前仅加载第 80 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་རབ་བཤད་པ། །གཅིག་ཏུ་སེམས་ཅན་དོན་རབ་ངེས། །གསེར་དུ་ངེས་པར་བྱེད་པའི་ལེའུ། །སློབ་དཔོན་ལ་ནི་རབ་དང་བས། །མུ་ཏིག་དང་ནི་ཉ་ཕྱིས་དང་། །དངུལ་ཆུ་དང་ནི་བྱི་རུ་ཡིས། །གང་གིས་སེམས་ཅན་ནོར་ལྡན་འགྱུར། །འདི་ནི་ཕྱི་ཡི་
D424.080.0161a01.01སྨན་མིན་ཏེ། །ཤུན་ལྤགས་ལོ་མ་མ་ཡིན་ཞིང་། །དངུལ་ཆུ་བཅུད་ལེན་མ་ཡིན་ཏེ། །མུ་ཟི་ལྷང་ཚེར་མ་ཡིན་ཞིང་། །ལྕགས་དང་ཞ་ཉེ་ཟངས་མ་མིན། །ལྕགས་གཞན་དག་ནི་མ་ཡིན་ཏེ། །གྲུབ་པའི་སྨན་གྱི་མཆོག་ཡིན་ནོ། །འདི་ལྟ་བུ་ཡི་ཚིག་ཐོས་ནས། །ཕྱག་ན་རྡོ་རྗེ་སྟོབས་པོ་
D424.080.0161a02.01ཆེས། །ཞབས་ཀྱི་རྡུལ་གྱི་ཆ་བཏུད་ནས། །སེམས་དཔའ་གཅིག་ཏུ་དད་བརྟན་པས། །ལྷ་མོ་ལེགས་སོ་ཞེས་ནི་སྨྲ། །སྨན་གྱི་མཆོག་ནི་གང་ཡིན་ཞིང་། །དངོས་གྲུབ་ཀྱང་ནི་ཇི་ལྟ་བུ། །གུས་པ་ཡིས་ནི་ཉན་པར་འཚལ། །ལྷ་མོ་ཆེན་མོ་ཁྱོད་ཀྱིས་གསུངས། །གྲུབ་པའི་
D424.080.0161a03.01སྨན་གྱི་མཆོག་གང་ལགས། །གང་གིས་སེམས་ཅན་ནོར་ལྡན་འགྱུར། །ཚེ་འཕེལ་བ་ལ་བརྩོན་པ་གང་། །སྔོན་བསྙེན་ལྟོས་པ་མེད་པ་ཡིས། །སྨན་ཆེན་གྲགས་པས་འགྲུབ་པ་གང་། །གང་གིས་རྫས་རྣམས་མང་པོར་འགྱུར། །མོ་ཤམ་བུ་དང་ལྡན་འགྱུར་གང་། །ཡང་དང་ཡང་དུ་
D424.080.0161a04.01མི་འཆི་ཞིང་། །ཤི་ནས་ཡང་དག་འཚོར་འགྱུར་བ། །ལྷ་མོ་ཆེན་མོ་ཁྱོད་ཀྱིས་གསུངས། །བཀའ་སྩལ་པ། ཁྱིམ་འདི་ཉིད་དུ་གནས་པ་ཡི། །སྨན་ཆེན་པོ་ཡིས་འགྲུབ་པ་སྟེ། །དེ་ཡང་སྣོད་བཟང་མཆོག་ལ་འགྲུབ། །བྱིས་པ་རྨོངས་པས་མི་ཤེས་སོ། །བདག་དོན་གཅིག་པུ་ལ་
D424.080.0161a05.01འབབ་ཅིང་། །ཀྱེ་མ་གཅིག་ཏུ་དཀའ་འབད་པས། །ཇི་ལྟར་སེམས་ཅན་དོན་འགྲུབ་འགྱུར། །སྣོད་བཟང་ལ་ནི་གནས་པའི་བཅུད། །ཟེའུ་འབྲུ་གསང་བའི་སྤྱོད་ཡུལ་ཏེ། །རོ་བཅུད་རྩ་ཡི་ནང་གནས་པའི། །སྨན་ཆེན་རོ་བཅུད་མ་རུ་བརྗོད། །གང་གིས་ལྕགས་ནི་གསེར་འགྱུར་བ། །གཅིག་
D424.080.0161a06.01གིས་ཀྱང་ནི་གྲངས་མེད་འགྱུར། །འདི་ལྟ་བུ་ཡི་སྨན་ཆེན་མཆོག །རོ་བཅུད་མ་ནི་དེ་བཞིན་གནས། །རབ་འབྱོར་ཆོ་ག་སྔོན་འགྲོ་བས། །སྨན་གྱི་མཆོག་ནི་འགྲུབ་པར་འགྱུར། །དེར་ནི་ཡང་དག་སྦྱོར་བཤད། །དད་པ་བརྟན་པ་ཡིས་ནི་ཉོན། །མེ་ཏོག་ལྡན་པའི་བུད་མེད་གང་། །གཞོན་
D424.080.0161a07.01