完整藏文原文 · 德格版页 当前仅加载第 80 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་ཡི་དཀྱིལ་འཁོར་བསྐྱེད་པ་ནི། །ཉི་ཤུ་རྩ་བཞིའི་བདག་ཉིད་གསུངས། །བདག་ཉིད་ཧེ་རུ་ཀ་གཟུགས་ལ། །ཉི་ཤུ་རྩ་བཞིའི་ལྷ་མོས་མཆོད། །ཐོད་པ་བདུད་རྩི་ལྔས་བཀང་བ། །ཧེ་རུ་ཀ་ཡིས་བཏུང་བར་བྱ། །དེ་ཡིས་འཐུངས་པ་ཙམ་གྱིས་ནི། །འགྲོ་བའི་བླ་མ་བདག་ཉིད་
D424.080.0158b01.01ཆེ། །གཙོ་བོ་ལས་གཞན་ཐ་དད་གཟུགས། །རྣལ་འབྱོར་མ་ཀུན་དེ་དང་འདྲ། །དེ་ལྟར་ཧེ་རུ་ཀ་མགོན་པོས། །རྣལ་འབྱོར་མ་ཀུན་སྤྱད་པར་བྱ། །ཐམས་ཅད་སྤྱད་པས་ཞུ་གྱུར་ཏེ། །ཉི་མའི་དཀྱིལ་འཁོར་རྣམ་པར་གནས། །དེ་ནི་ཞུ་བར་མཐོང་ནས་ནི། །ཤིན་ཏུ་སྲིད་པ་
D424.080.0158b02.01བསྒྲུབ་པའི་ཕྱིར། །སྒོ་ཡི་རྣལ་འབྱོར་མ་ཡིས་བསྐུལ། །ཅི་སྟེ་འཇིག་རྟེན་སྙན་མནན་ན། །ཅི་ཕྱིར་ཁྱོད་ནི་མི་དགྱེས་གྱུར། །གལ་ཏེ་ཁྱོད་བདག་ཚིག་གསན་ན། །མི་དགྱེས་གྱུར་པ་མཐའ་དག་ཐོང་། །སྲིད་འཇིགས་སྐྱེ་བོ་ཀུན་ལྷུང་བས། །སྟོང་པའི་ཐུགས་ནི་མ་མཛད་
D424.080.0158b03.01པར། །ཉིད་ཀྱི་དགོངས་པ་ཀུན་བསྒྲུབས་ཀྱེ། །རྣལ་འབྱོར་མ་ཡི་གྲོགས་པོ་བཞེངས། །གལ་ཏེ་སྔོན་གཙོ་ཚིག་གསན་ན། །འབྲས་བུ་ཡལ་བར་མ་དོར་ཅིག །ཁྱོད་མི་སྣང་ན་འགྲོ་བ་ཡི། །སྐྱེ་བོ་མཐའ་དག་གདུང་བས་ནོན། །ལོག་པའི་ང་རྒྱལ་མ་མཛད་པར། །སྟོང་པའི་རང་
D424.080.0158b04.01བཞིན་སྤངས་ནས་ནི། །ཁྱོད་ཀྱིས་དངོས་མེད་ཀུན་ཐོང་ལ། །རྣལ་འབྱོར་མ་ཡི་ཚོགས་ལ་སྤྱོད། །རྣལ་འབྱོར་མ་ནི་བཞི་པོ་ཡིས། །འདི་ལྟ་བུ་ཡི་གླུ་ཡིས་བསྐུལ། །སྔོན་བཞིན་མདོག་དང་མཚན་སོགས་ལྡན། །ཀུན་ནས་རྣལ་འབྱོར་མ་རྣམས་བསྐོར། །འཇིགས་པ་འཁོར་བ་
D424.080.0158b05.01སྒྲོལ་བྱེད་པའི། །དཔའ་བོ་ཆེན་པོ་འདི་བཞེངས་སོ། །སངས་རྒྱས་ཐོད་པ་ཞེས་བྱ་བའི་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས། དཀྱིལ་འཁོར་དང་ཧེ་རུ་ཀ་བསྐྱེད་པ་དང་སྒོམ་པའི་ལེའུ་སྟེ་བདུན་པའོ།། །།དེ་ནས་ཡང་དག་རབ་བཤད་བྱ། །སྦྱིན་
D424.080.0158b06.01སྲེག་དཀྱིལ་འཁོར་མཆོག་བཟང་པོ། །ཞི་བ་དང་ནི་རྒྱས་པ་དང་། །དེ་བཞིན་དབང་དང་མངོན་སྤྱོད་དེ། །སྦྱིན་སྲེག་རྣམ་པ་བཞི་རུ་གསུངས། །ཤིང་གི་སྦྱིན་སྲེག་མི་བྱ་ཞིང་། །འབྲས་དང་འབྲུ་རྣམས་ཀྱིས་ཀྱང་མིན། །བློ་ལྡན་གལ་ཏེ་ཞི་འདོད་ན། །མེ་ཏོག་གིས་ནི་སྦྱིན་སྲེག་
D424.080.0158b07.01