完整藏文原文 · 德格版页 当前仅加载第 80 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གཞན་ཡང་སྦྱར་བ་དང་། ཉེ་བར་སྦྱར་བའི་དུག་གང་ཡིན་པ་དང་། མདའ་དུག་དང་། བྱུག་པའི་དུག་དང་། དགྲ་རྣམས་ཀྱིས་གང་སྦྱར་བ་དང་། །བུད་མེད་རྣམས་ཀྱིས་གང་སྦྱར་བའི་དུག་དེ་རྣམས་ཉེ་བར་འཕོ་བར་འགྱུར་རོ། །གལ་ཏེ་ཀླུ་ཡིས་ཟིན་པ་ཡང་། །དེ་རུ་དེ་ནི་ངེས་
D424.080.0153b01.01བར་འགྲོ། །གཞན་ཡང་སྦྲུལ་གྱི་དུག་ཀྱང་རུང་། །ཆུ་ནི་འཐུངས་པ་ཙམ་གྱིས་ཀྱང་། །དེ་དག་ཐམས་ཅད་འཆི་བར་འགྱུར། །དེ་ཡི་ཕྱིར་ན་དུག་གི་ཆུ། །འདི་རུ་བཏུང་བར་ཐེ་ཚོམ་མེད། །དེ་ནས་སློབ་མ་དྲི་བར་བྱ། །འདིར་ནི་ཤ་ལི་ཀར་བྱེད་ཅིང་། །མཁའ་ལྡིང་ཤེས་
D424.080.0153b02.01པའི་སློབ་དཔོན་འགྱུར། །བསམ་པ་རྣམ་པར་དག་ཤེས་ནས། །ཕྱིས་ནི་བཀས་གནང་སྦྱིན་པར་བྱ། །སྟོང་ངམ་བརྒྱ་རུ་གསོལ་བ་གདབ། །དེ་ནས་སྔགས་ཀྱི་མན་ངག་སྦྱིན། །ཇི་སྲིད་སྤྲུལ་གྱིས་ཟིན་དུས་དང་། །ཇི་སྲིད་མཁའ་ལྡིང་རིགས་ཡོད་པར། །དེ་སྲིད་དེ་དང་
D424.080.0153b03.01དེ་ལས་ཀྱང་། །ཇི་སྲིད་དུས་སུ་ཟིན་མེད་པར། །སངས་རྒྱས་ཐོད་པའི་རྣལ་འབྱོར་པས། །དེ་སྲིད་འབད་རྩོལ་བྱ་བ་མིན། །དུས་ཟིན་འཆི་བའང་ཤེས་བྱ་སྟེ། །ནམ་མཁའ་ལྡིང་གི་བྱ་བ་བྱ། །དུས་སུ་ཟིན་ནོ་ཞེས་སྨྲ་བ། །དེ་སྲིད་རྣལ་འབྱོར་ཆེ་འདི་ཡིས། །དེ་རུ་ལས་
D424.080.0153b04.01ནི་བརྩམ་པར་བྱ། །བདག་ཉིད་ཧེ་རུ་ཀར་གྱུར་ཅིང་། །རྣལ་འབྱོར་མ་བརྒྱད་ཡང་དག་ལྡན། །བློ་ལྡན་སྔོན་གསུངས་གསང་སྔགས་ཀྱིས། །ཕྱིས་ནི་གཏོར་མ་སྦྱིན་པར་བྱ། །དེར་རྗེས་དཀྱིལ་འཁོར་བྱས་ནས་ནི། །སྔོན་དུ་གསུངས་པའི་གསང་སྔགས་ཀྱིས། །གནས་
D424.080.0153b05.01དགུ་རུ་ནི་མཆོད་པར་བྱ། །མཁས་པ་ཡིས་ནི་མཆོད་བྱས་རྗེས། །མཉམ་པར་བཞག་པས་ལས་རྣམས་བརྩམ། །གང་དུ་རྫུ་འཕྲུལ་ཆེ་ཀླུ་ཡོད། །དེ་རུ་སེམས་བཟང་འོད་ཟེར་སྤྲོ། །ཀླུ་རྣམས་ཀྱི་ནི་སྙིང་སྐམས་པས། །ཅི་ཞིག་བགྱིའོ་ཞེས་ནི་སྨྲ། །གསུངས་པ། ལྷ་
D424.080.0153b06.01མོ་སྣ་ཚོགས་སྡེ་མ་ཡིས། །སངས་རྒྱས་ཐོད་པར་སྔོན་དུ་གསུངས། །ཀྱེ་ཀྱེ་གྲགས་པ་ཆེ་བའི་ཀླུ། །སོང་སྟེ་འདིར་དུས་ཟིན་གྱུར་པའི། །དུས་ཟིན་འཛིན་པ་བཟུང་བ་མེད། །དུག་མེད་སྦྲུལ་ཡང་མེད་པའོ། །གང་ཕྱིར་དོགས་པས་རྨོངས་གྱུར་པ། །དེ་ཕྱིར་སྐྱེ་བོ་རྣམས་
D424.080.0153b07.01