完整藏文原文 · 德格版页 当前仅加载第 80 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
གཞི་བསམ་པར་བྱ། །རྡོ་རྗེའི་ས་གཞིའི་དབུས་ཆུང་པར། །ཨེ་ཡི་རྣམ་པ་བདག་ཉིད་ཆེ། །གྲུ་གསུམ་ཁམས་གསུམ་བདག་ཉིད་ཅན། །ཡི་གེ་ལྃ་གྱུར་ས་ཡི་ནི། །དཀྱིལ་འཁོར་གྲུ་བཞི་རབ་སེར་པོ་འོ། །དེ་ཡི་དབུས་ནས་ས་བོན་ནི། །ཡི་གེ་ཨོྃ་སྟེ་ཆོས་བདག་ཉིད། །
D424.080.0148b01.01ཨོྃ་ལས་བྱུང་བའི་འཁོར་ལོ་ན། །རྩ་རྣམས་ཀུན་གྱི་རང་བཞིན་ཅན། །རྣལ་འབྱོར་མ་ནི་རྣམ་པར་བཞུགས། །རྩ་ནི་དྲུག་ཅུ་ལ་རྒྱན་དང་། །སྤྲུལ་པ་དྲུག་ཅུ་རྩ་བཞི་འདབ། །དེས་ན་རྩ་བརྒྱ་ཉི་ཤུའོ། །རྡོ་རྗེ་སྐུ་ཡི་བདག་ཉིད་ཆེ། །ཤེས་རབ་ཅན་གྱིས་དེ་ལྟར་བསམ། །དེ་
D424.080.0148b02.01ཡི་དབུས་གནས་ས་བོན་ནི། །བྃ་དཀར་ཡི་གེ་ལས་བྱུང་བ། །ཆུ་ཡི་དཀྱིལ་འཁོར་ཟླུམ་པོའོ། །རྩ་རྣམས་ཐམས་ཅད་ཆུ་ཡི་ནི། །དཀྱིལ་འཁོར་ལ་ནི་ཐིམ་པར་འགྱུར། །སླར་ཡང་བསམ་པར་བྱ་བ་ནི། །རྃ་དམར་ལས་བྱུང་མེ་དཀྱིལ་འཁོར། །གྲུ་གསུམ་འབར་
D424.080.0148b03.01བའི་བདག་ཉིད་ཅན། །རབ་ཏུ་འབར་བཞིན་པ་ཡི་ནི། །རྩ་བའི་འཁོར་ལོ་ཡང་དག་བལྟ། །དེ་ནས་བསམ་པར་བྱ་བ་ནི། །ཡྃ་གྱུར་རླུང་གི་དཀྱིལ་འཁོར་ནི། །ཟླ་བ་ཕྱེད་པའི་རྣམ་འདྲ་སྔོ། །རྩ་རྣམས་རབ་ཏུ་གཡོ་བའི་གཟུགས། །ཐིམ་གྱུར་འཁོར་ལོའི་རིག་པར་
D424.080.0148b04.01གསུངས། །དེ་དག་ཐམས་ཅད་ཐིམ་འགྱུར་བ། །དེ་ཡི་དབུས་གནས་རྣལ་འབྱོར་པ། །དེ་ལྟར་ཤེས་པར་བྱེད་གང་ཞིག །སངས་རྒྱས་ཐོད་པའི་རྣལ་འབྱོར་པས། །དེ་ནས་ཟླ་བ་བསམ་པར་བྱ། །ཟླ་བའི་སྟེང་དུ་ཉི་མའོ། །དེ་ཡི་དབུས་ཚུད་ས་བོན་ནི། །ཧཱུྃ་དང་ཨ་
D424.080.0148b05.01ཡི་རང་བཞིན་ནོ། །ཡི་གེ་ཀ་ཡིས་ཧ་བརྒྱན་ཏེ། །ཀ་ནི་ཧ་ལ་ཐིམ་པར་འགྱུར། །མི་ཕྱེད་པ་ཡི་ཧ་དང་ཧཱུྃ། །གཉི་གའི་བདག་ཉིད་ཅན་བལྟའོ། །ཧ་ནི་མི་ཤིགས་ཤེས་རབ་ཀྱི། །བདག་ཉིད་ཨུ་དང་ཐིག་ལེ་དག །གཉི་ག་གཅིག་ཏུ་གྱུར་པ་ནི། །ཡི་གེ་ཧཱུྃ་གི་མཆོག་
D424.080.0148b06.01པ་ལྟའོ། །ཧཱུྃ་ལས་བྱུང་བའི་འོད་ཟེར་རྣམས། །དེ་ཡིས་བདེ་བ་ཆེ་བསྐུལ་ཏེ། །བ་མོ་ལྟ་བུའི་རི་བོང་ཅན། །ཉི་མར་ལྷན་ཅིག་ཞུ་གྱུར་ཅིང་། །དཀྱིལ་འཁོར་གཉི་ག་གཅིག་གྱུར་པ། །ཉི་མའི་མཆོག་ཏུ་བལྟ་བར་བྱ། །ཡང་ནི་ཧཱུྃ་བྱུང་འོད་ཟེར་དེས། །རྩ་བའི་
D424.080.0148b07.01