完整藏文原文 · 德格版页 当前仅加载第 80 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
པ། མུ་སྟེགས་ལ་སོགས་མཁའ་ལྡིང་སྔགས། །ཡེ་ཤེས་ལས་བྱུང་ཇི་ལྟ་བུ། །དུས་སུ་ཟིན་པ་ཇི་ལྟར་ཡིན། །ཇི་ལྟར་དུག་ནི་སྐྱེ་བར་འགྱུར། །སྦྲུལ་གྱིས་ཟིན་པ་ཙམ་གྱིས་ནི། །སླར་ཡང་སེམས་ཅན་འཆི་འགྱུར་ཞིང་། །ཞུས་པ། ཁྱབ་འཇུག་དབང་ཕྱུག་
D424.080.0150b01.01སོགས་ལྷ་དང་། །ཚངས་པ་ཚངས་པ་མདུན་ན་འདོན། །དེ་རྣམས་ལ་ནི་འཆི་འཕོ་མཆིས། །དུག་གི་ཉེས་པས་གནོད་པར་འགྱུར། །དེ་ལྟར་དུས་སུ་ཟིན་ཅེས་སྨྲ། །སྦྲུལ་གྱི་དུག་ནི་སེལ་བ་མེད། །དེ་བཞིན་སྦྲུལ་ལ་དུག་ནི་ཡོད། །སྦྲུལ་ཟིན་འཚོའམ་མི་
D424.080.0150b02.01འཚོ་བ། །བདེ་བྱེད་ལ་སོགས་རྫུ་འཕྲུལ་ཆེའི། །ལྷ་དེ་རྣམས་ནི་དེ་ལྟར་སྨྲ། །སྟོན་པ་སྟོང་ཉིད་ངེས་གསུང་བ། །བཅོམ་ལྡན་རྡོ་རྗེ་འཆང་བས་གསུངས། །ཆོས་རྣམས་ཐམས་ཅད་སྟོང་པ་ལ། །སྦྲུལ་གྱི་དུག་ནི་ཇི་ལྟར་ཡོད། །གང་གིས་འཛིན་ཅིང་གང་ཞིག་འཛིན། །
D424.080.0150b03.01དུས་དང་དུས་མིན་ཇི་ལྟར་འགྱུར། །ཇི་ལྟར་སྤྱོད་ཅིང་ཇི་ལྟར་བསྡུ། །གང་ཕྱིར་འཛིན་ཅིང་གང་དུ་འཛིན། །སེམས་ཅན་དུག་ཟིན་མི་འཆི་བ། །སྟོང་ཉིད་སྨྲ་བའི་ངེས་པ་ཡིན། །འདོད་ཆགས་གཏི་མུག་སྟོང་པ་ཉིད། །གྲགས་ཆེན་ཡུལ་ནི་སྟོང་པ་ཉིད། །ཡུལ་གྱི་རང་
D424.080.0150b04.01བཞིན་དྲི་མ་མེད། །དྲི་མ་དང་བྲལ་ཇི་ལྟར་དུག །སྦྲུལ་གྱིས་ཀྱང་ནི་ཅི་ཞིག་བྱེད། །ཐ་མལ་པ་ཡི་ཡུལ་ནི་སྦྲུལ། །ཡུལ་གྱི་ཉེས་པ་དུག་ཉིད་དོ། །ལྷ་རྣམས་ཡུལ་རྣམས་ཀྱིས་ནི་བསྒྲིབས། །ཐམས་ཅད་དུས་སུ་ཟིན་པ་ཡིན། །ཡུལ་གྱི་ཉེས་པ་སྦྱངས་པ་ཉིད། །སྟོན་
D424.080.0150b05.01པ་ལོངས་སྤྱོད་གོས་མི་འགྱུར། །སངས་རྒྱས་ཐོད་པའི་རྣལ་འབྱོར་བས། །འདོད་ཀུན་ཉེ་བར་ལོངས་སྤྱོད་བྱ། །རི་སྐེགས་སྦྱོར་བ་རྙེད་དཀའ་དང་། །སངས་རྒྱས་ཐོད་པའི་སྦྱོར་ལྡན་པས། །འདིར་ནི་ཀླུ་རྣམས་ཐམས་ཅད་ལྷགས། །དེ་ཕྱིར་རབ་ངེས་ལྷ་མོ་ཀྱེ། །དུས་ཟིན་ཐ་ཆེམ་
D424.080.0150b06.01མེད་པ་རུ། །བློ་མེད་མུ་སྟེགས་ཅན་དེ་སྨྲ། །འདི་ལྟར་སྨྲས་ཏེ་ཀླུ་རྣམས་ཀྱིས། །སྣ་ཚོགས་སྡེ་ལ་ཕྱག་འཚལ་ཏེ། །རང་རང་གི་ནི་གནས་སུ་དོང་། །དེ་ནས་བཅོམ་ལྡན་འདས་མས་ཡུལ་གྱི་ཉེས་པ་སྤོང་བའི་སྔགས་གསུངས་པ། ཨོྃ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱ་ཏྨ་ཀོ྅ཧྃ། །
D424.080.0150b07.01