完整藏文原文 · 德格版页 当前仅加载第 80 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
འདྲ་བར་འགྱུར་རོ། །གསེར་དེ་མ་ཤ་གཅིག་དང་དངུལ་སྲང་གཅིག་བསྲེས་ཏེ་མེ་ལ་བཞུན་སྲང་སུམ་བརྒྱའི་རིན་ཐང་གི་ཚད་དུ་འགྱུར་བར་འདི་ལ་ཐེ་ཚོམ་མེད་དོ། །འདི་ལྟ་བུའི་སྦྱོར་བ་ནི་སངས་རྒྱས་རྣམས་ཀྱིས་ཀྱང་རྙེད་པར་དཀའོ། །འཇིག་རྟེན་དབང་ཕྱུག་ལ་སོགས་པའི་བྱང་ཆུབ་
D424.080.0147b01.01སེམས་དཔའ་གྲགས་པ་ཆེན་པོ་སྙིང་རྗེ་དང་ལྡན་པའི་བདག་ཉིད་ཆེན་པོ་སྟོབས་ཆེ་བ་དེ་རྣམས་ཀྱང་སྦྱིན་པར་མི་ནུས་སོ། །འདི་ཡི་སྦྱོར་བ་རྙེད་དཀའ་བ། །སངས་རྒྱས་ཐོད་པའི་རྒྱུད་དུ་གསུངས། །རྒྱུད་གཞན་རྣམས་སུ་སྦས་པ་ཡིན། །འདུས་སོགས་རྣལ་འབྱོར་རྒྱུད་དུ་ནི། །སྦྱོར་བ་རྣམ་པ་མ་གསུངས་
D424.080.0147b02.01པ། །གང་ཚེ་སྔོན་དུ་བསྙེན་དེའི་ཚེ། །དེ་ཡི་སྦྱོར་བས་ཅི་ཞིག་བྱ། །བསོད་ནམས་དམན་པའི་སེམས་ཅན་གང་། །མཚམས་མེད་ལྔ་ནི་བྱེད་པ་ཡང་། །སངས་རྒྱས་ཐོད་པའི་སྦྱོར་བ་ཡིས། །འདི་ལྟའི་སྦྱོར་བ་འགྲུབ་པར་འགྱུར། །དངོས་པོ་དེ་ཡིས་བློ་ཆེན་རྣམས། །སེམས་ཅན་
D424.080.0147b03.01དོན་ལ་གཅིག་ཏུ་བརྩོན། །སྲང་གཅིག་གིས་བསྲེས་བྱེ་བའི་རིན། །སྦྱོར་བ་ཀུན་ཏུ་རྙེད་པར་དཀའོ། །སྦྱོར་བ་གླེགས་བམ་ལ་མ་བྲིས། །བླ་མའི་དྲིན་ལས་ཤེས་པར་བྱ། །བླ་མས་དངོས་གྲུབ་བླ་མས་མཐར། །བླ་མ་སྟོན་པ་རྣམ་ཀུན་པ། །དེས་ན་སློབ་མ་བློ་ཆེན་གྱིས། །
D424.080.0147b04.01འབད་པས་བླ་མ་མཉེས་པར་བྱ། །ཐལ་བ་དེ་ཉིད་ཀྱིས་ལུས་བལྟ་བའི་དོན་དུ་བུ་མོའི་མགོ་ལ་བླུགས་ཏེ་རྡོ་རྗེ་གཙུག་གིས་བུ་མོ་བཀྲུའོ། །ཡང་ཐལ་བས་ཐིག་ལེ་བྱས་ལ། ཚངས་པས་རྡོ་རྗེས་མཎྜལ་གྲུ་བཞི་བྱས་ཏེ། དེའི་དབུས་སུ་བུ་མོ་གཞག་པར་བྱའོ། །བདུག་སྤོས་ལྔས་བདུགས་ཤིང་
D424.080.0147b05.01སངས་རྒྱས་ཐམས་ཅད་ཀྱིས་བྱིན་གྱིས་བརླབས་ན་བུ་མོ་ལ་འབབ་པར་འགྱུར་ཏེ། འདས་པ་དང་། མ་འོངས་པ་དང་ད་ལྟར་བྱུང་བ་སྟོན་ཏོ། །བུ་དོན་གྱིས་འབྲས་བུ་ལ་སྔགས་འདི་ལན་བདུན་དུ་མངོན་པར་བསྔགས་སོ། ཨོྃ་བུདྡྷ་ཀ་པཱ་ལི་ནི་དེ་ཏི་དེ་ཧཱི་ད་དཱ་པ་ཡ་ང་དཱ་པ་ཡ་ཧེ་ཧེ་བྷ་ག་བ་ཏི་ཤཱི་
D424.080.0147b06.01གྷྲྃ་ཁཌྒཾ་ད་རི་ཧི་བུདྡྷ་ཀ་པཱ་ལ་བཛྲ་སྱ་ཡ་ཛྙ་མ་ལཾ་གྷ་ཡ་ཧཱུྃ་སྟྃ་ཧྲཱི་ཕཊ་ཨ་ཕཊ། ཡུངས་ཀར་བསྣུན་པ་ཙམ་གྱིས་ནི། །བུ་མོ་གྲགས་ཆེན་མ་ནི་རྒོད། །དེ་ཡི་ཁ་ནས་རལ་གྲི་བདུན། །འབྱུང་བ་ལ་ནི་ཐེ་ཚོམ་མེད། །སངས་རྒྱས་ཐོད་པའི་རྣལ་འབྱོར་པས་སྐད་ཅིག་མ་དེ་ཉིད་ལ་འགྲུབ་པར་
D424.080.0147b07.01